Mataayo 12:25 - Eriiraghano Eriihë

²⁵ Yesu ꞉naamënyiri ghano ꞉bhaare bhariihëëbha, akabhabhoorera akabhugha, “Aribha abhaato bha bhutëmi bhumu bharataana, obhutëmi bhuyo mboghughö. Wiiki, aribha abhaato bha moghya umu hamu anyumba imu bharaanga koghwana, mbaghusancha.

Mataayo 12:25 Referans Kwoze

Abhagharatiya 5:15

Amare aribha mokoromana na kwiyire kinya chatyenyi, mwikabhaahe kubha motaacha ghwisireekereri.

1 Abhakorinto 2:11

Taanyi‑ho omooto uno aghotora kumënya ghano omooto owonde akwihëëbha, nanyinga akörö yaache ayeene chiri niyo eghotora kumënya. Hangʼu hangʼu na ghano Eryobha rekwihëëbha, taanyi‑ho uno aghotora ghoghamënya, nanyinga Akörö e Ryobha ayeene niyo egheeche.

Mataayo 9:4

Amare Yesu naare eche ghoose ghano ꞉bhaare bhariihëëbha, akabhabhoori akabhugha, “Ngwake kana moghwituuri amabhe mo‑metema gheenyu?

Obhohunyurëru 16:19

Niho omoghya omokoro o Bhabheeri oghataana ebheteneka bhitato ne emeghya emekoro ghe matöngö gheghasarëka ghyose. Naryo Eryobha reteebhuru omoghya wuure omokoro o Bhabheeri. Rekawuhaamereri onyo koru mo‑ghisënchö ke divaayi e ghukarara kwo bhororo bhooche.

Abheebhuraaniya 4:13

Wiiki ghetaanyi‑ho eghetyenyi ghyokyose kino kiibhisiri ambërë e Ryobha. Ebheghiro bhyose mbeenyi haheero ambërë yaache, iwe niwe tokomobhoorera emeremo ghiito ghyose ghino toore toraköra.

Maariko 2:8

Hayo hayo Yesu akamënya amiihëëbhö gha mo‑metema gheebho, akabhabhoorera kubha, “Ngwake mokwihëëbha hangʼu mo‑metema gheenyu?

Obhohunyurëru 2:23

Wiiki, mahëënë nekobhiita kimu abhaghëndi bhaache. Niho abhaato bha makanisa ghoose bhakumënya kubha eni nekumööhërëri akörö na amiihëëbhö gha mooto woose. Wiiki nekoreha omooto woose ghate yaanyu kurëngʼaana na amaköri ghaache.

Yohana 21:17

Akamobhoori mara e ghatato akabhugha, “Simiyooni, omoona o Yohana, kana nonsiighiri?” Mbe, Bheetero akabha na amacheeche gho kubha ꞉naamobhooriri mara e ghatato kubha, “Kana, nonsiighiri?” Akamugharokeri akabhugha, “Oo Omutëmi, nogheeche ghoose. Weeche kubha neghosiighiri.” Yesu akamobhoorera akabhugha, “Oriishi changʼöndu cheene.