Mataayo 22:21 - Eriiraghano Eriihë

²¹ Ibho bhaghagharokeri bhakabhugha, “M‑bhe Kayisaari.” Yesu akabhabhoorera akabhugha, “Mbe, momuhë Kayisaari bhino bheenyi bhe Kayisaari, wiiki morihë Eryobha bhino bheenyi bhe Ryobha.”

Mataayo 22:21 Referans Kwoze

Abharuumi 13:7

Gho ghayo, mubhe moraköra amangʼana ghano mokwëndëru kobhakörëra. Aribha onyi na asiire erighööti, mbe, orehe erighööti. Wiiki aribha mokwëndëru ghosooka omooto, mbe, momosooke.

Amaköri gha Bhatomu 4:19

Amare Bheetero na Yohana bhakabhagharokeri bhakabhugha, “Inyu abheene, mumööhi aribha eghuchömëra mo‑miisho gha Ryobha, kobhasooka inyu ghokera koresooka Eryobha.

Mataayo 22:37

Yesu akamugharokeri akabhugha, “‘Omosiighe Omutëmi Waryobha waacho gho körö yaacho yoose, na kwo riimanya reecho ryose na kwo bhongo bhoocho bhoose.’

Ruuka 23:2

Bhaghasëëma komusëma bharabhugha, “Omooto uno, ntomobhwine arasari ase yiito, gho kubha nakurëki abhaato bhatatöbhi erighööti gho Kayisaari. Wiiki nakobhugha kubha iwe niwe Kirisito Omutëmi.”

Amaköri gha Bhatomu 5:29

Bheetero na abhatomu abhaghëndi bhaache, bhakabhagharokeri bhakabhugha, “Ntokwëndëru toresooke Eryobha eryene, ghokera ghosooka abhaato!

Mataayo 4:10

Yesu akarebhoorera akabhugha, “Iye Erishambu, nooru hano! Mööhi, yandëkuru mo‑Mandëkö Amatööbhiyu kubha, ‘Nekwëndëru omusëngëra Omutëmi Waryobha waacho, no omuhökëri iwe omwene chiri.’”

Mataayo 22:20

Niho Yesu akabhabhoori akabhugha, “Abhicha ino, ne eriina rino, m‑bhyawe?”

Maariko 12:17

Yesu akabhagharokeri akabhugha, “Momuhë Kayisaari bhino bheenyi bhe Kayisaari, wiiki morihë Eryobha bhino bheenyi bhe Ryobha.” Bhoose bhakahagha chwee.

Ruuka 20:25

Yesu akabhabhoorera akabhugha, “Mbe, momuhë Kayisaari bhino bheenyi bhe Kayisaari, wiiki morihë Eryobha bhino bheenyi bhe Ryobha.”