Mataayo 20:14 - Eriiraghano Eriihë

¹⁴ Imoki chambiiri cheecho, ondwere hano! Eni mwene niisheriiri komoreha omooto uno arumusiire kuucha amareho ghano gharëngʼiine na ghaghaacho.

Mataayo 20:14 Referans Kwoze

Yohana 17:2

Noheere obhotoro bho kobhakangata abhaato bhoose, kubha nebhahë abhaato bhano oheere obhuhöru bho miishe ghyose.

Ruuka 15:31

“Ishe akamobhoorera akabhugha, ‘Omoona waane, iye ntwikeere haghirohamu chaasiko choose. Ebheghiro bhyose bhino neenyi nabhyo hano m‑bhebheecho.

Abharuumi 3:19

Mbe, itu ntweche kubha, hano Amandëkö Amatööbhiyu ghakwërëkërëri egheghiro ghyokyose, ngakwërëkërëri abhaato bhano ꞉bhaahaabhuru Amandëkö ghayo. Hano Amandëkö ghakobhugha hangʼu, n‑kubha abhaato bhoose, Abhayahuuti na abhaato bha matöngö bhatabha na angʼana e ghwitachura hano Eryobha reghotenera ekiina ase, wiiki erighibhu haheero kubha, mbarëngʼaaniire ghoteneru ekiina.

Abharuumi 3:4

Tiyaanyi! Abhaato bhoose m‑bharöngö, amare Eryobha ndyërëkiri kubha ndeghuköra kino rekobhugha. N‑kinya bhuno Amandëkö Amatööbhiyu ghakobhugha ighoro yaache kubha, “Orasëma abhaato kwo masari ghaabho, amangʼana ghaacho n‑gha mahëënë. Orabhatenera ekiina, ghotena ekiina koocho n‑kwo bhuhëënë.”

Mataayo 6:16

“Hano mookubha mwiyiimiri ebhiinyakurë, ebhesho bheenyu bhëtëërëki amacheeche kinya chaghughuuti chehaaköra. Ibho mbahaakunya obhosho bhoobho kubha abhaato bharighi kubha mbiyiimiri ebhiinyakurë. Mahëënë eni ˆnekabhabhoorera, bhayo mbamariri kubhöna atuho yaabho.

Mataayo 6:6

Amare iye hano oghusabha Eryobha, usöhë mo‑kenyumba na wighare orwighe. Oramara usabhe gho Taata waacho uno ataakorighibhu. Niho Taata waanyu uno ahaarighi ghano ghaghuköru mo‑kebhisere, naghoghoghongi.

Mataayo 6:2

Mbe, hano okobhatoori abhahabhe, otirondi kubha wiyërëkani kinya chaghughuuti chehaaköra mo‑masinaghooghi, na mo‑chanchëra kubha abhaato bhabhatöghösi. Mahëënë ˆnekabhabhoorera, bhayo mbamariri kubhöna atuho yaabho.

Ruuka 16:25

“Amare, Abhurahamu akamugharokeri, ‘Oo omoona waane, ohiite kubha ꞉noobhwine amangʼana amachömu mo‑riimanya reecho, hano ore mo‑se. Rasaaro nawe, ꞉naabhwine amabhe. Amare ibheere, iwe nakuhönibhu hano, na niiye nokunyaaka.

Mataayo 20:13

“Omwene omoghondo uyo akamugharokeri umu mo‑bhaato bhayo akabhugha, ‘Oo musaani, ntekongʼiiniri gho ghyokyose. Kana, totiishereriini kubha noghuköra omoremo kwo mareho gha rosiko rumu?

Mataayo 20:15

Kana, nteenyi no obhotoro bho kuhökëri ebheghiro bheene kinya bhuno nekwënda? Ghasi nokorighi eriihari gho kubha moruusi neenyi kwo bhaato abhande?’ ”