Mataayo 2:16 - Eriiraghano Eriihë

¹⁶ Hano Herote amënyiri kubha abhamënyi bha chanchöta bhaare mbamongʼiiniri, aghakarara chwee. Akahatëka kubha abhaana bha ghesubhe bhoose bha Bheserehemu haghirohamu na ahaghiro hoose ha haghuhe, bhano bhaanyi ne emeeka ebhere ghugharuka haase, bhiitu. ꞉Naaköriri hangʼu kurëngʼaana ne eriibhagha riire abhooriiru na abhamënyi bha chanchöta.

Mataayo 2:16 Referans Kwoze

Obhohunyurëru 17:6

Nekarighi omukari uyo arëëwuru gho kunyo amasaahë gha bhatööbhiyu bhano bhiituru gho kubha mbaare abhiibhateri bha Yesu. Hano nemorooche, nekaroghoora chwee.

Mataayo 2:1

Yesu ꞉niibhwiru mo‑moghya o Bheserehemu mo‑mukööwa o Yuteya, eriibhagha re bhukangati bho mutëmi Herote Omokoro. Mbe, hano amariri kwibhoru, abhamënyi bha chanchöta bhano bharweriire roghoro bhakahika mo‑moghya o Yerusareemu.

Mataayo 2:7

Niho Herote akabhabherekera abhamënyi bha chanchöta bhayo gho kobhisa kubha bhaache bhamobhoorere obhuhëënë n‑eriibhagha ke bharooche anchöta yiire.

Mataayo 2:17

Niho ꞉ehikeriine angʼana yiire ighamburu no omurööti Yeremiya kubha,

Obhohunyurëru 12:4

Omokera o ghuchöka ghuyo, okangʼuura imu ghwi ishato e chanchöta choose na ghoghachirëkëra mo‑se. Oghuchöka ghuyo ghokiimeerera ambërë e mukari uno are arëënda kwibhora, kubha araacha kwibhora, remure omoona uyo.