Mataayo 21:25 - Eriiraghano Eriihë

²⁵ Kana, obhotoro bho Yohana bho kubhatiisa abhaato hayi ꞉bhoorweriire? ꞉Mboorweriire Mwishaaro kwo Waryobha ghasi mo‑bhaato?” Niho bhaghiisiikërëra bhakabhugha, “Aribha toragharokeri kubha ꞉mbooruure Mwishaaro, naghotobhoori kubha, ‘Mbe, ngwake kana motabhokumiri?’

Mataayo 21:25 Referans Kwoze

1 Yohana 3:20

Ntookubha no omurëmbë koru torateneru ekiina mo‑metema ghiito, gho kubha ntweche kubha Eryobha iryo n‑ikoro ghokera emetema ghiito, wiiki iryo ndyeche ghoose.

Yohana 3:18

Eryobha retaakomotenera ekiina omooto uno akorekumi, amare omooto uno ataakorekumi namariri ghoteneru ekiina gho kubha, taamokumiri Omoona waache omwene chiri.

Yohana 1:15

Yohana ꞉naaghambiri kwo bhaato amangʼana gha mooto uyo, aghatiiri eriiraka arabhugha, “Uno niwe neere nerabhabhoorera nerabhugha, ‘Nakuucha omooto anyuma yaane, omokoro ghonkera eni, gho kubha naare‑ho eriibhagha eni nekeere kwibhoru.’ ”

Ruuka 20:5

Hayo, bhakabhoorani bharabhugha, “Torabhugha kubha Eryobha niryo ꞉reemotomiri Yohana kubhatiisa, nakobhugha, ‘Mbe! Ngwake motaamokumiri?’

Yohana 1:6

꞉Niichiri omooto umu uno atomuru ne Eryobha, eriina reeche Yohana.

Mataayo 16:7

Abhaanabheegha bhayo bhaghasëëma kobhoorani abheene kwo bheene bharabhugha, “Naghosiikëra hangʼu gho kubha totiimokiri emighaate.”

Mataayo 21:24

Yesu akabhagharokeri akabhugha, “Na neeni nekobhabhoori angʼana imu. Mbe, aribha morangarokeri iyo, na neeni nekobhabhoorera n‑kwo bhotoro ke neghuköra ghano.

Mataayo 21:26

Wiiki, aribha toragharokeri kubha ꞉mbooruure mo‑bhaato, ntoghotiina erikinda re bhaato bhano, gho kubha bhoose mbaanyi no obhuhëënë kubha Yohana m‑murööti are.”

Ruuka 14:4

Amare ibho, bhaghakira. Yesu akamoturi omubhabharu uyo, akamuhöri, akamwisherereri agharuke aka.