Mataayo 22:4 - Eriiraghano Eriihë

⁴ “Niho akabhatoma wiiki abhasësë abhande, akabhabhoorera akabhugha, ‘Moghi mobhabhoorere bhaare neere niraghiini kubha, “Nimariri ghusëëmi ebheghiro bhyose bhe riirugha. Nesinchiri changʼömbë cheene chino chenoriri na chaatugho echende chaanoru. Gho ghayo, muuche mwirugha!”’

Mataayo 22:4 Referans Kwoze

Amaköri gha Bhatomu 13:46

Koru hangʼu, Bhawuro na Bharinaabha bhakabhagharokeri Abhayahuuti bhayo kwo bhosubhesubhe bharabhugha, “Angʼana e Ryobha ꞉yëëndiiru imënyu ghokoonyu inyu Abhayahuuti singa. Amare mumööhërëri! Gho kubha moyaangiri, na motirooche kubha mokurëngʼaanera obhuhöru bho miishe ghyose, ntokobhatigha na ghwigharurera abhaato bha matöngö.

Mataayo 21:36

Omwene omoghondo akabhatoma wiiki abhatamishi abhande bhaaru ghokera bhano atomiri ekimbërë. Abharemi bhayo bhakabhakörëra kobhe abhatamishi bhayo kinya bhuno bhaköriire a bhambërë.

Abharuumi 8:32

Eryobha retaamoroochiire ebheghongi Omoona waache omwene, amare ꞉ndeemoruusiri kubha aku gho ghiri yiito bhoose. Gho ghayo, aribha ꞉reemoruusiri Omoona waache gho ghiri yiito, hëënë koru orubhango rooche ndeghotoruuseri kohetera ghokooche!

Amaköri gha Bhatomu 1:8

Amare, mokuhaabhu changuru hano Akörö Ahörëëru ekuucha ghokoonyu, mookubha abhiibhateri bhaane mo‑moghya o Yerusareemu na ahaghiro ahande hoose ha Yuteya, na Samaariya, mbagha mo‑se yoose.”

Ruuka 14:17

Eriibhagha re bhughëni hano rehikiri, akamotoma omusësë waache kwo bhano are araghiini bhoose, abhabhoorere, ‘Muuche ibheere! Kira egheghiro nkimariri ghuköru!’

Mataayo 22:8

“Niho omutëmi uyo akabhabhoorera abhasësë bhaache akabhugha, ‘Ebheghiro bhe riirugha mbimariri ghusëëmibhu, amare bhaare niraghiini bhataare bharëngʼaaniire.

Mataayo 22:5

Amare bhano bharaghiinu bhatatereeriri. Bhaaghaye mo‑meremo gheebho, umu aghaye mo‑moghondo waache, owonde aghaye ghuköra obhosorocha.