Mataayo 12:32 - Eriiraghano Eriihë

³² Wiiki Eryobha ndeghotora kobhaabhëra abhaato bhano bhakonyanga eni Omoona o Mooto, amare retaaghotora kobhaabhëra abhaato bhano bhakwanga Akörö Ahörëëru kwo riibhagha rino ri ibheere hamu rino rekuucha.

Mataayo 12:32 Referans Kwoze

Maariko 3:29

Amare, aribha omooto arasiikëra amangʼana amabhe ighoro e Körö Ahörëëru, taakwabhëru naabha. Uyo naakubha na anchagho e masari emiishe ghyose.”

Yohana 7:39

Yesu naare arasiikërëra ighoro e Körö Ahörëëru, ino abhaato bhoose bhano bhakomokumi Yesu, mbakoyesongʼaana. Eriibhagha riyo, Eryobha ndeere rekeere ghotoma Akörö yaache ghokoobho, gho kubha Eryobha ndeere rekeere kwërëki haheero obhokumi obhokoro bho Yesu.

1 Timotewo 1:13

꞉Naaköriri hangʼu, nangabha ekimbërë hayo ꞉neemotokiri, na neere mutarighanu ghokooche, wiiki ꞉neebhanyaakiri abhaato bhaache. Amare, iwe ꞉naandoochiire changori, gho kubha neere neraköra ghayo kwo bhuraghaanu bhoone na gho kwanga kubha no obhokumi.

Tiito 2:12

Aghareeya iyo, neghotweghi kwanga amabhe na amiigha gha mo‑se. Gho ghayo, eriibhagha tokeere mo‑se ino, tubhe ne ekirëngërë, na abhahëënë, na tubhe abhaato bhano bhamanyiri eriimanya rino Eryobha rekwënda.

Abhaebheeso 1:21

Iyo Kirisito naghukangata ighoro e bhakangati bhoose bha bhotoro na changuru. Naghukangata ighoro e manga ghoose gha bhukangati bhuno bhoghutaru hano mo‑se na mo‑se ino ekuucha.

Amaköri gha Bhatomu 3:19

Ibheere, motuukuune amasari ghaanyu, na moriigharurere Eryobha, rebhaabhërë. Ghaache amabhagha gha koweera gho kubha‑ho Omutëmi,

Ruuka 12:10

Wiiki Eryobha ndeghotora kobhaabhëra abhaato bhano bhakonyanga eni Omoona o Mooto, amare retaaghotora kobhaabhëra abhaato bhano bhakwanga Akörö Ahörëëru.

Mataayo 12:31

Gho ghayo, ˆnekabhabhoorera kubha Eryobha ndeghotora kobhaabhëra abhaato amasari ghaabho ghoose na ghuchëëra koobho, amare retaaghotora kobhaabhëra abhaato bhano bhaghuchëëra Akörö Ahörëëru.

1 Timotewo 1:15

Angʼana e hëënë ino ekwëndëru abhaato bhayiishereri n‑kubha, “Kirisito Yesu ꞉niichiri mo‑se, kubha atoori abhaato bha masari.” Ghate e bhaato bha masari, eni niköriri amasari ghokera bhoose.

Yohana 7:12

Abhaato bhaaru koru mo‑rikinda riire, bhaakabha bharahakaana ighoro e Yesu. Abhande bhakabhugha kubha n‑omooto omuhöriicho, amare abhande bhakabhugha kubha tiyaanyi, nakobhangʼiina abhaato.

Ruuka 23:34

Yesu akabhugha, “Oo Taata! Obhaabhërë, gho kubha bhateeche kino bhaghuköra.” Bhakamara, abhaashirikare bhayo bhakahööha amaghööti gha Yesu gho ghoghatëmëra akuura.

Maariko 10:30

Eryobha ndekomuha bhyaru chwee ghokera bhiyo. Mo‑se ino yi ibheere naghosongʼaana anyumba, bhaömööbhö bha ghesubhe, na bha ghikari, na nyina, na abhaana ne emeghondo. Haghirohamu na ghayo, mokunyaakibhu na abhaato. Mo‑se ino ekuucha, naghosongʼaana obhuhöru bho miishe ghyose.

Yohana 7:52

Ibho bhakamugharokeri Nikoteemu bhakabhugha, “Kana, na niiye noruure Ghariraaya? Nooghi wisunche wiiki bhoheene Amandëkö Amatööbhiyu, mbe, na niiye nokumënya kubha taanyi‑ho omurööti uno aghotora koru Ghariraaya.”

Ruuka 7:34

Eni Omoona o Mooto ˆnekaacha, eni, neekurë ebhiinyakurë na kunyo adivaayi. Gho ghayo, inyu mokobhugha, ‘Mumööhi! Uno mohobhaaru, wiiki murëëbhi, n‑omusaani o bhatöbhi bha righööti, na bha masari!’

Mataayo 11:19

Eriibhagha rino eni Omoona o Mooto ꞉niichiri, neraraaghëra ebhiinyakurë bhino tunariri na kunyo adivaayi, abhaato bhakabhugha, ‘Mööhi! Uno mohobhaaru wiiki murëëbhi, n‑omusaani o bhatöbhi bha righööti na bha masari!’ Amare amangʼiini gha Ryobha ngahaarighibhu kubha n‑gha hëënë gho nchëra e maköri ghaache.”

Mataayo 13:55

Kana, uno taanyi omoona o murandi o chambaawe? Kana, eriina re nyina waache taanyi Mariyamu? Kana, bhaömööbhö taanyi bha Yakobho, na Yusubhu, na Simiyooni na Yuuta?

Mataayo 8:20

Yesu akamugharokeri akabhugha, “Chaambwe ncheenyi na chakoobho ne ebhinyönyi mbeenyi ne ebhenyumba. Amare eni uno neenyi Omoona o Mooto nteenyi koru na ha ghotoora omutu!”

Mataayo 12:8

gho kubha eni Omoona o Mooto, eni neeni Omutëmi o rosiko ro Riikane.”

Mataayo 13:22

Chambusuro chino ꞉cheeghweriire mo‑maho, nchetuubhiine no omooto uno akooghu angʼana e bhutëmi bho Ryobha, amare naghwituuri chwee ighoro e mangʼana gha riimanya rino no obhwighombi bho bhwame. Ghayo ngahabhandereri angʼana, nayo ekindu ghuköra emeremo.

Mataayo 13:39

Omobhisa uno ꞉emiri eghetoki natuubhiine ne Erishambu. Omughësö notuubhiine no orosiko ro ghoteneru ekiina ase, na abhaghësi mbatuubhiine na bhamarayika bha Ryobha.

Mataayo 13:40

Kinya bhuure abhatamishi bha a‑moghondo bhakwiha na ghweki eghetoki mo‑mororo, nibhu ekubha mo‑rosiko ro ghotenera ekiina ase.

Maariko 3:28

“Mahëënë ˆnekabhabhoorera kubha, abhaato mbakwabhëru amasari ghaabho ghoose na ghuchëëra koobho.

Ruuka 16:8

“Achekumara, omwame akamoghongi omwimeereri uyo ataanyi omuhëënë kwo bhongʼiini bhooche. ˆNekabhabhoorera ghayo gho kubha, abhaato bha ase ino mbaanyi no obhongʼiini chwee, gho kobhihökëri ebheghiro bheebho abheene kwo bheene, ghokera abhaato bha bhwero.

Ruuka 18:30

hëënë nakuhaabhu bhyaru ghokera bhino atighiri hano mo‑se. Wiiki, mo‑se ino ekuucha, nakubhöna obhuhöru bho miishe ghyose.”

1 Timotewo 4:8

Nimënyuru kubha, “Kowuhöki omobhere ubhönë changuru nkoonyi no obhwëra bhosuuhu hangʼu. Amare, ghuköra ghano ghakwëndëru ambërë e Ryobha, nkoonyi no obhwëra mo‑ghoose, gho kubha ngoghotuha obhuhöru bho miishe ghyose bhuno Eryobha returaghiire, bhwi ibheere na bhuno bhokuucha.”

1 Timotewo 6:17

Obhabhoorere abhaame bha mo‑se ino bhatighe kwihacha na ghwitëngʼëra obhwame bhoobho. Obhwame bhuyo m‑bho riibhagha ighuhe hangʼu. Amare, bhariitëngʼërë Eryobha rino reghotuha ebheghiro bhyose gho ghusambaaruka kooche, kubha tobhihökëri gho ghuchömëru.

2 Timotewo 4:10

gho kubha Tema nantighiri. Iwe nasiighiri amangʼana gha se ino, naghiire mo‑moghya o Tesaronike. Kiresike iwe naghiire korihökëri Eryobha mo‑mukööwa o Gharatiya, na Tiito woose naghiire mo‑mukööwa o Tarimatiya.

Yakobho 1:27

Amaköri ghano ghakomotegheri Waryobha Taata wiito na ghano ghataanyi ni isörö, nigho ghano, kobhatoori abhaana abhahabhe na abhasino kurëngʼaana na chanyaako cheebho, na gho ghwisacha amasari gha mo‑se ino.