Mataayo 23:12 - Eriiraghano Eriihë

¹² Omooto wowoose uno aghwitiiri, Eryobha ndekomwiki haase. Amare omooto wowoose uno aghwitoora haase, Eryobha ndekomotiiri ighoro.

Mataayo 23:12 Referans Kwoze

1 Bheetero 5:5

Bhuure bhuure na niinyu abhabhureni, mokwëndëru mobhasooke abhagharuka bha riikanisa. Na niinyu bhoose mubhe abhaato abhanyööhu na mubhe moratoorani. Mukörë hangʼu, gho kubha Amandëkö Amatööbhiyu ngakobhugha, “Bhano bhakwihacha, Eryobha ndehaabhaanga, amare abhanyööhu, ndehaabhaha aghareeya.”

Yakobho 4:6

Amare, aghareeya ino tokuhaabhu ne Eryobha neenyi na changuru chwee, kinya Amandëkö Amatööbhiyu ghakobhugha, “Bhano bhakwihacha, Eryobha ndehaabhaanga, amare abhanyööhu, ndehaabhaha aghareeya.”

Ruuka 14:11

Wiiki, omooto woose uno aghwitiiri, Eryobha ndekomwiki haase. Omooto woose uno aghwitoora haase, Eryobha ndekomotiiri ighoro.”

Ruuka 18:14

Niho Yesu akëëndërëra akabhugha, “ˆNekabhabhoorera kubha, omutöbhi uyo o righööti ꞉naagharokiri awaache, amariri kwabhëru ne Eryobha. Amare uyo owonde, tiyaanyi! Omooto woose uno aghwitiiri, Eryobha ndekomwiki haase. Wiiki omooto woose uno aghwitoora haase, Eryobha ndekomotiiri ighoro.”

Mataayo 18:4

Mbe, omooto wowoose uno akwinyööhi kinya omoona omosuuhu uno, uyo niwe akubha omokoro mo‑bhutëmi bho Mwishaaro.

Mataayo 5:3

“Ngʼoni bhano bhaanyi abhahabhe mo‑chaakörö, gho kubha obhutëmi bho Mwishaaro m‑bhobhoobho.

1 Bheetero 5:6

Mbe, mubhe moritoora haase e bhotoro bho Ryobha, naryo ndekobhatiiri eriibhagha reeche rerahika.