Mataayo 13:44 - Eriiraghano Eriihë

⁴⁴ “Obhutëmi bho Mwishaaro mbotuubhiine na agharinga ino ebhisuru a‑moghondo. Hano omooto umu ayebhwine, akiimoki, akayebhisa wiiki. Mbe, aghachömëru chwee, aghaye aghaghori ebheghiro bhyose bhino are nabhyo, aghaghora omoghondo uyo.

Mataayo 13:44 Referans Kwoze

Abhakorosaayi 2:3

Moose yaache neebhisuru agharinga yoose e mangʼiini no obhumënyi.

Ruuka 14:33

“Hangʼu hangʼu, taanyi‑ho koru umu ghokoonyu uno aghotora kubha omughëndi waane, aribha ataamara atigha bhyose bhino anyi nabhyo.

Mataayo 6:21

Ahaghiro hano moghotoora agharinga yaanyu, niho ne emetema gheenyu gheekubha.

Mataayo 19:29

Mbe, omooto wowoose uno atighiri anyumba hamu bhaömööbhö hamu abhasubhaati hamu ishe hamu nyina hamu abhaana bhaache hamu emeghondo gho ghiri yaane, naghosongʼaana bhyose kwo bhwaru chwee. Wiiki nakubhöna obhuhöru bho miishe ghyose.

Obhohunyurëru 3:18

Gho ghayo, nekobharwacha moghore koru ghokoone asahaabhu ino yeghuru no omororo kubha mubhe abhaame. Moghore angibho ayeero, mobhise ekingʼaabhi keenyu kubha motarighi chaasoni. Wiiki moghore omote o kuhaka mo‑miisho kubha motore korighi.

Mataayo 19:27

Bheetero akamobhoorera akabhugha, “Mööhi, itu ntotighiri bhyose, toghaghutambana! Mbe, neke tokubhöna?”

Mataayo 19:21

Yesu akamobhoorera akabhugha, “Aribha okwënda kubha omuhëënë, nooghi oghori ebheghiro bhyose bhino onyi nabhyo, chambiiri chiyo okubhöna, obhahë abhahabhe. Gho ghuköra hangʼu, niho okubha na agharinga Mwishaaro. Oramara uche, untambane.”

Abharuumi 15:4

Ghoose ghano ꞉ghaandëkuru kare mo‑Mandëkö Amatööbhiyu, ꞉ngaandëkuru gho ghiri e ghotweghi itu. Amandëkö ghayo ngaghotusakeri ghoghumereri mo‑nyaako yiito na ghotughambisani, kubha tubhe na amiitëngʼërö.

Mataayo 13:24

Yesu akabhabhoorera eghetuubhaani ekende akabhugha, “Obhutëmi bho Mwishaaro mbotuubhiine no omooto uno ꞉emiri ambusuro inchömu a‑moghondo.

Abheebhuraaniya 10:34

Wiiki moore morabharigheri changori abhaghëndi bhaanyu bhano ꞉bhaare bhabhöhuru mwighërëcha. Wiiki hano ꞉bhaare bharabhahöka obhwame bhoonyu, moore morachömëru mo‑metema gheenyu gho kubha moore mweche kubha moonyi ne ebheghiro bhyaru bhichömu chwee bhino bhetaaghosira naabha.

Yohana 6:35

Yesu akabhagharokeri akabhugha, “Eni neeni ekiinyakurë kino ghekobhaha abhaato obhuhöru. Omooto wowoose uno akuucha ghokoone, taakooghu anchëra inkongʼorimu, wiiki uno aghonkumi taakooghu anyööta naabha.

Abhakorosaayi 3:16

Angʼana e Kirisito yiikare kwo bhwaru moose yaanyu. Mwegherani, na ghutöngërana mo‑mangʼiini ghoose. Moryembere Eryobha gho Sabhuri, na kwo myembo, na gho chatensi che mo‑metema. Hano mookubha moraryembera, mubhe morariitabheri mo‑metema gheenyu.

Mataayo 13:46

Hano abhwine eghikörë kimu ke riighori ikoro, aghaye aghaghori ebheghiro bhyose bhino are nabhyo, akaacha aghagheghora.

Mataayo 13:47

“Wiiki, obhutëmi bho Mwishaaro mbotuubhiine no orwërö runo abhaweesani ꞉bhaarëkiire mo‑nyancha. Hano bharurëkiire, orwërö ruyo roghaghööti chaasu che manga maaru.