Mataayo 16:14 - Eriiraghano Eriihë

¹⁴ Bhaghagharokeri bhakabhugha, “Abhamu mbaghoghughamba kubha iye niiye Yohana Omubhatisaachi, abhande iye niiye Eriya, na abhande iye niiye Yeremiya, hamu n‑umu ghate e bharööti abhande bha Ryobha.”

Mataayo 16:14 Referans Kwoze

Maariko 6:15

Abhande mbaare bharabhugha kubha, “Yesu n‑Eriya.” Abhande mbaare bharabhugha kubha, “Iwe n‑omurööti o Ryobha kinya abharööti abhande bha kare.”

Mataayo 14:2

Mbe, akabhabhoorera abhatamishi bhaache akabhugha, “Uyo n‑Yohana Omubhatisaachi, naryokiri koru mo‑bhaku. Nikyo anyi no obhotoro bho ghuköra ebheroghooro.”

Yohana 9:17

Amabharisaayo bhakamobhoori wiiki bhakabhugha, “Omooto uno akuhöriri amiisho ghaacho, obhugha bhu ighoro yaache?” Iwe akabhagharokeri akabhugha, “Eni ndighi omooto uyo n‑omurööti o Ryobha.”

Yohana 7:12

Abhaato bhaaru koru mo‑rikinda riire, bhaakabha bharahakaana ighoro e Yesu. Abhande bhakabhugha kubha n‑omooto omuhöriicho, amare abhande bhakabhugha kubha tiyaanyi, nakobhangʼiina abhaato.

Ruuka 9:8

Abhande, mbaare bharabhugha kubha, n‑omurööti Eriya niwe ˆakaacha wiiki. Mbaare‑ho na abhande, bhano ꞉bhaare bharabhugha kubha, n‑umu o bharööti bha kare niwe aryokiri.

Maariko 8:28

Bhakamugharokeri bhakabhugha, “Abhande mbakobhugha iye n‑Yohana Omubhatisaachi, abhande mbakobhugha iye n‑omurööti Eriya, abhande mbakobhugha n‑umu ghate e bharööti abhande bha Ryobha.”

Mataayo 17:10

Abhaanabheegha bhayo bhakamobhoori bhakabhugha, “Ngwake kana abheeghi bha meghiro bhakobhugha kubha, nekwëndëru Eriya ache singa Kirisito akeere kuucha?”

Yohana 1:21

Bhakamobhoori wiiki bhakabhugha, “Mbe, iye niiye we? Kana, iye n‑omurööti Eriya?” Yohana akabhagharokeri akabhugha, “Tiyaanyi, eni taanyi Eriya.” Ibho bhakamobhoori wiiki bhakabhugha, “Kana, iye n‑omurööti wuure toghughanya koru kwo Waryobha?” Yohana akabhagharokeri arabhugha, “Tiyaanyi, taanyi eni.”

Mataayo 3:1

Hano ghehetiri emeeka myaru, narweriire omooto umu akobherekeru Yohana Omubhatisaachi mo‑kibhara ke Yuteya. Yohana uyo naare araraghani arabhugha,

Mataayo 16:15

Yesu akabhabhoori wiiki akabhugha, “Amare inyu kana, mokobhugha eni neeni we?”