Mataayo 26:11 - Eriiraghano Eriihë

¹¹ Abhahabhe mbaanyi haghirohamu na niinyu chaasiko choose, amare eni nteekubha haghirohamu na niinyu eriibhagha ryose.

Mataayo 26:11 Referans Kwoze

Maariko 14:7

Inyu moonyi haghirohamu na bhahabhe chaasiko choose. Moghotora kobhakörëra amachömu eriibhagha ryoryose rino mosiighiri. Amare, motaakubha haghirohamu na neeni chaasiko choose.

Yohana 12:8

Abhahabhe mookubha nabho chaasiko choose. Amare eni nteekubha haghirohamu na niinyu chaasiko choose.”

Yohana 16:28

Eni neruure o‑Taata nekaacha mo‑se ino, amare ibheere neghutanura mo‑se ino, nigharuke o‑Taata.”

Yohana 16:5

Mbe, ibheere ˆneeghaye o‑Taata uno ꞉antomiri ghokoonyu. Amare taanyi‑ho wowoose ghate yaanyu uno akomboori kubha, ‘Kana, hayi oghuye?’

Yohana 14:19

Rekeere eriibhagha isuuhu abhaato bha mo‑se ino bhataakondighi wiiki. Amare inyu mokondighi, gho kubha eni m‑muhöru, na niinyu mookubha abhahöru.

Yohana 13:33

“Inyu abhaana bhaane, neekubha na niinyu kwo riibhagha ighuhe hangʼu. Kinya bhuno neere nebhabhooriire abhakangati bha Bhayahuuti, hangʼu hangʼu ˆnekabhabhoorera na niinyu ibheere kubha, hano neeghuye, motaaghotora kuucha.

Amaköri gha Bhatomu 3:21

Ibheere Yesu nakwëndëru asaaghe Mwishaaro mbagha hano Eryobha reghuköra ebheghiro bhyose bhe mo‑se ino bhibhe, kinya bhuure abhughiri korwera kare gho nchëra e bharööti bhaache abhatööbhiyu.

Yohana 17:11

Eni nteekubha wiiki mo‑se ino, amare ibheere ˆnekaacha ghokoocho. Amare ibho mbakwëndërëra kubha mo‑se ino. Oo Taata Omutööbhiyu, ˆneghaghusabha obhachonge kwo bhotoro bho riina reecho rino oheere, kubha bhabhe egheghiro kimu kinya bhuno itu toonyi.

Mataayo 28:20

Wiiki mobheeghi ghoghaghööta ghoose ghano nebherekeriiri inyu. Mööhi! Neekubha haghirohamu na niinyu eriibhagha ryose mbagha mo‑ntenero e se.”

Mataayo 18:20

Nekobhugha hangʼu gho kubha aribha bhaanyi‑ho abhaato bhabhere hamu bhatato bhano bhatëmëriine kwo riina reene, na neeni neekubha haghirohamu nabho.”

1 Yohana 3:17

Omooto wowoose uno anyi no obhwame bho mo‑se ino, aramara amorighi mughëndi waache uno anyi na amënda, amare ange komorigheri changori komotoori, nibhu aghotora kobhugha kubha naanyi no obhosiighi bho Ryobha moose yaache?

Abhagharatiya 2:10

Abhakangati bhayo mbatusabhiri angʼana imu hangʼu kubha, tubhe torahiita abhahabhe bhano bhaanyi ghate e bhakumi bha iyo Yerusareemu. Na neeni neghwiköngʼi chwee ghuköra angʼana iyo.

Mataayo 26:10

Yesu akamënya ghano ꞉bhaare bhariihëëbha, akabhabhoorera akabhugha, “Ngwake mokunyaaki omukari uno hangʼu? Iwe nanköriire angʼana anchömu chwee.