Mataayo 20:19 - Eriiraghano Eriihë

¹⁹ na koohira mo‑bhaato bha matöngö kubha bhanchëërë, na ghuntëma emicharicho na kumamba mo‑musarabha. Amare orosiko ro ghatato, Eryobha ndekondyoki.”

Mataayo 20:19 Referans Kwoze

Mataayo 16:21

Korwera eriibhagha riyo, Yesu aghasëëma kobhabhoorera abhaanabheegha bhaache haheero kubha nakwëndëru aghi Yerusareemu, na kubhöna anyaako yaaru. ꞉Naabhabhooriire kubha, nakunyaakibhu na abhagharuka bha Bhayahuuti, na abhakoro bha bhachaama bha Ryobha na abheeghi bha meghiro, na ghwitu. Amare orosiko ro ghatato, nakoryoka.

Amaköri gha Bhatomu 2:23

Akamara Yesu uno akaruusibhu ghokoonyu, kinya Eryobha eryene reere ryeche na kurëngʼaana na amënda ghaache koru simoka. Wiiki inyu mokamwita mo‑musarabha, gho kohetera abhaato bha matöngö.

Amaköri gha Bhatomu 21:11

Aghabho uyo aghatusëëta, akiimoki omoshibhi o Bhawuro, akiibhöha mo‑maghoro na mo‑mabhökö, akabhugha kubha, “Akörö Ahörëëru nebhughiri kubha, ‘Omwene omoshibhi uno, hangʼu nibhu Abhayahuuti bha Yerusareemu bhakomubhöha gho changuru, na mbakomuhaana mo‑mabhökö gha bhaato bha matöngö.’”

Amaköri gha Bhatomu 4:27

“M‑mahëënë kubha, omutëmi Herote Antibha na Bhontiyo Bhiraato, ꞉mbaatëmëëriine haghirohamu na abhaato bha matöngö na Abhiisiraeri, mo‑moghya o Yerusareemu kubha bhamwange Yesu, omutamishi waacho Omutööbhiyu uno ꞉omwahwire kubha Kirisito.

Ruuka 24:46

Wiiki akabhabhoorera akabhugha, “Yandëkuru kubha Kirisito nakunyaakibhu na ghwitu, no orosiko ro ghatato, nakoryoka koru mo‑bhaku.

Ruuka 23:11

Herote na abhaashirikare bhaache bhaghasëëma komochebhora, bhakamusëka, bhakamobheeki eriishaghi ichömu re ghitëmi. Bhakamara bhakamugharoki o Bhiraato.

Maariko 15:1

Hano bhookiire hangʼu, abhakoro bha bhachaama bhaghiikara ekiina haghirohamu na abhagharuka bha Abhayahuuti, na abheeghi bha meghiro ghe Ryobha na abhaato abhande bha riibharacha eriikoro re Bhayahuuti. Bhaghiishererani haghirohamu kinya bhuno bhakomwita Yesu. Niho bhakamubhöha Yesu, bhakamohira o Bhiraato.

Maariko 14:65

Niho abhande bhaghasëëma komotwera amatë, komubhöha ne eghitambara mo‑bhosho na komutëma ebhekundi, ino bharamobhoorera kubha, “Nuröötë n‑niwe uno aghutëmiri!” Abhachongi bhano ꞉bhaare hayo, bhakamwimoki, bhakamutëma orohe.

Mataayo 12:40

Kinya bhuure Yoona ꞉ikeere chaasiko ishato mo‑nda e su ankoro obhotiko no omwishe, hangʼu hangʼu na neeni uno neenyi Omoona o Mooto neghwikara chaasiko ishato mo‑mbeehera obhotiko no omwishe.

Mataayo 17:23

na mbakoonyita. Amare orosiko ro ghatato, Eryobha ndekondyoki.” Hano abhaanabheegha bhaache ꞉bhooghwire ghayo, bhaakabha na amacheeche chwee.

Mataayo 27:26

Akamara Bhiraato akabhiighorera Bharaabha, amare akahatëka abhaashirikare bhaache kubha bhamutëmë Yesu ne emicharicho na komumamba mo‑musarabha.

Mataayo 27:63

Bhakamobhoorera bhakabhugha, “Oo omutëmi, tokahiita kubha omuröngö wuure hano are akeere muhöru, ꞉naasiikiire akabhugha, ‘Mo‑rosiko ro ghatato, nekoryoka koru mo‑bhaku.’

Maariko 15:15

Bhiraato naare arëënda korichömëri erikinda riyo re bhaato, gho ghayo akabhiighorera Bharaabha. Akahatëka abhaashirikare bhaache bhamutëmë Yesu ne emicharicho. Akamara akamuhaana, bhamumambe mo‑musarabha.

Ruuka 18:32

Naghughöötu na kohiru mo‑bhaato bha matöngö. Mbakomuchëëra na komotoka, na mbakomontwera amatë.