Mataayo 24:4 - Eriiraghano Eriihë

⁴ Yesu akabhagharokeri akabhugha, “Mubhe amiisho, omooto wowoose ataacha kobhangʼiina!

Mataayo 24:4 Referans Kwoze

1 Yohana 4:1

Abhasiighani bhaane, motamokumi omooto woose uno akobhugha naanyi na Akörö e Ryobha. Amare mumööhi bhoheene aribha omooto uyo naghukangatu na Akörö e Ryobha hamu tiyaanyi. Nekwëndëru mumööhi gho kubha abharööti bhaaru bha bhuröngö mbarweriire mo‑se.

2 Abhatesaronike 2:3

Motiishereri omooto wowoose kobhangʼiina kwo ryoryose riire, gho kubha orosiko ruyo rotaakohika singa, mbagha chaasiko chiire abhaato bhaaru bhaakubha bharigharuriini Eryobha, wiiki eriibhagha riyo Omwigharurani wuure nakorighibhu. Uyo niwe eriibhagha re ntenero Omutëmi nakomosireekereri kimu.

Abhakorosaayi 2:8

Mbe, mubhe miisho, omooto wowoose ataacha kobharumeeri kwo meeghi gha bhoowa na gha bhuröngö ghano ghakorwera mo‑chaasughara che bhaato. Ameeghi ghayo ngaghwitëngʼëra chaakörö chambe chino cheghukangata ase ino na ghataanyi gha Kirisito,

Abhaebheeso 5:6

Amangʼana ghanga ghayo, nigho ghaghughëri Eryobha rebharöönë abhaato bhano bhataakoresooka. Motiishereri omooto wowoose abhangʼiine kwo mangʼana ghano ghataanyi gha mahëënë kubha momutambane.

Maariko 13:22

Mbakuucha abharööti bha bhuröngö na abhaato bhano bhakwibherekera Kirisito. Mbaakubha bharaköra ebhyërëkërëri ne ebhiraghe, kubha bhasaki kobhangʼiina bhano bhaahwiru ne Eryobha.

Abhaebheeso 4:14

Mbe, totaakubha wiiki ke bhaana, torarëkëru na kohiru ino na ino no obhukama bho meeghi ghano ghakurëëtu na abhaato abhabhiihi, kubha bhatongʼiine tutambane chanchëra cheebho.

Ruuka 21:8

Akabhagharokeri akabhugha, “Ibheere mubhe miisho, motaacha kongʼiinu. Abhaato bhaaru mbakuucha kwo riina reene bharabhugha, ‘N‑eni wuure wuure.’ Wiiki, mbakobhugha, ‘Eriibhagha riire, ˆreghatingʼi.’ Abhaato bhayo, motabhatambana!

Abhakorosaayi 2:18

Motatëghëërëra omooto wowoose uno akwiyëërëki gho nche kubha m‑munyööhu no omusëngëri o bhamarayika. Omooto kinya uyo atabhahöka atuho yaanyu e miishe ghyose. Uyo naghwitoora mo‑marighi ghaache, wiiki akiiraghaani kwo miihëëbhö ghaache gha simoka e masari.

Abhagharatiya 6:3

Mbe, omooto wowoose uno akwirighi kubha no obhwëra ghokera bhaghëndi bhaache, uyo taanyi no obhwëra bhobhoose, nakwingʼiina.