Mataayo 24:39 - Eriiraghano Eriihë

³⁹ Abhaato bhayo, bhataamanyiri kubha neke ghekuucha korwera mbagha hano oghwichoreru kwo manche korweriire na kobhiita bhoose. Hangʼu nibhu ekubha kuucha koone eni uno neenyi Omoona o Mooto.

Mataayo 24:39 Referans Kwoze

Yohana 3:20

Abhaato bhoose bhano bhaghuköra amabhe mbahaarëgha obhwero bhuyo. Koru bhataaghutambana obhwero, kubha amabhe ghaabho ghataacha korighibhu haheero.

Mataayo 24:37

Gho ghayo, okuucha koone eni uno neenyi Omoona o Mooto ngookubha kinya bhuno ere mo‑chaasiko che Nuhu.

Amaköri gha Bhatomu 13:41

‘Inyu bhano moghutaraaha, mumööhërëri! Muhaghe mosireekerere, gho kubha neghuköra angʼana mo‑chaasiko cheenyu ino motaakoyekumi, koru nangabha omooto angabhabhoorera.’”

2 Bheetero 3:5

Abhaato bhayo, mbaghwiköri kinya ꞉mbeebhuru kubha hayo kare Eryobha ꞉ndeebhughiri angʼana ayeene, erishaaro na ase bheghatëëmu. Reghatëëma ase koru mo‑manche na gho nchëra e manche.

Ruuka 19:44

Abhabhisa bhayo, mbakobhaghwishi haase iye na abhaato bhaacho bhoose. Retaanyi‑ho eriibhohe rino reghusaagha ighoro e riibhohe erende! Bhano bhamanyiri moose mbaghosireekerera, gho kubha eriibhagha Eryobha ꞉reekurëëtiire obhotoori, tobhumënyiri.”

Abharuumi 1:28

Mbe, gho kubha abhaato mbaangiri korimënya Eryobha, ryose ndebhatighiri bhabhe bharatambana amiihëëbhö ghaabho ghano ghakobharumeeri. Ibheere mbaghuköra amangʼana ghano ghataakurëngʼaanera ghuköru.

Mataayo 16:27

Eni uno neenyi Omoona o Mooto nekuucha haghirohamu na bhamarayika bhaane mo‑bhokumi obhokoro bho Taata waane. Niho nekomoreha omooto wowoose kurëngʼaana ne emeremo gheeche.

Mataayo 24:3

Mbe, Yesu aghaye mo‑gheghoro ke Miseyituuni na ghwikara hayo. Abhaanabheegha bhaache bhakamutambana iyo abheene chiri, bhakamobhoori bhakabhugha, “Notobhoorere, amangʼana ghayo ngakorwera nyingake? Wiiki, n‑ekyërëkërëri ke kino gheghotwërëki kubha okuucha koocho na antenero e se haghuhe enyi korwera?”

Mataayo 24:30

“Niho ghekorighibhu ekyërëkërëri ke Moona o Mooto mwishaaro na abhaato bha matöngö ghoose mbaghusëëma korera kwo haho. Hano nekuucha, abhaato bhoose mbakondighi mo‑mashaaro neenyi na changuru no obhokumi obhokoro.

Mataayo 24:40

Kwo riibhagha riyo abhaato bhabhere mbaakubha a‑moghondo, umu naghughëghu no owonde naghusaagha.