Mataayo 13:25 - Eriiraghano Eriihë

²⁵ Amare hano abhaato bhoose bhamisiri, omobhisa waache aghaye akeemi eghetoki mo‑changano, akamara aghatanura.

Mataayo 13:25 Referans Kwoze

1 Bheetero 5:8

Mwikabhaahe, wiiki mubhe miisho eriibhagha ryose, gho kubha omobhisa waanyu, Erishambu, ndehaghëndaghënda kinya aka ino eghwitima eratabhara omooto emure.

2 Bheetero 2:1

Amare mo‑riibhagha re bharööti, ꞉mbaarweriire abharööti bha bhuröngö ghate e Abhiisiraeri, kinya bhuno abheeghi bha bhuröngö bhaakubha ghate yaanyu. Abhaato bhayo mbaghusöhi kwo bhobhe ameeghi gha korumeeri abhaato, na mbakomwanga Omutëmi Yesu, uno abhatingwiri. Gho ghuköra hangʼu mbakwirëëtëra ghosireekerera koobho abheene kwo bhwango.

Mataayo 13:39

Omobhisa uno ꞉emiri eghetoki natuubhiine ne Erishambu. Omughësö notuubhiine no orosiko ro ghoteneru ekiina ase, na abhaghësi mbatuubhiine na bhamarayika bha Ryobha.

Obhohunyurëru 12:9

Oghuchöka ghokarëkëru mo‑se. Ghuno nigho oghuchöka ghuure gho kare ghuno ghokobherekeru Ibhiriisi hamu Erishambu. Ngokongʼiina abhaato bhoose mo‑se. Mahëënë ngurëkiiru mo‑se haghirohamu na bhamarayika bhaache.

Abheebhuraaniya 12:15

Mubhe amiisho kubha ataacha kubha‑ho omooto wowoose uno aghokindu kubhöna aghareeya e Ryobha. Wiiki eriitina re bhosongo retasebhoka rebhanyaaki, reghonchi chaakörö che bhaato bhaaru.

Mataayo 25:5

Hano omokwiri akechiire kuucha, abhaakë bhayo bhoose bhaghasundaghera bhakamisi chandöörö.

Abhagharatiya 2:4

Angʼana iyo e ghusaaru ꞉neebhooruru na abhaato bhano ꞉bhiiköri kubha m‑bhaghëndi bhiito, amare ꞉mbiisöhiri kwo bhongʼiiningʼiini ghwisuncha obhohuuru bhwito bhuno toonyi nabho gho ghughöötana na Kirisito Yesu. Ekebhune keebho nkeere ghotuköra tubhe abhasësë bha meghiro ghe Musa.

Obhohunyurëru 2:20

Amare neenyi na angʼana imu ino ekunyaaki ighoro yaanyu. Inyu motaaghoghanga amangʼana gha mukari wuure Yesebheeri. Iwe nakwibherekera kubha m‑murööti, amare tiyaanyi. Mokomwisherereri angʼiine abhatamishi bhaane gho kobheeghi bhakörë obhutaari, na kurë ebhiinyakurë bhino ꞉bhiihëriinu amaruusi gho sanaamu.

Obhohunyurëru 13:14

Kwo bhyërëkërëri bhino rihaabhuru ghuköra gho ghiri e ghotyenyi ghuure o ghumbërë, ghokabhangʼiina bhano bhataare bharakumi mo‑se. Ghokabhabhoorera abhaato bhabhaache asanaamu e ghosooka oghotyenyi ghuure o ghumbërë ghuno ghunyahaaruru ne ekinyamiino, amare ghökëëndërëra kubha ghuhöru.

Mataayo 13:24

Yesu akabhabhoorera eghetuubhaani ekende akabhugha, “Obhutëmi bho Mwishaaro mbotuubhiine no omooto uno ꞉emiri ambusuro inchömu a‑moghondo.

Mataayo 13:26

Hano changano chiyo chimëriri na ghusëëma kobhyara, eghetoki kiire kyose gheghasëëma kobhyara.

Mataayo 13:27

“Abhatamishi bha mwene omoghondo bhakamutambana, bhakamobhoori bhakabhugha, ‘Oo omutëmi, ntweche kubha ꞉weemiri chambusuro inchömu a‑moghondo, kana eghetoki kiire, hayi kerweriire?’

Mataayo 13:29

“Nawe akabhugha, ‘Tiyaanyi, motakiiha gho kubha aribha moriiha eghetoki, moghotora kwiha haghirohamu na changano.

Mataayo 13:30

Mobhetighe bhyose bhekore haghirohamu mbagha eriibhagha re ghughësa. Eriibhagha riyo, nekobhabhoorera abhaghësi kubha bhashame bhakome eghetoki na ghoghetoora mo‑matuumu kubha ghyekibhu. Amare changano bhachekome na ghochetindeka mo‑ghitara keene.’”