Mataayo 23:15 - Eriiraghano Eriihë

¹⁵ “Horeera mokorighi inyu abheeghi bha meghiro na niinyu Amabharisaayo, inyu chaghughuuti, gho kubha mokwinaara chwee mo‑se ayoomu na ghutëënya anyancha kubha momukörë omooto o matöngö kubha Omuyahuuti. Amare moramara komugharura omooto uyo, mokomuköra kubha o mwiribha re mororo mara kabhere ghokera inyu.

Mataayo 23:15 Referans Kwoze

Abhaebheeso 2:3

Hayo kare koru itu bhoose ntoore kinya ibho, ntumanyiri gho ghutambana amiigha gha simoka yiito e masari, na ghuköra amangʼana ghano ꞉ghaare gharachömëri omobhere na amiihëëbhö ghiito. ꞉Ntwibhwiru na atëëmö e masari kinya abhaato abhande, gho ghayo, Eryobha ndeere retukarariire na nturëngʼaaniire kuhaabhu anchagho.

Amaköri gha Bhatomu 13:43

Hano Bhawuro na Bharinaabha ꞉bhaare bharaghe aka, Abhayahuuti bhaaru, haghirohamu na abhaato bha matöngö bhano ꞉bhaakumiri atiini e Kiyahuuti, bhakabhatambana. Abhatomu bhayo bhaakabha bharabhatoora omukörö bhëëndërërë mo‑ghareeya e Ryobha.

Amaköri gha Bhatomu 13:10

“Iye omoona o Rishambu! Iye n‑omobhisa o ghoose ghano ghaanyi gha hëënë ambërë e Ryobha! Wichwire obhuröngö, nubheere orangʼiina abhaato kwo bhongʼiini na totighiri kobhusa amangʼana gha Mutëmi gha hëënë kubha obhuröngö!

Amaköri gha Bhatomu 14:2

Amare Abhayahuuti abhamu bhataakumiri, bhaghasëëma kobhaseeghereri abhaato bha matöngö, kubha bhabhareghe abhaato bhano bhakumiri.

Yohana 8:44

Inyu n‑abhaana bhi iso waanyu Erishambu, wiiki mokwënda ghuköra ghano taata waanyu aghwighomba. Erishambu n‑diiti korwera kare, wiiki retasiighiri kwimeerera mo‑bhuhëënë gho kubha, obhuhëënë bhotaanyi mo‑motema waache. Aribha Erishambu rekobhugha obhuröngö, iyo n‑atëëmö yaache gho kubha iryo n‑iröngö wiiki n‑taata o bharöngö bhoose.

Abhagharatiya 6:12

Abhaato bhano bhakobhahaamereri inyu musaaru, mbakwënda hangʼu kubha, bhasooku na Abhayahuuti. Mbakwënda bhataacha kunyaakibhu gho ghiri e kuraghani angʼana ighoro e roko ro Kirisito mo‑musarabha.

Abhagharatiya 4:17

Abhaato bhaare abhande, mbaghwiköngʼi kobhanyaakera, amare taanyi kwo mënda machömu. Mbakwënda kobhaahukani na neeni, kubha inyu mwiköngʼi kobhanyaakera ibho.

Mataayo 5:22

Amare eni nekobhabhoorera, wowoose uno akomukararera mughëndi waache naghoteneru ekiina. Wiiki uno akomotoka mughëndi waache kubha mughëëghë, nakwëndëru ahiru mwibharacha. Uno akobherekera mughëndi waache kubha m‑muraghaanu nakurëngʼaanera ghusöha mwiribha re mororo.

Amaköri gha Bhatomu 17:13

Mbe, Abhayahuuti bha iyo Tesaronike, hano bhamënyiri kubha Bhawuro nakweghi angʼana e Ryobha iyo Bherooya, bhaaghaye iyo. Bhaghaseeghereri erikinda re bhaato bhano ꞉bhaare hayo, mbagha hakarwera anyööri yaaru.

Amaköri gha Bhatomu 14:19

Bhakamara bhakaacha Abhayahuuti abhande koru mo‑meghya ghe Antiyokiya, na Ikoniyo. Bhakaretebhitebhi erikinda riyo re bhaato bhaghaghöötana nabho bhaghasëëma komurasa Bhawuro na amabhohe. Bhakamara bhakamongʼuura mbagha anche e moghya bhariituuri kubha nakuure.

Amaköri gha Bhatomu 2:10

na Bhirighiya, na Bhambiriya, na Miisiri. Mbaanyi‑ho abhande koru chambaara che se e Riibhiya, ino enyi haghuhe no omoghya o Kireene. Mbaanyi‑ho wiiki bhano ꞉bhaaköriri orughëndö koru mo‑moghya o Ruumi, abhande n‑Abhayahuuti bha simoka, abhande n‑abhaato bha matöngö bhano bhakumiri atiini e Kiyahuuti.

Amaköri gha Bhatomu 6:5

Angʼana iyo ekabhategheri chwee abhaato bhayo bhoose. Bhakamwahura Siteebhano, omooto uno ichwire Akörö Ahörëëru no obhokumi. Wiiki bhakabhaahura Bhiiribho, na Bhurokoro, na Nikanoori, na Timooni, na Bharimeena, na Nikoraawo o koru Antiyokiya, iwe n‑omooto o matöngö are amare naare akumiri atiini e Kiyahuuti.

Mataayo 5:29

Mbe, eriiso reecho re kwiro reraköra ukörë amasari, oreruusi na korite kurë. N‑ghuchömu kobhori ekyemo kimu ghokera omobhere waacho woose kurëkëru mwiribha re mororo.

Mataayo 3:7

Amare hano Yohana arooche Amabharisaayo na Amasatukaayo bhakamutambana kwo bhwaru kubha abhabhatiise, akabhabhoorera akabhugha, “Inyu orwibhoro ro nchöka! N‑niwe abhabhooriire kubha, gho kubhatiisu moghwisacha obhororo bho Ryobha bhuno bhokuucha?

Mataayo 23:13

“Horeera mokorighi, inyu abheeghi bha meghiro na niinyu Amabharisaayo, inyu chaghughuuti, gho kubha mokobharëki abhaato ghusöha mo‑bhutëmi bho Mwishaaro gho nchëra e meeghi ghaanyu. Amare inyu bheene motaaghusöha‑mu, wiiki motaakobhiisherereri abhaato abhande bhano bhakwënda ghusöha, bhasöhë. [