Mataayo 24:44 - Eriiraghano Eriihë

⁴⁴ Gho ghiri iyo, na niinyu mubhe mwisëëmiri eriibhagha ryose, gho kubha eni Omoona o Mooto nekuucha kwo riibhagha rino motitëngʼiire.”

Mataayo 24:44 Referans Kwoze

Mataayo 25:10

“Mbe, abhaghëëghë bhayo bhaghatanura ghuye ghoghora amaghuta. Hano bhaghiire, omokwiri akaacha. Abhaakë bhano bhaanyi na amangʼiini bhano ꞉bhaare bhiisëëmiri bhoheene, bhaghasöha haghirohamu nawe mo‑nyumba ino eriirugha reere rerakörëru. Akamara omooto umu aghiighara orwighe.

Mataayo 25:13

Yesu akëëndërëra kobhabhoorera abhaanabheegha bhaache arabhugha, “Mbe, mubhe amiisho gho kubha moteeche orosiko, koru eriibhagha rino eni neghugharuka.”

Mataayo 24:42

Mbe, mubhe miisho, gho kubha moteeche orosiko runo eni Omutëmi waanyu nekuucha.

Ruuka 12:40

Gho ghayo, na niinyu, mubhe mwisëëmiri eriibhagha ryose, gho kubha eni Omoona o Mooto, nekuucha kwo riibhagha rino motitëngʼiire.”

Abhabhiribhi 4:5

Obhuhörëëru bhoonyu bhumënyu mo‑bhaato bhoose. Omutëmi Yesu haghuhe anyi kuucha.

Mataayo 24:27

Nekobhugha hangʼu gho kubha, kuucha koone uno neenyi Omoona o Mooto ngookubha gho ghutakani kinya bhuno orunanehi rohaarighibhu korwera roghoro, hayo hayo rohika anyancha.

Obhohunyurëru 19:7

Na niitu, tuchömëru, tuchaghane na komoghongi. Gho kubha anyangi e riirugha re Moona o Ngʼöndu ˆrekahika, no omokwiru namariri ghwisëëmi.

Yakobho 5:9

Abhahiiri bhaane, motirereereri inyu bheene kwo bheene motaacha ghoteneru ekiina. Mumööhi! Omoteni o kiina haghuhe anyi kuucha.

Mataayo 24:43

Amare mumënyë bhoheene angʼana ino, aribha omwene anyumba angamënyiri eriibhagha rino omwibhi akuucha, nangiisëëmiri ghochonga kubha omwibhi ataacha kuucha na kuhaanyura eghisëku ke nyumba yaache.

Ruuka 12:39

Amare, mumënyë bhoheene angʼana ino, aribha omwene anyumba angamënyiri eriibhagha rino omwibhi akuucha, nangiisëëmiri ghochonga, kubha omwibhi ataacha kuucha na kuhaanyura eghisëku ke nyumba yaache.

Ruuka 21:36

Gho ghayo, mubhe miisho eriibhagha ryose! Mwiköngʼi ghusabha Eryobha, kubha rebhatoori ghwisacha ghayo ghoose ghakuucha korwera, muuche motore kwimeerera ambërë yaane eni Omoona o Mooto.”