Mataayo 18:7 - Eriiraghano Eriihë

⁷ “Horeera mokorighi inyu abhaato bha se ino, gho ghiri e ghuköra amangʼana ghano ghaghughëri abhaato bharaköra amasari! Amasaki ghayo ngakwëndëru ghabhe‑ho, amare horeera nakorighi omooto uno aghogharëëta masaki ghayo!

Mataayo 18:7 Referans Kwoze

Ruuka 17:1

Yesu akabhabhoorera abhaanabheegha bhaache akabhugha, “Amasaki ghano ghaghughëri abhaato bhakörë amasari, ngaakubha‑ho chaasiko choose. Amare, horeera nakorighi omooto uno aghogharëëta!

1 Abhakorinto 11:19

Koheteerana ghate yaanyu ngokwëndëru kubhe‑ho, kubha bhano bhaanyi abhahëënë ghate yaanyu bhamënyu.

Mataayo 26:24

Eni Omoona o Mooto neghwitu kinya bhuno yandëkuru mo‑Mandëkö Amatööbhiyu. Amare horeera nakorighi omooto uno akuhaana eni mo‑mabhökö gha bhabhisa. Nengabheere ngʼoni omooto uyo atiibhoru!”

Yuuta 1:4

ˆNekabhaandëkëra anyaarubha ino, gho kubha mbaanyi‑ho abhaato nyarebhe bhano bhataakoresooka Eryobha, mbiisöhiri gho kebhisere ghate yaanyu na ghwisangerani na niinyu. Abhaato bhano mbakorumeeri angʼana e ghareeya e Ryobha riito, kubha abhaato bhakörë amangʼana gha chaasoni na komwanga Omutëmi wiito Yesu Kirisito, Omukangati wiito omwene chiri. Amare korwera kare ꞉yaandëkuru mo‑Mandëkö Amatööbhiyu kubha abhaato bhano mbaghoteneru ekiina.

Tiito 2:8

Ameeghi ghaacho ghabhe gha mahëënë ghano ghataanyi ni isörö mo‑bhaato. Hayo erabha anyi‑ho omooto uno akwënda ghoghaanga, naghosookibhu, gho kubha taakubha na angʼana imbe e ghughamba ighoro yiito.

Tiito 2:5

Wiiki, bhabhe ne ekirëngërë, na bhaghöröröku, bhakörë bhoheene emeremo mo‑chanyumba cheebho, na bhabhe abhaato abhahöriicho, na bhano bhaghosooka abhasubhe bhaabho. Obhabhoorere bhakörë hangʼu, kubha Angʼana e Ryobha etataraahu.

1 Timotewo 6:1

Abhasësë bhoose abhakumi, bhabhasooke abhantomonkoro bhaabho, kubha eriina re Ryobha na ameeghi ghiito ghatataraahu.

Amaköri gha Bhatomu 1:16

akabhabhoorera akabhugha, “Bhahiiri bhaane, amangʼana ghano ghaandëkuru mo‑Mandëkö Amatööbhiyu ighoro e Yuuta uno ꞉ahiriri abhaato bhamughöötë Yesu, ꞉ngëëndiiru ghaköru. Amangʼana ghayo ꞉ngaasiikiiru na Akörö Ahörëëru kohetera kwo mutëmi Tawuti.

Yohana 17:12

Eriibhagha nibheere haghirohamu nabho nebhachongiri kwo bhotoro bho riina reecho rino oheere. Nebhachongiri bhoheene kubha netamorumeeri koru umu mo‑bhaare, nanyinga wuure omorumeeri, kubha ghahikeerane ghano ghaandëkuru mo‑Mandëkö Amatööbhiyu.

Maariko 13:7

Hano inyu mokooghu ighoro e amangʼana gha mahë na nyughunyughu e riihë, motatiina. Ghayo ngakwëndëru korwera, amare antenero neekubha ekeere.

Mataayo 16:23

Amare Yesu akamwishororeri Bheetero, akamobhoorera akabhugha, “Nooru ambërë yaane ugharuke anyuma, iye Erishambu! Noghusaki kundëki ghuköra amënda gha Ryobha! Nokwihëëbha ghano ghataanyi gha Ryobha, amare n‑gha bhaato okwihëëbha.”