Mataayo 26:13 - Eriiraghano Eriihë

¹³ Mahëënë ˆnekabhabhoorera, hohoose hano Angʼana Anchömu ekuraghanibhu mo‑se yoose, ngaghughambu amachömu ghano omukari uno anköriire kubha abhaato bhamohiite.”

Mataayo 26:13 Referans Kwoze

Maariko 14:9

Mahëënë ˆnekabhabhoorera, hohoose hano abhaato bhaakubha bhararaghani Angʼana Anchömu mo‑se ino, mbaakubha bharabhugha rino ꞉anköriire omukari uno, gho komohiita.”

Mataayo 24:14

Wiiki Angʼana Anchömu e bhutëmi bho Mwishaaro nekuraghanibhu mo‑matöngö ghoose kubha abhaato bhoose bhayimënyë. Kwo riibhagha riyo, niho antenero e se ekuucha.

Abheebhuraaniya 6:10

Mbe, gho kubha Eryobha n‑ihëënë, retaaghotora ghogheebhu amaköri amachömu ghano muköriri. Wiiki retaaghotora kwebhu obhosiighi bhuure mwërëkiri ghokooche gho nchëra e kobhatoori abhakumi abhaghëndi bhaanyu korwera hano musëëmiri mbagha ibheere.

Obhohunyurëru 14:6

Nekamara, nekarighi marayika owonde arituumuka ghateghate e riighoro. Marayika uyo naare na Angʼana Anchömu e miishe ghyose e kuraghaneri abhaato bhano bhiikeere mo‑se, kwo bhaato bha chaase choose, na amatöngö ghoose, ne ebhighambo bhyose na abhahiiri bhoose mo‑se ingima.

1 Timotewo 2:6

Iwe ꞉naaruusiri eriimanya reeche omwene, kubha abhatingori abhaato bhoose. Bhuno nibho obhwibhateri bhuno Kirisito atoheere kwo riibhagha rino Eryobha retooriri.

Abhakorosaayi 1:23

Amare mokwëndëru kwëndërëra koyekumi Angʼana Anchömu, mubhe muköngʼiiri na kubha na changuru. Motiishereri ghotigha eriitëngʼërö rino ꞉moobhwine hano mooghwire Ngʼana Anchömu. Angʼana Anchömu iyo eni Bhawuro nibheere omutamishi waache, wiiki ꞉niiraghiinu mo‑bhaato bhoose bha hano mo‑se.

Abhakorosaayi 1:6

Angʼana Anchömu ino ꞉ehikiri bhowaanyu, nisanchiri mo‑se ingima. Nekobhagharura abhaato kinya ꞉ebhagharwire inyu korwera orosiko runo ꞉mooghwire na kumënya aghareeya e Ryobha no obhuhëënë bho ghareeya yaache kebhuno enyi.

2 Abhakorinto 10:18

Ino nekwërëki kubha, omooto wowoose uno akwihacha omwene taaghwisherereru, amare uno aghoghongibhu no Omutëmi, uyo niwe aghwisherereru.

Abharuumi 15:19

꞉Mbaaruturu koresooka, gho kubha kohetera ghokoone mbarooche changuru che Kirisito mo‑bhyërëkërëri ne ebhiraghe. ꞉Neetoriri ghoghaköra gho changuru che Körö e Ryobha. Gho ghayo, ꞉niinaariri ahaghiro hoose kuraghani Angʼana Anchömu ighoro e Kirisito, korwera mo‑moghya o Yerusareemu mbagha mo‑mukööwa o Iririiko.

Abharuumi 10:18

Mbe, aribha hangʼu keenyi, tigha nebhoori eribhoori. Kana, Abhiisiraeri bhataamara kooghu angʼana iyo? M‑mahëënë kubha mbooghwire, gho kubha Amandëkö Amatööbhiyu ngakobhugha kubha, “Eriiraka reebho ndyoghwiru mo‑se yoose, na amangʼana ghaabho ngahikiri mbagha hano ase irëngiire.”

Ruuka 24:47

Na abhaato bha matöngö ghoose, korwera Yerusareemu, mbakuraghaneru kwo riina reeche kubha, mbakwëndëru bhatuukuunere amasari ghaabho, bhaabhëru.

Maariko 16:15

Niho akabhabhoorera akabhugha, “Mughëndë mo‑se yoose, muraghani Angʼana Anchömu kwo bhaato bhoose.

Maariko 13:10

Angʼana Anchömu nekwëndëru kuraghanu singa mo‑bhaato bha chaase choose.

Mataayo 28:19

Mbe, mughëndë kwo bhaato bha matöngö ghoose na kobhaköra kubha abhaanabheegha bhaane. Mobhakörë bhabhe abhaanabheegha bhaane gho kobhabhatiisa, kwo riina re Taata, na re Moona na re Akörö Ahörëëru.

Amaköri gha Bhatomu 10:4

Korineeriyo akamumööhërëri marayika uyo kwo bhotiini, akamobhoori akabhugha, “Omutëmi, neke ˆghekabhönëka?” Marayika uyo akamugharokeri akabhugha, “Eryobha ndyoghwire amasabhi ghaacho, na nderooche kebhuno oghusakeri abhahabhe. Ghayo ghoose, Eryobha ndeghokohiita iyo Mwishaaro.