Mataayo 23:34 - Eriiraghano Eriihë

³⁴ “Gho ghiri iyo, mööhi, ˆnekabhatoma ghokoonyu abharööti bha Ryobha, na abhaato bhano bhaanyi bha mangʼiini gha Ngʼana e Ryobha na abheeghi bha meghiro kubha inyu mwigharure koru mo‑masari ghaanyu. Amare abhamu inyu mokobhiita na kobhamamba mo‑musarabha, abhande mokobhatëma ne emicharicho mo‑masinaghooghi ghaanyu. Na abhande mokobhasëëta mo‑meghya ghyose na kobhanyaaki.

Mataayo 23:34 Referans Kwoze

Mataayo 13:52

Iwe akabhabhoorera akabhugha, “Omweghi wowooseo meghiro ghe Musa uno akubha omoonamwegha mo‑bhutëmi bho Mwishaaro, natuubhiine no omwene anyumba uno aharuusi mo‑bheghiro bheeche, ebheghiro ebhihë na bhe kare.”

Abhakorosaayi 1:28

Iwe Kirisito niwe tokuraghani amangʼana ghaache, ntokobhashaangʼi na kobheeghi abhaato bhoose kwo mangʼiini ghoose, kubha tobharëëtë bhoose ambërë e Ryobha bhaköngʼiri gho ghughöötana koobho na Kirisito.

Amaköri gha Bhatomu 13:1

Mo‑bhaato bha riikanisa re mo‑moghya o Antiyokiya mbaare‑ho abharööti na abheeghi. Abhaato bhayo nibho bhano, Bharinaabha, na Simiyooni (uno akobherekeru Nigheeri, egheteemoro keeche omooto omwirabhuru), na Rukiyo koru Kireene, na Manaeni (uno are areruru haghirohamu no omutëmi Herote Antibha), na Sawuri.

Mataayo 10:23

Mbe, hano mookubha moraraghani, bharabhakörëra kobhe mo‑moghya umu, mungʼösërë mo‑moghya owonde. Mahëënë ˆnekabhabhoorera kubha, motaakomuntaani ghughënda mo‑meghya ghyose ghe Isiraeri, eni Omoona o Mooto netaamara niicha.

Obhohunyurëru 11:10

Oroko ro bharööti bhayo bhabhere, ndoghuköra abhaato bhano bhataakorekumi Eryobha mo‑se bhachömëru na ghuköra obhughëni na kuhaanana chaatuho. Mbaghuköra hangʼu, gho kubha abharööti bhayo ꞉mbaabhirighwiri chwee.

Abheebhuraaniya 11:37

Wiiki abhande ꞉mbiituru gho kobharasa na amabhohe, abhande ꞉mbaanunguru ebheteneka bhibhere ne emesumeeno, na abhande mbaare bhariitu ne ebhinyamiino. Abhande mbaare bhariinaaranaara bhabheekiri amashëërö gha changʼöndu na gha chambërëtë. Wiiki m‑bhahabhe ꞉bhaare, ꞉mbaanyaakibhuru na ghukörëru amabhe maaru.

1 Abhakorinto 3:10

Gho ghareeya ino Eryobha reheere, eni nyabhëkiri obhoroso kinya omwabhëki omukaari na uno anyi na amangʼiini, no omooto owonde nakwabhëka ighoro e bhoroso bhuyo. Amare ibheere, omooto woose amööhërëri bhoheene, kebhuno akwabhëka ighoro e bhoroso bhuyo,

1 Abhakorinto 2:6

Amare itu, ntoghosiikëra amangʼana gha mangʼiini mo‑bhaato bhano bhaköngʼiri mo‑bhokumi, amare amangʼiini ghayo ghataanyi gha se ino, wiiki ghataanyi gha bhakangati bha se ino bhano bhaakoru‑ho.

Amaköri gha Bhatomu 15:32

Yuuta na Siira bhombe m‑bharööti ꞉bhaare, gho ghayo, bhakabhabhoorera Abhakirisito bhayo amangʼana maaru gha kobhatoora omukörö, mbagha bhaghaköngʼëri.

Amaköri gha Bhatomu 14:19

Bhakamara bhakaacha Abhayahuuti abhande koru mo‑meghya ghe Antiyokiya, na Ikoniyo. Bhakaretebhitebhi erikinda riyo re bhaato bhaghaghöötana nabho bhaghasëëma komurasa Bhawuro na amabhohe. Bhakamara bhakamongʼuura mbagha anche e moghya bhariituuri kubha nakuure.

Amaköri gha Bhatomu 12:2

Akahatëka kubha, Yakobho ömööbhö Yohana itu gho kinyamiino.

Amaköri gha Bhatomu 11:27

Mo‑chaasiko chiyo chiyo, abharööti nyarebhe koru Yerusareemu bhakaacha Antiyokiya.

Amaköri gha Bhatomu 5:40

Bhakabhabherekera abhatomu bhayo bhasöhë mo‑nyumba, bhakahatëka bhatëmu chasaanyi. Bhakamara bhakabharëki kubha bhatabhoorera omooto wowoose ighoro e riina re Yesu, bhakabhatigha bhaaghaye.

Amaköri gha Bhatomu 1:8

Amare, mokuhaabhu changuru hano Akörö Ahörëëru ekuucha ghokoonyu, mookubha abhiibhateri bhaane mo‑moghya o Yerusareemu na ahaghiro ahande hoose ha Yuteya, na Samaariya, mbagha mo‑se yoose.”

Yohana 20:21

Yesu akabhabhoorera wiiki akabhugha, “Omurëmbë ubhe na niinyu. Kinya bhuno Eryobha rentomiri eni, hangʼu hangʼu na neeni ˆnekabhatoma inyu mo‑se ino.”

Yohana 16:2

Abhaato mbakobhahëëbha mo‑masinaghooghi. Ndekuucha eriibhagha rino omooto aramwita umu ghate yaanyu, nakwihëëbha kubha, nakorihökëri Ryobha.

Ruuka 24:47

Na abhaato bha matöngö ghoose, korwera Yerusareemu, mbakuraghaneru kwo riina reeche kubha, mbakwëndëru bhatuukuunere amasari ghaabho, bhaabhëru.

1 Abhatesaronike 2:16

gho kubha mbaghoturëki kobharaghaneri abhaato bha matöngö Angʼana Anchömu. Mbakwënda kubha abhaato bhatatooribhu. Hangʼu hangʼu mbakwëndërëra ghuköra amasari eriibhagha ryose. Amare ibheere obhororo bho Ryobha ˆbhokabhahikera!

Mataayo 23:31

Kobhugha hangʼu, mokwërëki kubha, na niinyu n‑abhaana bha bhasookoro bhaanyu ꞉bhaare bhiitiri abharööti bha Ryobha!