Mataayo 24:14 - Eriiraghano Eriihë

¹⁴ Wiiki Angʼana Anchömu e bhutëmi bho Mwishaaro nekuraghanibhu mo‑matöngö ghoose kubha abhaato bhoose bhayimënyë. Kwo riibhagha riyo, niho antenero e se ekuucha.

Mataayo 24:14 Referans Kwoze

Obhohunyurëru 14:6

Nekamara, nekarighi marayika owonde arituumuka ghateghate e riighoro. Marayika uyo naare na Angʼana Anchömu e miishe ghyose e kuraghaneri abhaato bhano bhiikeere mo‑se, kwo bhaato bha chaase choose, na amatöngö ghoose, ne ebhighambo bhyose na abhahiiri bhoose mo‑se ingima.

Abharuumi 10:18

Mbe, aribha hangʼu keenyi, tigha nebhoori eribhoori. Kana, Abhiisiraeri bhataamara kooghu angʼana iyo? M‑mahëënë kubha mbooghwire, gho kubha Amandëkö Amatööbhiyu ngakobhugha kubha, “Eriiraka reebho ndyoghwiru mo‑se yoose, na amangʼana ghaabho ngahikiri mbagha hano ase irëngiire.”

Ruuka 24:47

Na abhaato bha matöngö ghoose, korwera Yerusareemu, mbakuraghaneru kwo riina reeche kubha, mbakwëndëru bhatuukuunere amasari ghaabho, bhaabhëru.

Abhakorosaayi 1:23

Amare mokwëndëru kwëndërëra koyekumi Angʼana Anchömu, mubhe muköngʼiiri na kubha na changuru. Motiishereri ghotigha eriitëngʼërö rino ꞉moobhwine hano mooghwire Ngʼana Anchömu. Angʼana Anchömu iyo eni Bhawuro nibheere omutamishi waache, wiiki ꞉niiraghiinu mo‑bhaato bhoose bha hano mo‑se.

Mataayo 10:7

Wiiki, hano mooghuye iyo, mubhe moraraghani morabhugha, ‘Obhutëmi bho Mwishaaro ˆbhoghatingʼi.’

Mataayo 9:35

Mbe, Yesu naare araheta mo‑meghya ghyose na mo‑bhyaro. Hohoose hano ahetiri, ꞉naasöhiri mo‑masinaghooghi ghaabho, naare areeghi abhaato, na kuraghani Angʼana Anchömu e bhutëmi bho Mwishaaro na kuhöri amabhabharu ghoose gha manga maaru.

Abhakorosaayi 1:6

Angʼana Anchömu ino ꞉ehikiri bhowaanyu, nisanchiri mo‑se ingima. Nekobhagharura abhaato kinya ꞉ebhagharwire inyu korwera orosiko runo ꞉mooghwire na kumënya aghareeya e Ryobha no obhuhëënë bho ghareeya yaache kebhuno enyi.

Mataayo 24:6

“Kwo riibhagha riyo mookubha morooghu amangʼana gha mahë na nyughunyughu e riihë. Motaacha kubha na amacheeche gho kubha ghayo ngakwëndëru ghaköru, amare antenero eyeene akeere.

Mataayo 4:23

Yesu ꞉niinaariri Ghariraaya yoose, areeghi mo‑masinaghooghi ghaabho, na kuraghani Angʼana Anchömu e bhutëmi bho Mwishaaro, na kobhahöri amabhabharu ghaabho ghoose.

Amaköri gha Bhatomu 17:6

Hano bhabhoriri, bhakamwimoki Yasooni haghirohamu na Abhakirisito abhande. Bhakabharëëta ambërë e bhakoro bha moghya, bhaghaköra eriireghe bharabhugha, “Abhaato bhano mbaköriri anyööri yaaru mo‑chaase chaaru, ibheere hano bhaanyi mo‑moghya wiito.

Obhohunyurëru 3:10

Ndekuucha eriibhagha re nyaako mo‑se ingima, na abhaato bhoose mbakurëngighu. Amare eriibhagha riyo, nekobhachonga inyu, gho kubha ꞉mooghumeriiri anyaako kinya ꞉neebharagheriiri.

Amaköri gha Bhatomu 20:25

“Inyu bhoose, mweche neere neraheta ghate yaanyu neraraghani ighoro e bhutëmi bho Ryobha. Amare ibheere, nyeeche kubha, taanyi‑ho koru umu ghate yaanyu uno aghotora kondighi wiiki.

Mataayo 24:3

Mbe, Yesu aghaye mo‑gheghoro ke Miseyituuni na ghwikara hayo. Abhaanabheegha bhaache bhakamutambana iyo abheene chiri, bhakamobhoori bhakabhugha, “Notobhoorere, amangʼana ghayo ngakorwera nyingake? Wiiki, n‑ekyërëkërëri ke kino gheghotwërëki kubha okuucha koocho na antenero e se haghuhe enyi korwera?”

Obhohunyurëru 16:14

Emisambu ghiyo ngeere no obhotoro bho ghuköra ebhyërëkërëri, ne emeremo gheebho n‑ghuye kobhakoma abhatëmi bhoose bha mo‑se bhakörë eriihë mo‑rosiko orokoro ro Ryobha re Bhotoro Bhoose.

Ruuka 4:5

Rekamara, Erishambu rekamohira Yesu ahaghiro hano haanyi ighoro chwee. Hayo hayo rekamwërëki obhutëmi bhoose bho chaase choose.

Amaköri gha Bhatomu 1:2

mbagha orosiko runo aghëghuru ghuye Mwishaaro. Hano are akeere ghughëghu, akabhaha abhatomu bhaache bhano are ahwire, amëërëkërëri gho nchëra e Körö Ahörëëru, ighoro e meremo ghino bhaghuköra.

Amaköri gha Bhatomu 11:28

Umu o bhayo, naare arabherekeru Aghabho, akiimeerera mo‑kiina, akaruusi obhurööti gho nchëra e Körö Ahörëëru kubha aghëëcha ihaari neghusöhërëra chaase choose. Aghëëcha iyo ꞉neerweriire hano Kayisaari Kirawutiyo are arakangata.

Mataayo 18:19

Wiiki ˆnekabhabhoorera kubha, aribha bhabhere ghate yaanyu bhiishereriini mo‑se ino gho ghano bhaghusabha, Taata waane uno anyi Mwishaaro nakobhakörëra.

Ruuka 2:1

Mo‑chaasiko chiyo Yohana ꞉ibhwiru, Kayisaari Aghosito akabhugha kubha, abhaato bhoose bha chaase cheeche, bhaghëndë kwiyandëka.

Maariko 13:10

Angʼana Anchömu nekwëndëru kuraghanu singa mo‑bhaato bha chaase choose.

Amaköri gha Bhatomu 17:31

Gho ghayo, natooriri orosiko runo akobhatenera ekiina abhaato bhoose kwo meghiro na kwo bhuhëënë, gho nchëra e mooto uno ahwire. ꞉Naabhëërëkiri abhaato bhoose obhuhëënë bho mooto uno ahwire gho komoryoki koru mo‑bhaku.”

Amaköri gha Bhatomu 19:27

Mbe, ibheere neghwituuri kubha, emeremo ghiito ngeghuchëëru, koru anyumba e musambu wiito omokoro Aritemi yoose neekubha ichëëruru. Koru na Aritemi omwene, nangabha anyi omusambu omokoro, na niwe aghusëngëru mo‑se ino yoose e Asiya, koru na mo‑chaase echende choose, naakubha aruusibhu obhokoro bhooche.”

Abheebhuraaniya 1:6

Wiiki Eryobha hano reere rerarëëta Omoona waache omwene chiri mo‑se, ꞉ndeebhughiri kubha, “Bhamarayika bhoose bha Ryobha bhabhe bharamusëngëra Omoona uyo.”

Abheebhuraaniya 2:5

Ntweche kubha Eryobha retabhaheere bhamarayika bhaache obhotoro bho ghukangata ase ahë ino ekuucha, ino toghosiikërëra amangʼana ghaache. Amare omooto umu ꞉naasiikiire amangʼana ghano mo‑Mandëkö Amatööbhiyu kubha,