Mataayo 21:15 - Eriiraghano Eriihë

¹⁵ Amare abhakoro bha bhachaama na abheeghi bha meghiro mbarooche ebheroghooro bhino Yesu aköriri, wiiki mbooghwire abhaana bharachaghana mo‑riigho re Mwisëngërö bharabhugha, “Hosaana kwo Omoona o Tawuti!” Gho ghiri iyo bhaghakarara chwee.

Mataayo 21:15 Referans Kwoze

Mataayo 21:9

Abhaato bhano ꞉bhaare bhakangatiri ambërë na bhano ꞉bhaare bharamoru anyuma, bhaghatiiri amaraka bharabhugha, “Hosaana Omoona o Tawuti! Niitabhiiru uno akuucha kwo riina re Mutëmi Waryobha! Hosaana Waryobha omokoro o bhyose!”

Yohana 12:19

Amare Amabharisaayo bhakabhoorani bhakabhugha, “Mokorighi? Totaaghotora ghuköra ghyokyose! Mööhi, abhaato bhoose mbakomutambana iwe.”

Yohana 11:57

Abhakoro bha bhachaama na Amabharisaayo mbaare bhahatëkiri kubha, omooto wowoose uno eche hano Yesu anyi, arëëtë amangʼana kubha bhamughöötë.

Yohana 7:42

Kana, Amandëkö Amatööbhiyu ghataakobhugha kubha Kirisito nakorwera mo‑rwibhoro ro mutëmi Tawuti? Wiiki kubha nakwibhoru Bheserehemu, mo‑kyaro kino Tawuti ꞉ibhoriiru?”

Yohana 4:1

Mbe, Amabharisaayo bhakooghu amangʼana gha Yesu kubha nakubhatiisa na kubhöna abhaanabheegha bhaaru ghokera Yohana.

Ruuka 22:66

Hano bhookiire, abhagharuka bha Bhayahuuti bhaghaköra ekiina, mo‑bhagharuka bhayo mbaare‑mu abhakoro bha bhachaama, na abheeghi bha meghiro. Yesu akahiru ambërë e riibharacha riyo,

Ruuka 22:2

Eriibhagha riyo abhakoro bha bhachaama, haghirohamu na abheeghi bha meghiro, mbaare bharatabhara kebhuno bhakomwita Yesu. Amare bhaakabha bharatiina abhaato.

Ruuka 20:1

Orosiko rumu hano Yesu are areeghi abhaato Mwisëngërö na kobharaghaneri Angʼana Anchömu e Ryobha, niho abhakoro bha bhachaama, na abheeghi bha meghiro, na abhagharuka bha Bhayahuuti bhakamusëëta.

Maariko 11:18

Hano abhakoro bha bhachaama na abheeghi bha meghiro bhooghwire ghayo, bhaghasëëma ghutabhara anchëra e komwita, gho kubha, mbaare bharamotiina, abhaato bhoose mbaare bhararoghooru na ameeghi ghaache.

Mataayo 27:20

Amare abhakoro bha bhachaama na abhakangati abhande bha Bhayahuuti bhaghatebhitebhi abhaato kubha, bhamusabhe Bhiraato abhiighorere Bharaabha na komotenera ekiina Yesu kubha itu.

Mataayo 27:1

Hano bhookiire, abhakoro bha bhachaama haghirohamu na abhagharuka bha Bhayahuuti bhaghiishererani haghirohamu kinya bhuno bhakomwita Yesu.

Mataayo 26:59

Abhakoro bha bhachaama bhayo na abhakangati abhande bha riibharacha eriikoro re Bhayahuuti mbaare bharatabhara obhwibhateri bho bhuröngö kubha bhabhönë anchëra e komwita Yesu.

Mataayo 26:3

Eriibhagha riyo, abhakoro bha bhachaama na abhagharuka bha Bhayahuuti bhaghiikomana mo‑nyumba ankoro e Muchaama Omokoro uno eriina reeche akobherekeru Kayabha.

Mataayo 22:42

“Mokwihëëbha bhu ighoro e Kirisito? N‑omoona waawe?” Bhaghagharokeri bhakabhugha, “N‑Omoona o mutëmi Tawuti.”

Mataayo 21:23

Yesu aghasöha wiiki Mwisëngërö, akabha areeghi. Niho abhakoro bha bhachaama, na abhagharuka bha Bhayahuuti bhaaghaye komobhoori bharabhugha, “Ghano iye oghuköra, noghuköra kwo bhotoro bhwa we? Na n‑niwe uno akoheere obhotoro bhuno?”

Mataayo 9:27

Hano Yesu amariri ghutanura hayo, abhahuku bhabhere bhakamutambana, bhaghatiiri amaraka ghaabho bharabhugha, “Oo Omoona o Tawuti, otorigheri changori!”

Mataayo 20:24

Hano abhaanabheegha abhande bhaare ikomi bhooghwire ghayo, bhakabhakararera abhaghëndi bhaabho bhaare bhabhere.