Mataayo 13:52 - Eriiraghano Eriihë

⁵² Iwe akabhabhoorera akabhugha, “Omweghi wowooseo meghiro ghe Musa uno akubha omoonamwegha mo‑bhutëmi bho Mwishaaro, natuubhiine no omwene anyumba uno aharuusi mo‑bheghiro bheeche, ebheghiro ebhihë na bhe kare.”

Mataayo 13:52 Referans Kwoze

Tiito 1:9

Abhe araghööta bhoheene angʼana e bhuhëënë ighoro e Yesu Kirisito, kinya eghuru. Hayo niho aghotora ghuköngʼi abhaato mo‑meeghi gha bhuhëënë, na ghokinda bhano bhakwanga ameeghi ghayo.

Mataayo 12:35

Omooto omuhëënë naharuusi amachömu koru mo‑machömu ghano ghiichwire mo‑motema waache, amare omooto omobhe naharuusi amabhe koru mo‑mabhe ghano ghiichwire mo‑motema waache.

Ruuka 11:49

“Nikyo ꞉ghiighëriri Eryobha rekabhugha hangʼu kwo mangʼiini ghaache, ‘Nekobhatomera abharööti na abhatomu. Amare, abhamu mokobhiita, na abhande mokobhanyaaki.’

Mataayo 23:34

“Gho ghiri iyo, mööhi, ˆnekabhatoma ghokoonyu abharööti bha Ryobha, na abhaato bhano bhaanyi bha mangʼiini gha Ngʼana e Ryobha na abheeghi bha meghiro kubha inyu mwigharure koru mo‑masari ghaanyu. Amare abhamu inyu mokobhiita na kobhamamba mo‑musarabha, abhande mokobhatëma ne emicharicho mo‑masinaghooghi ghaanyu. Na abhande mokobhasëëta mo‑meghya ghyose na kobhanyaaki.

Abhakorosaayi 3:16

Angʼana e Kirisito yiikare kwo bhwaru moose yaanyu. Mwegherani, na ghutöngërana mo‑mangʼiini ghoose. Moryembere Eryobha gho Sabhuri, na kwo myembo, na gho chatensi che mo‑metema. Hano mookubha moraryembera, mubhe morariitabheri mo‑metema gheenyu.

Abhakorosaayi 1:7

꞉Mweeghiri Angʼana Anchömu iyo koru o‑Ebhaabhura. Iwe naghuköra emeremo kinya omutamishi mughëndi wiito omosiighani, no omuhëënë o Kirisito gho ghiri yaanyu.

Abhaebheeso 3:8

Eni m‑mosuuhu neenyi ghokera abhatööbhiyu bhoose bha Ryobha, amare Eryobha ndinsakiiri aghareeya kubha nebharaghaneri abhaato bha matöngö obhwame bho rubhango ro Kirisito runo rotaanyi ne ekirëngërë.

Yohana 13:34

Ibheere nekobhaha omoghiro omuhë, ‘Mosiighane. Kinya bhuno eni nebhasiighiri inyu, hangʼu hangʼu na niinyu mosiighane.’

Abhaebheeso 3:4

Gho ghayo, moraghasöma amangʼana ghayo, moghotora kumënya bhuno nimënyiri amangʼana ghano ꞉ghaare ghabhisuru ighoro e Kirisito.

2 Abhakorinto 6:10

Wiiki ntokorighibhu kinya ntwitumatiri, amare eriibhagha ryose ntoghuchömëru. Ntokorighibhu kubha m‑bhahabhe toonyi, amare abhaaru ntobhaamihiri. Ntokorighibhu kubha totaanyi na ghyokyose, amare ntoonyi ne ebheghiro bhyose.

1 Timotewo 3:6

Wiiki, atabha omooto uno atooriibhu ghano matiko, ataacha kwihacha. Kwihacha kuyo ngokomuköra ateneru ekiina kinya Erishambu ꞉reeteniiru ekiina.

Mataayo 13:51

Yesu akabhabhoori abhaanabheegha bhaache akabhugha, “Moghamënyiri ghoose ghayo nebhabhooriire?” Ibho bhaghagharokeri bhakabhugha, “Ntoghamënyiri.”

Mataayo 13:53

Hano Yesu amariri ghosiikëra ebhetuubhaani bhiyo, aghatanura hayo.

Mataayo 28:19

Mbe, mughëndë kwo bhaato bha matöngö ghoose na kobhaköra kubha abhaanabheegha bhaane. Mobhakörë bhabhe abhaanabheegha bhaane gho kobhabhatiisa, kwo riina re Taata, na re Moona na re Akörö Ahörëëru.