Mataayo 25:8 - Eriiraghano Eriihë

⁸ “Abhaakë bhaare bhataano abhaghëëghë bhakabhabhoorera bha mangʼiini bhakabhugha, ‘Ntoghoghusabha motusakeri amaghuta nangabha masuuhu gho ghiri e bhemore bhiito ˆbhekarima.’

Mataayo 25:8 Referans Kwoze

Ruuka 12:35

“Mwikare mwisëëmiri eriibhagha ryose, ne ebhemore bheenyu, bhibhe bheraaka.

Abheebhuraaniya 4:1

Mbe, eriiraghano re Ryobha re bhaato ghusöha ahaghiro ha koweera rekeere reenyi‑ho. Gho ghayo twichonge, kubha umu ghate yaanyu ataacha ghokindu ghusöha ahaghiro hayo.

Obhohunyurëru 3:9

Mutëghëërërë! Nekobharëëtëra inyu abhaghëndi bha Rishambu, bhano bhakwibherekera n‑Abhayahuuti, abhaato bha Ryobha, amare tiyaanyi, m‑bharöngö. Mbe, bhano nekobhaköra bhaache bhabhahighamere. Niho bhakumënya kubha, nebhasiighiri inyu.

Ruuka 16:24

Akamobherekera kwo riiraka ikoro, ‘Taata Abhurahamu, ondigheri changori! ˆNekanyaaka chwee mo‑mororo uno! Omotome Rasaaro ache hano neenyi, aköri anyinga e kyara mo‑manche, atonyi mo‑roreme roone gho ghiri romitite.’

Ruuka 8:18

“Mbe, ghano mooghwire, moghatëghëërërë bhoheene, gho kubha, uno anyi ne egheghiro nakuhaabhu, na wuure ataanyi ne egheghiro nakuhöku koru kiire are ararighi kubha naanyi nakyo.”

Mataayo 3:9

Motabha moriihacha kubha mokwabhëru, gho kubha inyu m‑bha rwibhoro ro Abhurahamu moonyi. Mbe, ˆnekabhabhoorera, Eryobha ndeghotora komuha Abhurahamu abhaana koru mo‑mabhohe ghano!

Amaköri gha Bhatomu 8:24

Simiyooni akamugharokeri, “Munsabhere kwo Mutëmi yaaya, kubha ghano mobhughiri ghataacha kumböna.”

Mataayo 25:1

Niho Yesu akabhabhoorera abhaanabheegha bhaache akabhugha, “Kwo riibhagha riyo, obhutëmi bho Mwishaaro mboghotuubhaana na abhaakë ikomi bhano ꞉bhiimokiri chaatara cheebho na ghuye komoturungʼanera omokwiri.

Mataayo 25:7

Hayo hayo abhaakë bhayo bhoose bhakabhooka na ghusëëmi ebhemore bheebho.

Mataayo 25:9

Amare bhano bhaanyi na amangʼiini bhakabhagharokeri bhakabhugha, ‘Tiyaanyi! Totaaghotora kobhatoori gho kubha amaghuta ghano toonyi nagho, ghataaghotwisha koru hasuuhu itu haghirohamu na niinyu. Neghabheere bhoheene mughëndë mwighorere, kubha mubhe na amamba yaanyu inyu bheene.’