Mataayo 19:21 - Eriiraghano Eriihë

²¹ Yesu akamobhoorera akabhugha, “Aribha okwënda kubha omuhëënë, nooghi oghori ebheghiro bhyose bhino onyi nabhyo, chambiiri chiyo okubhöna, obhahë abhahabhe. Gho ghuköra hangʼu, niho okubha na agharinga Mwishaaro. Oramara uche, untambane.”

Mataayo 19:21 Referans Kwoze

Maariko 10:21

Yesu akamumööhërëri, akamosiigha, akamobhoorera akabhugha, “Nosuuhiiru ne egheghiro kimu. Nooghi oghori ebheghiro bhyose bhino onyi nabhyo, chambiiri chino okubhöna obhahë abhahabhe. Gho ghuköra hangʼu, niho okubha na agharinga Mwishaaro. Oramara uche untambane.”

Ruuka 18:22

Hano Yesu oghwire ghayo, akamobhoorera akabhugha, “Okeere nokwëndëru ghuköra angʼana imu. Nooghi obheghori ebheghiro bheecho bhyose bhino onyi nabhyo, chambiiri chino okubhöna, obhahë abhahabhe. Gho ghuköra hangʼu, niho okubha na agharinga Mwishaaro. Oramara uche, untambane.”

Ruuka 12:33

Mbe, moghori ebheghiro bheenyu, mobhahë abhahabhe. Mwitoorere amaghöchi ghano ghataaghokunguha, mubhe na agharinga ino etaaghosuuha Mwishaaro, hano omwibhi ataakohika, koru ebhebhongi bhetaakobhongi.

Ruuka 14:33

“Hangʼu hangʼu, taanyi‑ho koru umu ghokoonyu uno aghotora kubha omughëndi waane, aribha ataamara atigha bhyose bhino anyi nabhyo.

Amaköri gha Bhatomu 2:45

Mbaare bharaghori ebheghiro bheebho na chambiiri chino ꞉bhaare bharabhöna, bhaghachihööha, kurëngʼaana na amënda gha mooto woose.

Yohana 12:26

Omooto wowoose uno akwënda kuuhökëri eni, nekwëndëru antambane. Wiiki hohoose hano neekubha, hayo niho no omutamishi waane akubha. Taata nakomosooka omooto wowoose uno akuuhökëri eni.

Ruuka 9:23

Akamara, Yesu akabhabhoorera bhoose kubha, “Omooto wowoose uno akwënda ghuntambana, nakwëndëru iyange omwene, aghëghë omusarabha waache chaasiko choose, antambane.

Yohana 10:27

Changʼöndu cheene nchehooghu eriiraka reene. Eni necheeche bhoheene, nacho cheghuntambana.

Mataayo 5:48

Mbe, mubhe bhaghöröröku kinya bhuure Taata waanyu uno anyi Mwishaaro anyi mughöröröku.

Ruuka 16:9

Eni ˆnekabhabhoorera, muhökëri ebheghiro bheenyu mo‑se ino mwibhönërë abhasaani mo‑bhutëmi bho Ryobha, kubha eriibhagha moghosireru ebheghiro, bhabhaghënëhi mo‑bhwikari bho miishe ghyose.”

Mataayo 19:28

Yesu akabhagharokeri akabhugha, “Mahëënë ˆnekabhabhoorera, eriibhagha eni uno neenyi Omoona o Mooto neekubha niikeere eghitëmi mo‑ghetumbe keene ke bhokumi obhokoro mo‑se ahë, mbe, na niinyu bhano muntambiine, moghwikara mo‑bhetumbe ikomi na bhibhere ino moratenera ekiina amatöngö ikomi na abhere gha Bhiisiraeri.

Mataayo 16:24

Niho Yesu akabhabhoorera abhaanabheegha bhaache akabhugha, “Omooto wowoose uno akwënda ghuntambana, nakwëndëru iyange omwene, aghëghë omusarabha waache, antambane.

Ruuka 6:40

“Omoonamwegha taakomokera omweghi waache. Amare, aramara kweghibhu ghoose, niho aghotuubhaana no omweghi waache.

Ruuka 5:27

Achekumara ghayo, Yesu akahoroka mo‑nyumba iyo, akarighi omutöbhi umu o righööti eriina reeche Raawi. Raawi uyo naare ikeere mo‑kebhuru keeche ghe ghutöbhëri righööti. Yesu akamobhoorera akabhugha, “Oo Raawi, untambane.”

Maariko 8:34

Akabherekera erikinda re bhaato haghirohamu na abhaanabheegha bhaache, akabhabhoorera akabhugha, “Omooto wowoose uno akwënda ghuntambana, nakwëndëru iyange omwene, aghëghë omusarabha waache, antambane.

Mataayo 9:9

Hano Yesu amariri koru hayo, aghatëmëërana no omutöbhi umu o righööti ikeere mo‑kebhuru keeche ghe ghutöbhëri erighööti, eriina reeche Mataayo. Yesu akamobhoorera akabhugha, “Nuntambane.” Hayo hayo, Mataayo akiimeerera, akamutambana.

Abheebhuraaniya 10:34

Wiiki moore morabharigheri changori abhaghëndi bhaanyu bhano ꞉bhaare bhabhöhuru mwighërëcha. Wiiki hano ꞉bhaare bharabhahöka obhwame bhoonyu, moore morachömëru mo‑metema gheenyu gho kubha moore mweche kubha moonyi ne ebheghiro bhyaru bhichömu chwee bhino bhetaaghosira naabha.

Maariko 2:14

Akamara aghatanura koru hayo, na mo‑nchëra akamorighi Raawi mwërëëti o Arubhaayo. Naare ikeere mo‑kebhuru keeche ghe ghutöbhëri erighööti. Yesu akamobhoorera akabhugha, “Nuntambane.” Raawi akiimeerera, akamutambana.

Mataayo 8:22

Yesu akamugharokeri akabhugha, “Iye nutambane! Abhaato bhano bhataakorekumi Eryobha n‑kinya abhaku. Tigha bharyekane abheene kwo bheene.”

Mataayo 4:19

Yesu akabhabhoorera akabhugha, “Muuche muntambane! Eni nekobhaköra mubhe abhaweesani bha bhaato.”

Mataayo 19:20

Omobhureni uyo akabhugha, “Emeghiro ghyose ghiyo neghighöötiri. Nikörë ke ekende kino ghisaaghiri?”

Mataayo 19:22

Hano omobhureni uyo oghwire ghayo, akaru hayo kwo macheeche gho kubha m‑mwame chwee are.