Mataayo 16:13 - Eriiraghano Eriihë

¹³ Eriibhagha Yesu ꞉ahikiri ahaghiro hano haare harabherekeru Kayisaariya‑Bhiribhi, akabhabhoori abhaanabheegha bhaache akabhugha, “Abhaato mbakobhugha kubha, eni uno neenyi Omoona o Mooto, neeni we?”

Mataayo 16:13 Referans Kwoze

Yohana 5:27

Wiiki, namoheere Omoona obhotoro bho kobhatenera ekiina abhaato, gho kubha iwe n‑Omoona o Mooto.

Mataayo 9:6

Nekwënda mumënyë bhoheene kubha eni Omoona o Mooto, neenyi no obhotoro bho kwabhëra amasari mo‑se ino.” Niho Yesu akamobhoorera omooto uyo are akuure ribhaara, akabhugha, “Imeerera! Ghëgha machëëra yaacho, oghi awaacho.”

Mataayo 13:37

Yesu akabhagharokeri akabhugha, “Omooto wuure ꞉emiri ambusuro anchömu natuubhiine na neeni Omoona o Mooto.

Mataayo 12:8

gho kubha eni Omoona o Mooto, eni neeni Omutëmi o rosiko ro Riikane.”

Mataayo 8:20

Yesu akamugharokeri akabhugha, “Chaambwe ncheenyi na chakoobho ne ebhinyönyi mbeenyi ne ebhenyumba. Amare eni uno neenyi Omoona o Mooto nteenyi koru na ha ghotoora omutu!”

Amaköri gha Bhatomu 10:38

Mweche kubha, Eryobha ꞉ndeemwahwire Yesu o Nasareeti gho komuha Akörö Ahörëëru no obhotoro. Yesu ꞉naaghiire ino na ino, araköra amachömu na kuhöri bhoose bhano ꞉bhaare bharanyaakibhu na changuru che Rishambu, gho kubha Eryobha ndeere haghirohamu nawe.

Amaköri gha Bhatomu 7:56

Hayo akabhugha, “Mumööhërëri! Nerooche erishaaro reriighoka, no Omoona o Mooto imeeriire eribhaara re kwiro re Ryobha!”

Yohana 12:34

Mbe, erikinda re bhaato bhakamugharokeri Yesu bhakabhugha, “Ntooghwire mo‑Mandëkö Amatööbhiyu kubha, Kirisito naakubha muhöru emiishe ghyose. Mbe, ngwake okobhugha abhaato mbakomotiiri Omoona o Mooto? Kana, Omoona o Mooto n‑niwe?”

Maariko 10:45

Koru eni uno neenyi Omoona o Mooto, ntiichiri kuhökëru, amare niichiri nebhahökëri abhaato na koruusi obhuhöru bhoone kubha nebhatingori abhaato bhaaru.”

Maariko 8:38

Eriibhagha Omoona o Mooto neghwika na bhamarayika abhatööbhiyu mo‑bhokumi obhokoro bho Taata waane, nekomorigheri chaasoni omooto wowoose uno akondigheri eni chaasoni na ameeghi ghaane kwo riibhagha rino abhaato bhaghuköra amasari na bhataaghotereera Eryobha.”

Mataayo 25:31

Yesu akëëndërëra kobhabhoorera abhaanabheegha bhaache akabhugha, “Hano eni uno neenyi Omoona o Mooto nekuucha mo‑bhokumi bhoone obhokoro haghirohamu na bhamarayika bhoose, niho neghwikara mo‑ghetumbe keene ke bhutëmi.

Mataayo 15:21

Yesu aghatanura hayo, aghaye eribhaara re meghya ghe Tiiro na Sitooni.

Mataayo 13:41

Eni Omoona o Mooto nekobhatoma bhamarayika bhaane kubha bhabhakome koru mo‑bhutëmi bhoone abhaato bhoose bhano bhakorumeeri abhande bhakörë amasari, na abhaköri bha masari bhoose.

Mataayo 12:32

Wiiki Eryobha ndeghotora kobhaabhëra abhaato bhano bhakonyanga eni Omoona o Mooto, amare retaaghotora kobhaabhëra abhaato bhano bhakwanga Akörö Ahörëëru kwo riibhagha rino ri ibheere hamu rino rekuucha.

Yohana 3:14

“Hano Abhiisiraeri ꞉bhaare mwibhara, Musa ꞉naaköriri asanaamu e nchöka ino ꞉iköruru gho shabha na koyetiiri a‑mote, kubha abhatoori. Hangʼu hangʼu eni Omoona o Mooto nekuucha ghotiiribhu,

Yohana 1:51

Mahëënë ˆnekabhabhoorera, mokuucha korighi Mwishaaro hiighokiri, na mokobharighi bhamarayika bha Ryobha bharatiira na ghwika ighoro yaane eni uno neenyi Omoona o Mooto.”

Mataayo 12:40

Kinya bhuure Yoona ꞉ikeere chaasiko ishato mo‑nda e su ankoro obhotiko no omwishe, hangʼu hangʼu na neeni uno neenyi Omoona o Mooto neghwikara chaasiko ishato mo‑mbeehera obhotiko no omwishe.

Mataayo 16:27

Eni uno neenyi Omoona o Mooto nekuucha haghirohamu na bhamarayika bhaane mo‑bhokumi obhokoro bho Taata waane. Niho nekomoreha omooto wowoose kurëngʼaana ne emeremo gheeche.

Mataayo 16:28

Mahëënë ˆnekabhabhoorera, mbaanyi‑ho abhamu bhiimeeriire hano, bhano bhataaghoku bhakeere kondighi eni Omoona o Mooto neraacha mo‑bhutëmi bhoone.”