Mataayo 24:13 - Eriiraghano Eriihë

¹³ Amare wuure aghoghumereri mbagha mo‑ntenero, uyo niwe naghotooribhu.

Mataayo 24:13 Referans Kwoze

Mataayo 10:22

Abhaato bhaaru mbakobharëgha inyu, gho kubha moghuntambana eni. Amare, wuure aghoghumereri mbagha antenero, uyo niwe aghotooribhu.

Obhohunyurëru 2:10

Motatiina anyaako ino ekuucha ghokoonyu. Mumööhi! Erishambu ndekobhasaki gho kobhatoora abhamu ghate yaanyu mwighërëcha. Inyu mokunyaaka gho chaasiko ikomi. Amare mubhe abhahëënë ghokoone, mbagha ghoku, na neeni nekobhaha atuho e bhuhöru bho miishe ghyose.

Maariko 13:13

Abhaato bhaaru mbakobharëgha inyu, gho kubha moghuntambana eni. Amare, wuure aghoghumereri mbagha antenero, uyo niwe aghotooribhu.

Abheebhuraaniya 10:39

Amare totaanyi kinya abhaato bhano bhaghotigha koritambana Eryobha, bhano bhabhoriri. Amare ntoonyi haghirohamu na bhaare bhakorekumi. Gho nchëra iyo, ntotooriibhu.

Abheebhuraaniya 3:14

Gho ghayo ntoghughöötana na Kirisito, erabha tokwëndërëra komwitëngʼëra mbagha antenero e bhuhöru bhwito, kinya bhuno ꞉tuusëëmiri ghokumi.

Abharuumi 2:7

Ndekobhaha obhuhöru bho miishe ghyose abhaato bhano bhaghwiköngʼi ghuköra amachömu, gho kubha mbaghutabhara aghongo, na asooko no obhuhöru bhuno bhotaanyi na antenero.

1 Abhakorinto 1:8

Iryo ndekobhaköngʼi mbagha mo‑ntenero kubha motaacha kubha ni isörö, orosiko ruure Omutëmi wiito Yesu Kirisito akuucha ghotenera ekiina abhaato.

Ruuka 8:15

“Chambusuru chino ꞉cheeghweriire mo‑riiröbhë ichömu, nchekwërëki abhaato bhano bhakooghu angʼana e Ryobha. Hano bhakumara kooghu, bhayighöötërëra mo‑metema gheebho kwo bhughöröröku. Wiiki bhëëngëra ghoghiihëëbha, bhayo mbahaaghumereri mbagha bharuusi amakorobhese amachömu.

Abheebhuraaniya 3:6

Amare Kirisito m‑muhëënë kinya Omoona uno akwimeererera abhaato bha mo‑nyumba e Ryobha. Na niitu n‑anyumba iyo, aribha tokwëndërëra ghwiköngʼi na kubha bhasubhesubhe na kwihachera mo‑ghaare toghwitëngʼëra.

Mataayo 24:6

“Kwo riibhagha riyo mookubha morooghu amangʼana gha mahë na nyughunyughu e riihë. Motaacha kubha na amacheeche gho kubha ghayo ngakwëndëru ghaköru, amare antenero eyeene akeere.

Mataayo 24:12

Wiiki, gho kubha amasari ngaakubha ghëëngiire, abhaato bhaaru mbaghotigha kobhasiigha abhande.

Ruuka 21:19

Obhuhöru bhoonyu mboghotooribhu, hano moghoghumereri.