Mataayo 21:17 - Eriiraghano Eriihë

¹⁷ Yesu akabhatigha abhaato bhayo, akaru Yerusareemu, aghaye komisi mo‑kyaro ke Bhetaniya.

Mataayo 21:17 Referans Kwoze

Yohana 11:18

Omoghya o Bhetaniya noore chakiromeeta ishato hangʼu koru Yerusareemu.

Yohana 11:1

Mbe, naare‑ho omooto umu eriina reeche Rasaaro, naare omubhabharu. Omooto uyo naare ariikara mo‑kyaro ke Bhetaniya haghirohamu na abhasubhaati bhaabho, Mariyamu na Marita.

Ruuka 24:50

Akamara Yesu akabhakangata abhaanabheegha bhaache mbagha mo‑kyaro ke Bhetaniya. Hano bhahikiri hayo, aghaghöröröki amabhökö ghaache ighoro, akabhiitabheri.

Maariko 11:11

Yesu aghasöha Yerusareemu, aghaye kimu kimu, aghasöha Mwisëngërö re Ryobha. Akamööhi chambaara choose, akarighi ebheghiro bhyose bhino bheenyi‑mu. Amare gho kubha n‑omughörööbha ꞉haare, aghatanura, aghaye Bhetaniya haghirohamu na abhaanabheegha bhaache ikomi na bhabhere.

Maariko 11:19

Hano bhwiriri, Yesu na abhaanabheegha bhaache bhaghatanura koru mo‑moghya uyo.

Mataayo 16:4

Orwibhoro ro bhaato abhabhe bhano bhataanyi abhahëënë mbakwënda ekyërëkërëri. Ntëëköbhëërëki ekyërëkërëri ghyokyose nanyinga kiire ke murööti Yoona.” Niho Yesu akabhatigha, aghatanura.

Ruuka 19:29

Hano atingʼiri ebhyaro bhe Bhetibhaaghe na Bhetaniya, mo‑gheghoro kino ghekobherekeru ke Miseyituuni, akabhatoma abhaanabheegha bhaache bhabhere,

Ruuka 10:38

Yesu na abhaghëndi bhaache, hano ꞉bhaare mo‑nchëra, bhaghasöha mo‑kyaro kimu. Omukari umu, eriina reeche Marita, akabhaghënëhi awaache.

Maariko 11:1

Hano Yesu na abhaanabheegha bhaache bhatingʼiri Yerusareemu, haghuhe ne ebhyaro bhe Bhetibhaaghe na Bhetaniya, mo‑gheghoro ke Miseyituuni, Yesu akabhatoma abhaanabheegha bhaache bhabhere.

Maariko 3:7

Yesu aghatanura hayo, aghaye rubhareka ro nyancha e Ghariraaya haghirohamu na abhaanabheegha bhaache. Erikinda ikoro re bhaato rekamutambana koru mo‑mikööwa ghe Ghariraaya, na Yuteya,

Mataayo 26:6

Niho Yesu aghaye mo‑kyaro ke Bhetaniya na ghwikara mo‑nyumba e Simiyooni uno ekimbërë are no obhubhabharu bho mbiti.

Maariko 14:3

Eriibhagha riyo Yesu naare mo‑kyaro ke Bhetaniya, mo‑nyumba e Simiyooni uno ekimbërë are no obhubhabharu bho mbiti. Hano are mo‑meecha araraaghëra, akaacha omukari umu uno are na achubha e riighori ikoro e arabhaasita. Mo‑chubha iyo ngaare‑mu amaghuta ghano ghaanyi ne ekeneeso na gha riighori ikoro chwee. Omukari uyo akabhuna omonu o chubha, akamohomeerera Yesu a‑mutu.