Mataayo 25:1 - Eriiraghano Eriihë

¹ Niho Yesu akabhabhoorera abhaanabheegha bhaache akabhugha, “Kwo riibhagha riyo, obhutëmi bho Mwishaaro mboghotuubhaana na abhaakë ikomi bhano ꞉bhiimokiri chaatara cheebho na ghuye komoturungʼanera omokwiri.

Mataayo 25:1 Referans Kwoze

Obhohunyurëru 19:7

Na niitu, tuchömëru, tuchaghane na komoghongi. Gho kubha anyangi e riirugha re Moona o Ngʼöndu ˆrekahika, no omokwiru namariri ghwisëëmi.

Obhohunyurëru 21:9

Akamara marayika umu o bhaare mohungate bhano ꞉bhaare ne ebhetibha mohungate bhe chanaabhi mohungate che kumareereri akaacha akamboorera akabhugha, “Nuuche hano, nekwërëki omokwiru, uno akubha omukari o Omoona o Ngʼöndu.”

Obhohunyurëru 21:2

Nekamara nekarighi omoghya omutööbhiyu, niwe Yerusareemu ahë, oriika koru Mwishaaro kwo Waryobha. Omoghya uyo noore uchöchuru kinya bhuure omokwiru ahaachöchu kwo mosubhe waache.

Yohana 3:29

Omokwiru nahëëndëru ghuye kwo mokwiri. Eni neenyi kinya bhuure omusaani o uno aghokwira, niimeeriire rubhareka rooche na neghuchömëru eriibhagha nekooghu eriiraka reeche. Mahëënë neghuchömëru ne emeremo ghino chwee.

Mataayo 13:24

Yesu akabhabhoorera eghetuubhaani ekende akabhugha, “Obhutëmi bho Mwishaaro mbotuubhiine no omooto uno ꞉emiri ambusuro inchömu a‑moghondo.

Obhohunyurëru 14:4

Abhaato bhayo mbahaamutambana Omoona o Ngʼöndu hohoose hano aghuye. Bhatighonchiri no obhoghonchu na abhakari, gho kubha mbaare bhataamara bhataara na abhakari. ꞉Mbaatingwiru koru ghate e bhaato abhande, bhaakabha a bhambërë koruusibhu amaruusi kwo Ryobha na kwo Omoona o Ngʼöndu.

Tiito 2:13

Tughöötë amangʼana ghano, toraghanya na ghwitëngʼëra orosiko ruure oruchömu ro ghugharuka kwo Kirisito Yesu. Orosiko ruyo nakorighibhu mo‑bhokumi bhooche obhokoro. Iwe niwe Eryobha riito Eriikoro no Omotoori wiito.

Mataayo 22:2

“Obhutëmi bho Mwishaaro mbotuubhiine no omutëmi umu uno asëëmiri eriirugha re moona waache.

2 Timotewo 4:8

Ibheere neghughanya okwene kuhaabhu atuho e bhuhëënë. Omutëmi Yesu, omoteni o kiina uno anyi obhuhëënë, nakuuha atuho orosiko ruure ro ghugharuka kooche. Atuho iyo nteekuhaabhu eni mwene, amare na abhande bhoose bhano bhaghwitëngʼëra kwo miigha ghugharuka kooche.

Mataayo 3:2

“Motuukuune amasari ghaanyu, gho kubha obhutëmi bho Mwishaaro ˆbhoghatingʼi.”

1 Abhakorinto 11:2

Nekobhaghongi gho kubha mohiitiri mo‑mangʼana ghoose, na ghughööta ameeghi ghano ꞉neebhaheere.

Mataayo 20:1

Yesu akaruusi eghetuubhaani akabhugha, “Obhutëmi bho Mwishaaro mbotuubhiine no omooto uno anyi no omoghondo, uno ꞉ahorokiri anche hakeere kobhatabhara abhatamishi bha ghuköra emeremo mo‑moghondo waache o misabhiibhu.

Mataayo 13:47

“Wiiki, obhutëmi bho Mwishaaro mbotuubhiine no orwërö runo abhaweesani ꞉bhaarëkiire mo‑nyancha. Hano bharurëkiire, orwërö ruyo roghaghööti chaasu che manga maaru.

Mataayo 13:38

Omoghondo wuure notuubhiine na ase, chambusuro inchömu chiire nchetuubhiine na abhaato bha bhutëmi bho Ryobha. Amare eghetoki kiire ngetuubhiine na abhaato bha mobhisa wuure.

Obhohunyurëru 4:5

Eghetumbe kiire ghe ghitëmi nkeere kerabhari na koruusi eriiraka re kerumo. Ambërë yaache ꞉haare ne ebhemore mohungate bhino bheere bheraaka. Ebhemore bhiyo, n‑Chaakörö chiire mohungate che Ryobha.

2 Abhakorinto 11:2

Eni nekobharigheri eriihari. Eriihari riyo ndeekoru kwo Waryobha, gho kubha moonyi kinya omuukë uno ataamara amisi no omosubhe, uno nemwishereriiri ghokwiru no omosubhe umu hangʼu, omosubhe uyo n‑Kirisito.

Mataayo 9:15

Yesu akabhagharokeri akabhugha, “Abhaato bhano bharaghiinu mwikwirëra, mbaghotora bhu kubha na amacheeche eriibhagha bhaanyi haghirohamu na uno aghokwira? Amare eriibhagha ndekohika rino omokwiri akoruusibhu ghate yaabho. Mbe, kwo riibhagha riyo, mbakwiyima ebhiinyakurë.

Mataayo 5:16

Hangʼu hangʼu ne emirëngaari gheenyu ngekwëndëru ghirëngaari kwo bhaato, kubha bhabhönë korighi amaköri ghaanyu amachömu, bhamoghongi Iso waanyu uno anyi Mwishaaro.

Amaköri gha Bhatomu 20:8

Mo‑kenyumba kino toore, mwirëngö, mbeere‑mu ebhemore bhyaru bheraaka.

Mataayo 13:31

Yesu akabhabhoorera eghetuubhaani ekende akabhugha, “Obhutëmi bho Mwishaaro mbotuubhiine na ahëkë e harataari ino omooto ꞉imokiri na koyeemi mo‑moghondo waache.

Mataayo 25:7

Hayo hayo abhaakë bhayo bhoose bhakabhooka na ghusëëmi ebhemore bheebho.

Yohana 18:3

Mbe, Yuuta akarikangata erikinda re bhaashirikare, haghirohamu na abhatamishi bhano bharuure mo‑bhakoro bha bhachaama na kwo Mabharisaayo. Bhaaghaye mo‑kinyaweera kiire, bhaghöötëriire ebhemore ne emyenge, ne ebhiröönërö.

Obhohunyurëru 8:10

Marayika o ghatato woose aghatëma antaara yaache. Hayo anchöta inkoro chwee eghagho koru Mwishaaro. Neere eraaka kinya oromore, yoose eghagho ahaghiro ha riiteneka rimu ghwi ishato re bhitaaro ni ighoro e bherika bhe manche.