Mataayo 24:42 - Eriiraghano Eriihë

⁴² Mbe, mubhe miisho, gho kubha moteeche orosiko runo eni Omutëmi waanyu nekuucha.

Mataayo 24:42 Referans Kwoze

Ruuka 21:36

Gho ghayo, mubhe miisho eriibhagha ryose! Mwiköngʼi ghusabha Eryobha, kubha rebhatoori ghwisacha ghayo ghoose ghakuucha korwera, muuche motore kwimeerera ambërë yaane eni Omoona o Mooto.”

1 Abhatesaronike 5:6

Ibheere totamisi chandöörö ke bhaato abhande, amare tubhe miisho na kubha ne ekirëngërë.

Mataayo 25:13

Yesu akëëndërëra kobhabhoorera abhaanabheegha bhaache arabhugha, “Mbe, mubhe amiisho gho kubha moteeche orosiko, koru eriibhagha rino eni neghugharuka.”

Obhohunyurëru 16:15

Omutëmi Yesu nakobhugha, “Mööhi! Nekuucha kinya bhuure omwibhi ahaacha ataraghiini. Ngʼoni uno aghutënga na kobheeka changibho cheeche kubha ataacha ghughënda kingʼaabhi na ghosookibhu.”

1 Abhakorinto 16:13

Mutëngë, muköngʼëri mo‑bhokumi, wiiki mubhe abhasubhesubhe na mubhe na changuru.

Mataayo 24:36

“Amare, ighoro e rosiko ne eriibhagha re kuucha koone, taanyi‑ho omooto uno eche, koru bhamarayika bha Mwishaaro, amare n‑Taata waane omwene chiri.

Abharuumi 13:11

Mubhe moraköra ghayo ghoose, gho kubha mweche, asa e kobhooka koru mo‑chandöörö nimariri kohika. Mööhi, eriibhagha re bhotoori bhwito mboonyi haghuhe na niitu, ghokera hano tusëëmiri komokumi Yesu.

Mataayo 24:44

Gho ghiri iyo, na niinyu mubhe mwisëëmiri eriibhagha ryose, gho kubha eni Omoona o Mooto nekuucha kwo riibhagha rino motitëngʼiire.”

1 Bheetero 5:8

Mwikabhaahe, wiiki mubhe miisho eriibhagha ryose, gho kubha omobhisa waanyu, Erishambu, ndehaghëndaghënda kinya aka ino eghwitima eratabhara omooto emure.

1 Bheetero 4:7

Antenero e mangʼana ghoose ˆeghatingʼi. Gho ghayo, mubhe bhangʼiini na mwikabhaahe mo‑ghoose, kubha motore ghusabha.

Mataayo 24:43

Amare mumënyë bhoheene angʼana ino, aribha omwene anyumba angamënyiri eriibhagha rino omwibhi akuucha, nangiisëëmiri ghochonga kubha omwibhi ataacha kuucha na kuhaanyura eghisëku ke nyumba yaache.

Mataayo 25:10

“Mbe, abhaghëëghë bhayo bhaghatanura ghuye ghoghora amaghuta. Hano bhaghiire, omokwiri akaacha. Abhaakë bhano bhaanyi na amangʼiini bhano ꞉bhaare bhiisëëmiri bhoheene, bhaghasöha haghirohamu nawe mo‑nyumba ino eriirugha reere rerakörëru. Akamara omooto umu aghiighara orwighe.

Ruuka 21:34

“Mubhe miisho, motaacha ghokeyu no obhohobhaaru, no obhurëëbhi, na anyaako e riimanya rino. Wiiki moraanga kubha miisho, orosiko runo ro ntenero ndokobhahikera bhwango na kobhataki!