Mataayo 21:19 - Eriiraghano Eriihë

¹⁹ Niho akarighi omote umu uno okobherekeru omotiini rubhareka mo‑nchëra, aghiishuka haghuhe, akabhöna otaanyi ni ikorobhese ryoryose, onyi na amato agheene chiri. Niho akawobhoorera omote uyo akabhugha, “Korwera reero otasönga amakorobhese wiiki!” Hayo hayo, omote uyo okanyaara.

Mataayo 21:19 Referans Kwoze

Tiito 1:16

Abheene mbakobhugha kubha mbeeche Eryobha, amare amaköri ghaabho ngakwërëki kubha, mbakoryanga. Bhayo mbaghukarari, na m‑bhiigharori, na bhataakurëngʼaanera kwo ngʼana yoyoose anchömu.

Yohana 15:6

Omooto wowoose araanga ghwikara moose yaane natuubhiine ne eghisaghe kino ghekurëkëru na kunyaara. Mbe, abhaato mbaghoghitööra na ghokirëkëra mo‑mororo, kehi.

Ruuka 3:9

Ahaache nimariri ghotooru mo‑matina gha mete. Omote wowoose uno otaaghusönga amakorobhese amachömu, nokonungu, na kurëkëru mo‑mororo!”

Yohana 15:2

Eghisaghe ghyokyose moose yaane kino ghetaaghusönga amakorobhese, Taata nahaakenunga. Amare eghisaghe ghyokyose kino ghetaaghusönga amakorobhese, Taata nahaaghiköngöörëra kubha kyëngërë ghusönga.

Maariko 11:14

Mbe, akawobhoorera omote uyo akabhugha, “Korwera reero ino mbagha emiishe ghyose, otasönga amakorobhese!” Abhaanabheegha bhaache bhakooghu amangʼana ghayo.

Obhohunyurëru 22:11

Mbe, omooto uno aghuköra amabhe, ëndërërë ghuköra amabhe, na uno aghuköra amangʼana gha chaasoni, ëndërërë ghuköra amangʼana gha chaasoni. Omooto uno aghuköra obhuhëënë, iwe ëndërërë ghuköra obhuhëënë, no omutööbhiyu, ëndërërë kubha obhutööbhiyu.”

Yuuta 1:12

Abhaato bhayo, hano mookubha haghirohamu nabho mo‑ndaaghëra yaanyu e bhosiighi, mbakuraaghëra gho kwimënya abheene kwo bheene, koru bhataakorighi chaasoni chochoose. Bhayo mbaanyi kinya amatare gha mo‑nyancha ghano ghataakorighibhu, n‑obhobhe ghokoonyu. Ibho bhataanyi ne ekebhune ghyokyose, mbaanyi kinya amashaaro ghano ghataanyi na ambura na ngahaahiru no obhukama hohoose haare. Mbaanyi kinya emete ghino ghetaanyi na amakorobhese eriibhagha re mughësö, ngyomiri inkongʼorimu, na ngeghwire.

2 Timotewo 3:5

Abhaato bhayo, gho nche mbakorighibhu kinya abhaato bhano bhakorisëngëra Eryobha, amare mo‑metema gheebho mbakwanga changuru cheeche. Abhaato bha atëëmö iyo, wikabhaahe nabho.

Mataayo 21:20

Hano abhaanabheegha bhaache bhagharooche ghayo, bhakaroghoora chwee, bhakamobhoori bhakabhugha, “Nibhu ekabha omote uno okanyaara bhwango hangʼu?”

Maariko 11:20

Atabhoori yaache hano ꞉bhaare bharagharuka mo‑moghya o Yerusareemu, bhakabhöna omote wuure o motiini woomiri woose koru emerya gheeche.