Mataayo 16:25 - Eriiraghano Eriihë

²⁵ Omooto uno akwënda kobhuhöni obhuhöru bhooche omwene, nakobhobhori. Amare omooto uno akobhobhori obhuhöru bhooche gho ghiri yaane, nakobhubhöna obhuhöru bho miishe ghyose.

Mataayo 16:25 Referans Kwoze

Mataayo 10:39

Omooto wowoose uno akwënda kobhuhöni obhuhöru bhooche, nakobhori obhuhöru bho miishe ghyose. Wiiki wowoose uno akobhobhori obhuhöru bhooche gho ghiri yaane, nakobhubhöna obhuhöru bho miishe ghyose.

Obhohunyurëru 12:11

Ibheere abhakumi bhaghëndi bhiito mbamohichiri kwo masaahë gha Moona o Ngʼöndu, na kwo ngʼana e bhwibhateri bhoobho, mbamohichiri. Bhatatereeriri eriimanya reebho, mbaare bhiisëëmiri ghoku gho ghiri e komokumi Omoona o Ngʼöndu.

Maariko 8:35

Gho ghayo omooto uno akwënda kobhuhöni obhuhöru bhooche, nakobhori obhuhöru bho miishe ghyose. Mahëënë wuure akoruusi obhuhöru bhooche gho ghiri yaane na gho ghiri e Ngʼana Anchömu, nakobhotoori.

Yohana 12:25

Omooto wowoose uno akwënda kobhuhöni obhuhöru bhooche, nakobhobhori obhuhöru bho miishe ghyose, amare omooto wowoose uno ataakobhotereera obhuhöru bhooche mo‑se ino, uyo nakobhuhöni obhuhöru bhooche, kubha bhubhe bho miishe ghyose.

Ruuka 17:33

Omooto woose uno aghusaki kobhuhöni obhuhöru bhooche nakobhobhori, wowoose uno akubha isëëmiri kobhobhori obhuhöru bhooche nakobhotoori.

Mataayo 16:26

Kana omooto nakubhöna ke, aribha abhwine ebheghiro bhyose bhe mo‑se ino, amare abhori obhuhöru bho miishe ghyose? Hamu omooto naghotora koruusi egheghiro ke kibhatere obhuhöru bhooche?