Mataayo 14:19 - Eriiraghano Eriihë

¹⁹ Niho akahatëka abhaato bhayo kubha, bhiikare haase mo‑manyaaki. Akiimoki emighaate ghiire etaano na chaasu chiire ibhere, aghagharaamereri Mwishaaro, akariitabheri Eryobha. Akamara aghaghesuura emighaate, akabhaha abhaanabheegha bhaache haghirohamu na chaasu, nabho bhakabhahööhi abhaato.

Mataayo 14:19 Referans Kwoze

Ruuka 24:30

Ibheere hano bhiikeere kuraaghëra, Yesu akiimoki omughaate, akawiitabheri, akawosuura, akabhaha.

Amaköri gha Bhatomu 27:35

Hano Bhawuro amariri ghosiikëra ghayo, akiimoki omughaate ambërë yaabho bhoose akabhugha, ˆoghachömi Waryobha, akawosuura aghasëëma kurë.

Maariko 6:41

Yesu akiimoki emighaate etaano na chaasu ibhere, aghagharaamereri Mwishaaro, aghiitabheri Eryobha. Aghaghesuura emighaate ghiire, akabhaha abhaanabheegha bhaache kubha bhabhahööhi abhaato. Akabhaha na chaasu chiire ibhere bhabhahööhi.

1 Abhakorinto 11:24

aghiitabheri Eryobha, akawosuura, akabhaha abhatomu bhaache arabhugha, “Uno niwe omobhere waane, uno okoruusibhu gho ghiri yaanyu. Mubhe moraköra hangʼu, gho kohiita eni!”

Abharuumi 14:6

Omooto uno akorighi kubha orosiko nyarebhe ndoonyi no obhwëra ghokera chaasiko echende, naghuköra hangʼu kubha amuchömëri Omutëmi Yesu. Omooto uno akurë ghyokyose kiire, naghuköra hangʼu kubha amuchömëri Omutëmi Yesu, gho kubha naakurë gho koriitabheri Eryobha. Owonde uno akurë chaanyi echeene, naghuköra hangʼu gho kubha nakwënda ghuchömëri Omutëmi Yesu. Uyo woose nakoriitabheri Eryobha.

Abhakorosaayi 3:17

Gho ghoose ghano moghosiikëra, hamu ghuköra, mukörë kwo riina re Mutëmi Yesu, na komwitabheri Taata Waryobha kohetera ghokooche.

1 Abhakorinto 10:16

Ibheere, eriibhagha re kiinyakurë ke Mutëmi, hano tokonywera eghisënchö gho ghiri e koriitabheri Eryobha, totahaabha torasanga haghirohamu mo‑masaahë gha Kirisito? Wiiki, eriibhagha toghosuura omughaate na kurë, totahaabha torasanga haghirohamu omobhere o Kirisito?

Ruuka 9:14

Mbe, mo‑bhaato bhano ꞉bhaare hayo, abhasubhe mbaare ebheku bhitaano (5,000). Yesu akabhabhoorera bhaghëndi bhaache akabhugha, “Mobhabhoorere abhaato bhiikare haase amakinda amakinda, amakinda ghoose ghabhe gha abhaato miröngö etaano etaano.”

Maariko 7:34

Aghagharaamereri Mwishaaro, aghiiki omwika, akamobhoorera akabhugha, “Ebhata,” egheteemoro keeche, “Ighoka.”

1 Abhakorinto 10:31

Mbe, ibheere, ghyokyose kino moghuköra, ibhe n‑kurë, hamu kunyo, hande koru ghuköra egheghiro ghyokyose, mukörë gho ghiri e koreghongi Eryobha.

Yohana 6:23

Abhaato abhande bhakaacha na amaato aghande koru mo‑moghya o Tibheeriya, bhakahika hano erikinda re bhaato ꞉bhaare bhariire emighaate, hano Omutëmi Yesu aritabhiiri Eryobha.]

Maariko 6:39

Yesu akabhabhoorera akabhugha, “Mobhabhoorere abhaato bhiikare haase mo‑manyaaki amakinda amakinda.”

Yohana 11:41

Mbe, bhakareruusi eriibhohe riyo. Yesu aghagharaamereri Mwishaaro, aghasabha Eryobha akabhugha, “Oo Taata, neghoghwitabheri gho kubha nooghwire amasabhi ghaane.

Ruuka 22:19

Yesu akiimoki omughaate, aghiitabheri Eryobha, akawosuura, akabhaha abhatomu bhaache, arabhugha, [“Uno niwe omobhere waane, uno okoruusibhu gho ghiri yaanyu. Mubhe moraköra hangʼu, gho kohiita eni!”

Ruuka 9:16

Yesu akiimoki chaasu chiyo ibhere, ne emighaate ghiyo etaano. Aghagharaamereri Mwishaaro, akabhugha, “ˆOghachömi Waryobha.” Niho aghaghesuura, akabhaha bhaghëndi bhaache, bhabhahë abhaato.

Mataayo 14:18

Yesu akabhabhoorera akabhugha, “Mundëëtërë hano.”

Ruuka 22:17

Yesu akiimoki eghisënchö ke divaayi, aghaghiitabheri, akabhaha, akabhugha, “Mwimoki moghuserane!