Mataayo 26:24 - Eriiraghano Eriihë

²⁴ Eni Omoona o Mooto neghwitu kinya bhuno yandëkuru mo‑Mandëkö Amatööbhiyu. Amare horeera nakorighi omooto uno akuhaana eni mo‑mabhökö gha bhabhisa. Nengabheere ngʼoni omooto uyo atiibhoru!”

Mataayo 26:24 Referans Kwoze

Ruuka 24:46

Wiiki akabhabhoorera akabhugha, “Yandëkuru kubha Kirisito nakunyaakibhu na ghwitu, no orosiko ro ghatato, nakoryoka koru mo‑bhaku.

Mataayo 18:7

“Horeera mokorighi inyu abhaato bha se ino, gho ghiri e ghuköra amangʼana ghano ghaghughëri abhaato bharaköra amasari! Amasaki ghayo ngakwëndëru ghabhe‑ho, amare horeera nakorighi omooto uno aghogharëëta masaki ghayo!

1 Abhakorinto 15:3

Nebheeghiri ameeghi gha bhwëra ghano eni omwene neghasongʼaaniri, kubha Kirisito ꞉naakuure gho ghiri e masari ghiito, kinya bhuno yandëkuru mo‑Mandëkö Amatööbhiyu.

Yohana 17:12

Eriibhagha nibheere haghirohamu nabho nebhachongiri kwo bhotoro bho riina reecho rino oheere. Nebhachongiri bhoheene kubha netamorumeeri koru umu mo‑bhaare, nanyinga wuure omorumeeri, kubha ghahikeerane ghano ghaandëkuru mo‑Mandëkö Amatööbhiyu.

Ruuka 22:22

Omoona o Mooto, naaghuye ghwitu, kinya bhuure are ëndiiru. Amare, horeera nakorighi wuure akuucha komwigharurani!”

Maariko 14:21

Eni Omoona o Mooto neghwitu kinya bhuno yandëkuru mo‑Mandëkö Amatööbhiyu. Amare horeera nakorighi omooto uno akuhaana eni mo‑mabhökö gha bhabhisa. Nengabheere ngʼoni omooto uyo atiibhoru.”

Mataayo 26:54

Ibheere aribha neraköra hangʼu, nibhu ghaghuköra ghahikeerane ghano ghaandëkuru mo‑Mandëkö Amatööbhiyu kubha, hangʼu nibhu ghakwëndëru kubha?”

Maariko 9:12

Nawe akabhagharokeri akabhugha, “M‑mahëënë, Eriya nakuucha singa ghuköra bhuhë amangʼana ghoose. Koru hangʼu, ngwake yandëkuru mo‑Mandëkö Amatööbhiyu kubha Omoona o Mooto, nakwëndëru abhönë anyaako ihaari chwee na ghuchëëru?

Mataayo 26:56

Amare ghoose ghano ngarweriire kubha ghahikeerane ghano abharööti ꞉bhaandëkiri mo‑Mandëkö Amatööbhiyu.” Bhakamara abhaanabheegha bhaache bhoose bhakamotigha Yesu, bhakangʼösa.

Amaköri gha Bhatomu 28:23

Niho bhaghiishererani na Bhawuro orosiko runo bhaghutëmëërana. Orosiko ruyo hano rohikiri, Abhayahuuti bhayo bhaghatëmëërana kwo bhwaru ghokera ekimbërë, mo‑nyumba ino are ariikara. Bhawuro akamara omwishe woose arabheeghi, na köbhëërëkërëri kwo bhuchömu ighoro e bhutëmi bho Ryobha. Mbe, gho kubha ꞉nëëndiri bhoose bhamokumi Yesu, eghaghëri abheeghi amangʼana ighoro e Yesu gho kohetera emeghiro ghe Musa, na mo‑bhitabhu bhe bharööti.

Amaköri gha Bhatomu 4:28

Ghayo ꞉bhaaköriri bhayo, nigho ghano iye ꞉wëëndiri ghaköru korwera simoka, wiiki ꞉nooghakangatiri kwo bhotoro bhoocho.

Amaköri gha Bhatomu 2:23

Akamara Yesu uno akaruusibhu ghokoonyu, kinya Eryobha eryene reere ryeche na kurëngʼaana na amënda ghaache koru simoka. Wiiki inyu mokamwita mo‑musarabha, gho kohetera abhaato bha matöngö.

Yohana 19:28

Hano ghayo ghahetiri, Yesu akamënya kubha naare amariri ghoghiköra emeremo gheeche ghyose. Mbe, aghasiikëra akabhugha, “Nekooghu anyööta.” Ghayo ꞉ngaarweriire ghahikeerane ghano ghaandëkuru mo‑Mandëkö Amatööbhiyu.

Yohana 19:24

Mbe, bhakabhoorani bhakabhugha, “Totayitandura andachana ino, amare tutëmë akuura kubha ibhe yaawe.” Ghayo ꞉ngaaköruru kubha ghahikeerane ghano ghaandëkuru mo‑Mandëkö Amatööbhiyu kubha, “Bhakahööha changibho cheene, na ghutëmëra akuura andachana yaane.” Mbe, hangʼu nibhu ꞉bhaaköriri abhaashirikare bhaare.

Mataayo 26:31

Mbe, Yesu akabhabhoorera abhaanabheegha bhaache akabhugha, “Obhotiko bho reero, inyu bhoose mokungʼösa na ghontigha. Neekubha hangʼu, kinya Eryobha rebhughiri mo‑Mandëkö Amatööbhiyu kubha, ‘Nekomutëma omoriishi o changʼöndu, ne erikinda ndeghusanchana.’