Mataayo 16:21 - Eriiraghano Eriihë

²¹ Korwera eriibhagha riyo, Yesu aghasëëma kobhabhoorera abhaanabheegha bhaache haheero kubha nakwëndëru aghi Yerusareemu, na kubhöna anyaako yaaru. ꞉Naabhabhooriire kubha, nakunyaakibhu na abhagharuka bha Bhayahuuti, na abhakoro bha bhachaama bha Ryobha na abheeghi bha meghiro, na ghwitu. Amare orosiko ro ghatato, nakoryoka.

Mataayo 16:21 Referans Kwoze

Mataayo 17:12

ˆNekabhabhoorera kubha Eriya namariri kuucha, amare abhaato bhataamumënyiri, bhakamuköra kobhe. Hangʼu hangʼu, eni uno neenyi Omoona o Mooto nekunyaakibhu mo‑mabhökö ghaabho.”

Mataayo 27:63

Bhakamobhoorera bhakabhugha, “Oo omutëmi, tokahiita kubha omuröngö wuure hano are akeere muhöru, ꞉naasiikiire akabhugha, ‘Mo‑rosiko ro ghatato, nekoryoka koru mo‑bhaku.’

Mataayo 20:28

Gho nchëra iyo iyo, eni uno neenyi Omoona o Mooto ntiichiri kuhökëru, amare niichiri nebhahökëri abhaato na koruusi obhuhöru bhoone kubha nebhatingori abhaato bhaaru.”

Ruuka 17:25

Amare singa, nekwëndëru nibhönë anyaako yaaru na kwangu na abhaato bha rwibhoro runo.

Ruuka 24:46

Wiiki akabhabhoorera akabhugha, “Yandëkuru kubha Kirisito nakunyaakibhu na ghwitu, no orosiko ro ghatato, nakoryoka koru mo‑bhaku.

Maariko 8:31

Akamara Yesu aghasëëma kobheeghi abhaanabheegha bhaache kubha nakwëndëru, Omoona o Mooto, abhönë anyaako ihaari, na kwangu na abhagharuka bha Bhayahuuti, na abhakoro bha bhachaama, na abheeghi bha meghiro, na ghwitu. Amare orosiko ro ghatato korwera ghoku ghokooche, nakoryoka.

Ruuka 9:31

꞉Mbaarweriire mo‑bhokumi obhokoro bharasiikëra na Yesu ighoro e kohikeerani amënda gha Ryobha kwo roko rooche iyo Yerusareemu.

Mataayo 26:47

Eriibhagha Yesu akeere arasiikëra ghayo, mööhi, Yuuta, umu o bhaanabheegha bhaache ikomi na bhabhere, akaacha haghirohamu ne erikinda ikoro re bhaato rino reere na amashabha na charungu. Erikinda riyo ꞉ndeetomuru na abhakoro bha bhachaama na abhagharuka bha Bhayahuuti.

Mataayo 26:2

“Kinya bhuno mweche, hano chekumara koheta chaasiko ibhere, ntookubha na anyangi e Bhaasaka. Mo‑rosiko ruyo, eni Omoona o Mooto neghotooru mo‑mabhökö gha bhabhisa kubha niitu mo‑musarabha.”

Mataayo 27:12

Mbe, abhakoro bha bhachaama na abhagharuka bha Bhayahuuti bhaghasëëma komusëma Yesu, amare iwe tagharokiiri ngʼana.

Mataayo 16:28

Mahëënë ˆnekabhabhoorera, mbaanyi‑ho abhamu bhiimeeriire hano, bhano bhataaghoku bhakeere kondighi eni Omoona o Mooto neraacha mo‑bhutëmi bhoone.”

Mataayo 12:40

Kinya bhuure Yoona ꞉ikeere chaasiko ishato mo‑nda e su ankoro obhotiko no omwishe, hangʼu hangʼu na neeni uno neenyi Omoona o Mooto neghwikara chaasiko ishato mo‑mbeehera obhotiko no omwishe.

Mataayo 16:22

Niho Bheetero akamobherekera rubhareka, aghasëëma komoshaangʼi, arabhugha, “Oo Omutëmi, Eryobha reghaheteri ghayo kurë! Ghataacha ghayo ghotubhöna!”

Mataayo 17:9

Hano bhaare bhariika koru a‑gheghoro, Yesu akabharaghereri, akabhugha, “Motaacha komobhoorera omooto wowoose amangʼana ghoose ghano morooche, mbagha eriibhagha rino eni uno neenyi Omoona o Mooto, nekoryoka koru mo‑bhaku.”

Mataayo 28:6

Taanyi hano, naryokiibhu koru mo‑bhaku kinya bhuno are abhabhooriire. Muuche morighi hano bhaare bhamuraariri.

Maariko 9:12

Nawe akabhagharokeri akabhugha, “M‑mahëënë, Eriya nakuucha singa ghuköra bhuhë amangʼana ghoose. Koru hangʼu, ngwake yandëkuru mo‑Mandëkö Amatööbhiyu kubha Omoona o Mooto, nakwëndëru abhönë anyaako ihaari chwee na ghuchëëru?