Mataayo 21:11 - Eriiraghano Eriihë

¹¹ Erikinda riire re bhaato rekabhagharokeri rerabhugha, “Uyo n‑Yesu, omurööti wuure o mo‑moghya o Nasareeti, mo‑mukööwa o Ghariraaya.”

Mataayo 21:11 Referans Kwoze

Yohana 6:14

Hano abhaato bhayo bharooche ekyërëkërëri kiyo Yesu ꞉aköriri, bhakabhugha, “Mahëënë omooto uno n‑omurööti o Ryobha, niwe uno twitëngʼiire kubha nakuucha mo‑se.”

Yohana 7:40

Hano abhaato abhamu mo‑rikinda riyo bhooghwire amangʼana ghayo, bhaghasëëma ghosiikëra bharabhugha, “Mahëënë, omooto uno n‑omurööti uno toghughanya koru kwo Waryobha.”

Ruuka 7:16

Abhaato bhayo bhoose, bhaghatiina chwee. Bhaghasëëma koreghongi Eryobha, bharabhugha, “Omurööti omokoro, akarwera ghate yiito!” Wiiki bhakabhugha, “Eryobha, ndiichiri ghotoori abhaato bhaache!”

Amaköri gha Bhatomu 7:37

“Musa uyo niwe are abhabhooriire Abhiisiraeri bhayo, ‘Ghate yaanyu, Eryobha nakobhaahurera omurööti kinya eni.’

Yohana 9:17

Amabharisaayo bhakamobhoori wiiki bhakabhugha, “Omooto uno akuhöriri amiisho ghaacho, obhugha bhu ighoro yaache?” Iwe akabhagharokeri akabhugha, “Eni ndighi omooto uyo n‑omurööti o Ryobha.”

Mataayo 2:23

Bhakahika na kumanya mo‑moghya o Nasareeti. Niho ꞉ehikeriine angʼana ino ighamburu ighoro e Yesu gho kohetera abharööti, kubha, “Nakobherekeru Omunasareeti.”

Yohana 4:19

Omukari uyo akamugharokeri akabhugha, “Omutëmi, ibheere ˆnekarighi kubha iye m‑murööti onyi.

Yohana 1:21

Bhakamobhoori wiiki bhakabhugha, “Mbe, iye niiye we? Kana, iye n‑omurööti Eriya?” Yohana akabhagharokeri akabhugha, “Tiyaanyi, eni taanyi Eriya.” Ibho bhakamobhoori wiiki bhakabhugha, “Kana, iye n‑omurööti wuure toghughanya koru kwo Waryobha?” Yohana akabhagharokeri arabhugha, “Tiyaanyi, taanyi eni.”

Maariko 6:15

Abhande mbaare bharabhugha kubha, “Yesu n‑Eriya.” Abhande mbaare bharabhugha kubha, “Iwe n‑omurööti o Ryobha kinya abharööti abhande bha kare.”

Ruuka 24:19

Yesu woose akabhoori akabhugha, “Mangʼana ke ghayo?” Bhakamugharokeri bhakabhugha, “Itu ntoghosiikëra ighoro e ghano ꞉ghaakörëkiine o‑Yesu o Nasareeti. Eryobha na abhaato bhoose ꞉mbaarooche kubha, iwe m‑murööti are, wiiki naare no obhotoro bho ghuköra na ghosiikëra.

Yohana 1:25

bhakamobhoori wiiki bhakabhugha, “Aribha iye taanyi Kirisito, hamu omurööti Eriya, hamu omurööti owonde o Ryobha, ngwake okubhatiisa?”

Ruuka 13:33

Nekwëndëru nighöötë orughëndö roone ro ghuye Yerusareemu reero na tabhoori na bhasiire, mbagha nehike‑ho, gho kubha teenyi bhoheene omurööti ghokwera ahaghiro ahande, anche e Yerusareemu!

Ruuka 7:39

Omubharisaayo uyo, hano arooche ghayo, akiihëëbha mo‑metema waache akabhugha, “Omooto uno, nangabheere murööti are, nangamanyiri kubha, omukari uno akomughöötaghööta, n‑omooto o ngabhu. Nangamënyiri kubha, iwe n‑omooto o masari, omusöngörëëri!”

Mataayo 21:10

Hano Yesu asöhiri mo‑moghya o Yerusareemu, omoghya woose okarighitera. Abhaato bhaghasëëma kobhoorani bharabhugha, “N‑niwe uyo?”

Mataayo 21:26

Wiiki, aribha toragharokeri kubha ꞉mbooruure mo‑bhaato, ntoghotiina erikinda re bhaato bhano, gho kubha bhoose mbaanyi no obhuhëënë kubha Yohana m‑murööti are.”

Mataayo 21:46

Niho bhaghatabhara anchëra e komughööta, amare bhaghatiina erikinda re bhaato gho kubha ibho mbamënyiri Yesu kubha n‑omurööti.