Mataayo 13:46 - Eriiraghano Eriihë

⁴⁶ Hano abhwine eghikörë kimu ke riighori ikoro, aghaye aghaghori ebheghiro bhyose bhino are nabhyo, akaacha aghagheghora.

Mataayo 13:46 Referans Kwoze

Abhaebheeso 3:8

Eni m‑mosuuhu neenyi ghokera abhatööbhiyu bhoose bha Ryobha, amare Eryobha ndinsakiiri aghareeya kubha nebharaghaneri abhaato bha matöngö obhwame bho rubhango ro Kirisito runo rotaanyi ne ekirëngërë.

Abhakorosaayi 2:3

Moose yaache neebhisuru agharinga yoose e mangʼiini no obhumënyi.

Amaköri gha Bhatomu 20:24

Koru neraku, taanyi gheghiro ghokoone. Kino nekwënda nehikeerani omoremo uno Omutëmi Yesu aheere nikörë. Omoremo uyo, n‑kuraghaneri abhaato Angʼana Anchömu e ghareeya e Ryobha.

Mataayo 13:44

“Obhutëmi bho Mwishaaro mbotuubhiine na agharinga ino ebhisuru a‑moghondo. Hano omooto umu ayebhwine, akiimoki, akayebhisa wiiki. Mbe, aghachömëru chwee, aghaye aghaghori ebheghiro bhyose bhino are nabhyo, aghaghora omoghondo uyo.

Obhohunyurëru 21:21

Ebhehita bhiyo ikomi na bhibhere bhyose mbeere bhiköruru kwo ruuru. Kira kehita nkeere ghiköruru kwo ruuru imu hangʼu! Anchëra ankoro e moghya uyo neere iköruru gho sahaabhu ino yeghuru, ino ere erabharibhari ghe kiröri.

Abhagharatiya 6:14

Amare eni nteekwënda kubha ne egheghiro ghe kwihachera, nanyinga oroko ro Mutëmi wiito Yesu Kirisito mo‑musarabha. Kurëngʼaana na oroko rooche, amangʼana ghoose gha se ino ghataanyi no obhwëra bhobhoose ighoro yaane. Eriimanya reene re kare, ꞉ndiimamburu nawe mo‑musarabha.

Mataayo 13:45

“Wiiki, obhutëmi bho Mwishaaro mbotuubhiine no omosorocha umu uno aghiire ghutabhara eghikörë ke riighori ikoro.

Mataayo 13:47

“Wiiki, obhutëmi bho Mwishaaro mbotuubhiine no orwërö runo abhaweesani ꞉bhaarëkiire mo‑nyancha. Hano bharurëkiire, orwërö ruyo roghaghööti chaasu che manga maaru.

Obhohunyurëru 18:12

Taanyi‑ho omooto wiiki o ghoghora ebheghiro bheebho bhe sahaabhu, na chambiiri, na ruuru koru amabhohe gha riighori. Taanyi‑ho omooto o ghoghora eghitani ghichömu, na changibho inchömu che sambaraawe, na che hariri na chambararatu. Wiiki taanyi‑ho omooto o ghoghora ebheghiro bhe mete ghe bheneeso, koru ebheghiro bhino bhiköruru na amiino gha chanchoghu, na bhe chambaawe che riighori, koru bhe shabha, ne ekyoma hamu marumaru.