Mataayo 19:23 - Eriiraghano Eriihë

²³ Niho Yesu akabhabhoorera abhaanabheegha bhaache akabhugha, “Mahëënë ˆnekabhabhoorera, neekubha ghuköngʼu chwee kwo mwame ghusöha mo‑bhutëmi bho Mwishaaro.

Mataayo 19:23 Referans Kwoze

Mataayo 13:22

Chambusuro chino ꞉cheeghweriire mo‑maho, nchetuubhiine no omooto uno akooghu angʼana e bhutëmi bho Ryobha, amare naghwituuri chwee ighoro e mangʼana gha riimanya rino no obhwighombi bho bhwame. Ghayo ngahabhandereri angʼana, nayo ekindu ghuköra emeremo.

Maariko 10:23

Yesu akamööhi ino na ino, akabhabhoorera abhaanabheegha bhaache akabhugha, “Neekubha ghuköngʼu chwee kwo bhaame ghusöha mo‑bhutëmi bho Ryobha.”

Ruuka 18:24

Yesu, hano amorooche ˆakabha na amacheeche hangʼu, akabhugha, “Neekubha ghuköngʼu chwee kwo bhaame ghusöha mo‑bhutëmi bho Ryobha!

1 Abhakorinto 1:26

Ibheere, bhahiiri bhaane, mohiite kebhuno moore eriibhagha rino mobherekiiru ne Eryobha. Kwo miihëëbhö gha bhaato, abhaaru ghate yaanyu mobherekiiru motaanyi na amangʼiini. Wiiki abhaaru ghate yaanyu motaare mumënyëkiine, koru motibhwiru mo‑chaaka chino cheenyi na asooko.

Yohana 3:3

Yesu akamugharokeri akabhugha, “Mahëënë ˆneghakobhoorera, taanyi‑ho omooto uno aghotora ghusöha mo‑bhutëmi bho Ryobha aribha atibhwiru mara e kabhere.”

Yakobho 2:6

Amare, inyu mobhataraahiri chwee abhahabhe! Kana, abhaame bhayo taanyi ibho bhahabhibhönëërëri inyu, na kobhahira ambërë e bhateni bha kiina?

Amaköri gha Bhatomu 14:22

Haghiro hoose hano bhaghiire ꞉mbaabhatooriri omukörö abhaghëndi bha Yesu, bhakabhabhoorera bhëëndërërë ghokumi amangʼana gha bhuhëënë ghano bheeghuru. Bhakabhatongera bharabhugha, “Ntokwëndëru ghusöha mo‑bhutëmi bho Ryobha gho kohetera anyaako yaaru.”

Yohana 3:5

Yesu akamugharokeri akabhugha, “Mahëënë ˆneghakobhoorera, taanyi‑ho omooto uno aghotora ghusöha mo‑bhutëmi bho Ryobha aribha atibhwiru kwo manche na gho Akörö e Ryobha.

Mataayo 18:3

akabhabhoorera akabhugha, “Mahëënë ˆnekabhabhoorera, aribha motaaghwigharura na kubha kinya abhaana abhasuuhu, motaaghusöha mo‑bhutëmi bho Mwishaaro.

Mataayo 5:20

Mbe, ˆnekabhabhoorera kubha, aribha moraanga ghuköra ghano Eryobha rekwënda ghokera Amabharisaayo na abheeghi bha meghiro, motaaghusöha kimu mo‑bhutëmi bho Mwishaaro.

Mataayo 21:31

Kana, mo‑bhabhere bhayo, n‑niwe uno aköriri kinya bhuno ishe waache ꞉ëndiri?” Bhaghagharokeri bhakabhugha, “Wuure o mumbërë.” Niho Yesu akabhabhoorera akabhugha, “Mahëënë ˆnekabhabhoorera, abhatöbhi bha righööti na abhasöngörëëri mbaghukangata ghusöha mo‑bhutëmi bho Ryobha.

Mataayo 19:22

Hano omobhureni uyo oghwire ghayo, akaru hayo kwo macheeche gho kubha m‑mwame chwee are.