Mataayo 21:41 - Eriiraghano Eriihë

⁴¹ Ibho bhaghagharokeri bhakabhugha, “Nakobhiita kobhe abhabhe bhayo, no omoghondo waache nakobhaha abharemi abhande bhano bhakomoreha bhoheene amakorobhese ghaache kwo riibhagha reeche.”

Mataayo 21:41 Referans Kwoze

Amaköri gha Bhatomu 18:6

Abhayahuuti bhayo bhaghasëëma komwanga na komotoka. Eghaghëri aghakongʼoota amaghööti ghaache ambërë yaabho, arabhabhoorera, “Amasaahë ghaanyu ngaakubha ighoro yaanyu inyu bheene! Eni teenyi‑ho ngʼana ino nekobhooribhu ighoro yaanyu korwera ibheere, neekubha neraghe mo‑bhaato bha matöngö aghande.”

Mataayo 21:43

“Gho ghayo, ˆnekabhabhoorera kubha, inyu motaaghusöha mo‑bhutëmi bho Ryobha, amare abhaato abhande nibho bhaghwisherereru ghusöha‑mu. Abhaato bhayo m‑bhano bhaghotora ghuköra bhoheene mo‑moghondo waache, kubha ghabhönëkë amakorobhese ghano ghakorichömëri Eryobha.

Amaköri gha Bhatomu 28:28

Bhawuro akabhugha, “Mbe! Mumënyë ibheere kubha, obhotoori bhuno bhoruure kwo Waryobha, ˆbhokahiru nakuraghanibu mo‑bhaato bha matöngö. Ibho mbakobhutëghëërëra na kobhughënëhi!” [

Abheebhuraaniya 12:25

Mbe, mukabhaahe motaacha kwanga komutëghëërëra uno aghosiikëra na niinyu. Aribha Abhiisiraeri bhataatooriibhu hano bhaangiri komutëghëërëra wuure are arabhatöngëra hano mo‑se, itu ntoghotora bhu ghotooribhu aribha toraanga komutëghëërëra uno aghotutöngëra koru Mwishaaro?

Abheebhuraaniya 2:3

Aribha ꞉ghaaköruru hangʼu ghokoobho, kana, itu ntoghotora bhu kuhöna ghoteneru ekiina aribha totaaghotereera obhotoori obhokoro kinya bhuno? Omutëmi Yesu niwe uno asëëmiri kuraghani obhotoori bhuyo na abhaato bhano ꞉bhooghwire, ꞉mbaahëënëhiri ghokwito kubha m‑mahëënë.

1 Abhatesaronike 2:16

gho kubha mbaghoturëki kobharaghaneri abhaato bha matöngö Angʼana Anchömu. Mbakwënda kubha abhaato bhatatooribhu. Hangʼu hangʼu mbakwëndërëra ghuköra amasari eriibhagha ryose. Amare ibheere obhororo bho Ryobha ˆbhokabhahikera!

Amaköri gha Bhatomu 28:8

Eriibhagha riyo, ishe Bhubhuriyo m‑moshaagha are, naare aghööturu ne ekihëënö, na ghusaaha amasaahë. Bhawuro aghasöha mo‑nyumba e mubhabharu uyo, akamusabhera, aghatoora amabhökö ighoro yaache akamuhöri.

Amaköri gha Bhatomu 15:7

Hano bhamariri eriibhagha irë bharahakaana, Bheetero akiimeerera, akabhabhoorera akabhugha, “Bhahiiri bhaane, mweche kubha hayo ekimbërë Eryobha ꞉ndeenyahwire ghate yaanyu, kobharaghaneri bhaato bha matöngö, kubha bhayooghu Angʼana Anchömu na koyekumi.

Mataayo 3:12

Ibheere Kirisito nakuucha, kwahukani abhaato bhano bhatuukuniri, na bhano bhaanyi na amasari, kinya omooto uno aghöötëriire orohongo mo‑mabhökö ghaache. Angano iyo nakoyekomera mo‑ghitara keeche, amare omokoonyo nakowute mo‑mororo, no omororo uyo tookorima naabha!”

Mataayo 21:34

“Hano eriibhagha re ghughësa rehikiri, akabhatoma abhatamishi bhaache kwo bharemi bhaare kubha bhaghëndë bhamwimokeri eribhaara reeche re munöghö.

Mataayo 21:40

Yesu akabhabhoori akabhugha, “Mbe, aribha omwene omoghondo uyo aragharuka koru mo‑rughëndö rooche, nibhu akobhaköra abharemi bhayo?”

Ruuka 20:16

Nakuucha na kobhiita abharemi bhayo, no omoghondo waache, nakobhaha abhande!” Hano abhaato bhooghwire amangʼana ghayo, bhakabhugha, “Amangʼana ghayo ghataacha korwera naabha!”