Mataayo 13:8 - Eriiraghano Eriihë

⁸ Chambusuro echende cheghaghwera mwiröbhë ichömu. Hano chekoriri, echimu chekabhyara amakorobhese eriighana rimu, ne echende miröngö esaasabhe ne echende miröngö etato.

Mataayo 13:8 Referans Kwoze

Ruuka 8:15

“Chambusuru chino ꞉cheeghweriire mo‑riiröbhë ichömu, nchekwërëki abhaato bhano bhakooghu angʼana e Ryobha. Hano bhakumara kooghu, bhayighöötërëra mo‑metema gheebho kwo bhughöröröku. Wiiki bhëëngëra ghoghiihëëbha, bhayo mbahaaghumereri mbagha bharuusi amakorobhese amachömu.

Mataayo 13:23

Amare chambusuro chiire ꞉cheeghwire mwiröbhë ichömu, nchetuubhiine no omooto uno akooghu angʼana e Ryobha na koyimënya. Omooto uyo naghusönga amakorobhese eriighana rimu, owonde miröngö esaasabhe na owonde miröngö etato.”

Yohana 15:8

Abhaanabheegha bhaane bha hëënë mbahaasönga amakorobhese maaru. Gho ghiri iyo abhaato mbakumënya kinya Taata anyi mokoro.

Abhabhiribhi 1:11

Eriimanya reenyu ndeghwichora amangʼana gha hëënë ghano ghakubhönëka gho nchëra e Yesu Kirisito. Ghayo ghoose gharekumi na koreghongi Eryobha.

Abharuumi 7:18

Nyeeche kubha, moose yaane, niko kobhugha, mo‑simoka yaane e masari, ghetaanyi‑mu egheghiro ghichömu ghyokyose. Nekwënda ghuköra amachömu, amare ntighöötë obhotoro bho ghoghaköra.

Mataayo 13:7

Chambusuro echende cheghaghwera mo‑maho. Hano amaho ghayo ghakoriri, ghaghachibhandereri chambusuro chiire.

Maariko 4:8

Amare, echende cheeghagho mwiröbhë ichömu, chekamëra, cheghakora na kobhyara. Imu ekabhyara miröngö etato, na ayende miröngö esaasabhe, na ayende eriighana rimu!”

Maariko 4:20

Na abhande mbatuubhiine ne eriiröbhë ichömu. Bhano mbakooghu angʼana e Ryobha na koyesongʼaana na ghusönga, imu miröngö etato, ayende miröngö esaasabhe na ayende eriighana rimu.”

Ruuka 8:8

“Echende, cheghaghwera mwiröbhë ichömu. Chekamëra, chekabhyara imu riighana.” Hano amariri kobhugha ghayo, aghatiiri eriiraka arabhugha, “Omooto wowoose uno anyi na amatu gha kooghu, no oghu.”