Mataayo 24:7 - Eriiraghano Eriihë

⁷ Ase imu nekurööna na ase ayende no obhutëmi bhumu mbokurööna no obhutëmi obhonde. Aghëëcha ne emerighito ghe se ngekorwera mo‑chaase chaaru.

Mataayo 24:7 Referans Kwoze

Ruuka 21:11

Ngeekubha‑ho emerighito mekoro ghe se, na chaase chaaru, ncheghusöhërëru na aghëëcha ihaari chwee. Wiiki ngaakubha‑ho amabhabharu maaru. Mwighoro, mbeekubha‑ho ebhyërëkërëri bhekoro na amangʼana gha ghotiini abhaato.

Obhohunyurëru 6:8

Niho nekarëkëra amiisho nekarighi abharaasi e range ambusuku. Mbe, uno are ayetiiriri naare arabherekeru Oroko, wiiki Nyaari ꞉haare haramoru anyuma yaache. Nabho bhakahaabhu obhotoro bho ghwita imu kwi inye e bhaato mo‑se, kwo riihë, na gho gheecha, na kwo mabhabharu na gho chatyenyi chahaari chi ibhara.

Amaköri gha Bhatomu 11:28

Umu o bhayo, naare arabherekeru Aghabho, akiimeerera mo‑kiina, akaruusi obhurööti gho nchëra e Körö Ahörëëru kubha aghëëcha ihaari neghusöhërëra chaase choose. Aghëëcha iyo ꞉neerweriire hano Kayisaari Kirawutiyo are arakangata.

Obhohunyurëru 6:12

Nekamara nekarighi Omoona o Ngʼöndu aranaanura omohuuri o nyaghame o ghasaasabhe. Hano ananwire, ghekarwera ekerighito ghekoro chwee ghe se. Eryobha reghiigharura arange, reekabha riirabhuru tuyi ke makara, no omwëri okabha mubhararatu piri ke masaahë.

Abheebhuraaniya 12:27

Angʼana ino, “wiiki” nekwërëki haheero kubha ebheghiro bhyose bhino Eryobha ritëëmiri mo‑se ino, mbeghosingisa na koruusibhu‑ho, kubha bhisaaghe ebheghiro bhiire bhetaaghotora ghosingisu.

Amaköri gha Bhatomu 2:19

Neghuköra ebhiraghe ighoro mwishaaro, ne ebhyërëkërëri hano mo‑se. Abhaato mbakorighi ebhyërëkërëri bhe masaahë, no omororo, no omooki o ryoki mokoro.

Obhohunyurëru 6:5

Akamara Omoona o Ngʼöndu akanaanura omohuuri o nyaghame o ghatato, nekooghu eghetyenyi kiire ghe ghatato kerabhugha, “Nuuche!” Nekarëkëra amiisho, nekarighi abharaasi yiirabhuru tuyi. Mbe, uno are ayetiiriri, naare na akiro mo‑kubhökö kooche.

Obhohunyurëru 6:6

Nekooghu egheghiro kinya eriiraka, rerarwera ghateghate e bhetyenyi bhiire bhine, rerabhugha, “Amareho gha mwishe moghima ngaghoghora akiro imu e bhotu bho ngano, hamu chakiiro ishato che bhotu bho shayiri. Amare otasari amaghuta hamu adivaayi.”