Mataayo 11:5 - Eriiraghano Eriihë

⁵ Kubha, abhahuku ˆbhakarighi, na abhabhëëru ˆbhaghaghënda, na abhabhabharu bha mbiti ˆbhakahöra, na abhakiro bhakooghu, na abhaku ˆbhakaryoka. Wiiki, abhahabhe ˆbhakaraghaneru Angʼana Anchömu e Ryobha.

Mataayo 11:5 Referans Kwoze

Ruuka 4:18

“Akörö e Mutëmi Waryobha, neenyi haghirohamu na neeni. Wiiki, nimariri konyaahura kobhamënyi, abhahabhe Angʼana Anchömu. Nentomiri kwo bhabhöhu, nebhabhoorere kubha mbaghotighooroku. Abhahuku, bhatore korighi wiiki, na bhano bhakunyaakibhu, nebhatoori.

Yakobho 2:5

Abhahiiri bhaane abhasiighani, muntëghëërërë bhoheene! Eryobha ndebhahwire abhaato abhahabhe mo‑se ino kubha bhatore kubha abhaame mo‑bhokumi na ghosongʼaana obhutëmi bhuno rebharaghiire bhaare bharesiighiri.

Mataayo 21:14

Mbe, eriibhagha Yesu anyi mo‑riigho re Mwisëngërö, abhahuku na abhabhëëru bhakaacha ghokooche, iwe akabhahöri.

Yohana 10:38

Amare aribha neghuköra emeremo ghino Taata aghoghiköra, koru nangabha motaaghonkumi eni, moghekumi emeremo ghiyo. Gho nchëra iyo, niho mokumënya kubha Taata naanyi moose yaane, na neeni neenyi moose yaache.”

Yohana 10:25

Amare Yesu akabhagharokeri akabhugha, “Eni nimariri kobhabhoorera, amare inyu mokwanga ghonkumi. Ebhiraghe bhino neghuköra gho changuru che Taata, nibhyo bheghungambëra kubha eni n‑niwe.

Yohana 5:36

Amare eni neenyi no obhwibhateri bhokoro chwee ghokera bhuure bho Yohana. Gho ghayo, emeremo ghino Taata aheere ghuköra nighyo ghino gheghungambëra kubha Waryobha Taata niwe antomiri.

Yohana 3:2

Orosiko rumu obhotiko, aghaye o‑Yesu akamobhoorera akabhugha, “Oo Omweghi, ntweche kubha iye n‑Omweghi uno otomuru ne Eryobha, gho kubha taanyi‑ho omooto uno aghotora ghuköra ebhyërëkërëri bhino oghuköra, aribha Eryobha retaanyi haghirohamu nawe.”

Yohana 2:23

Hano Yesu are Yerusareemu mo‑nyangi e Bhaasaka, abhaato bhaaru bhaghasëëma komokumi, gho kubha ꞉mbaarooche ebhyërëkërëri bhino are araköra.

Maariko 9:25

Hano Yesu arooche kubha erikinda re bhaato ndekwëndërëra kwiyëngëra gho changuru, akawohiinya omusambu uyo, akabhugha, “Iye omusambu! Nokomuköra omoona uno abha erimuumu no omokiro. Ibheere ˆneghakuhatëka, nooru kwo mooto uno, no otasaki komusöhërëra konde.”

Maariko 7:37

Bhakahagha chwee, bhakabhugha, “Ghoose ghano aköriri m‑machömu. ˆAghaghëri abhakiro bhakooghu, na amamuumu ˆghaghasiikëra!”

Mataayo 10:8

Muhöri abhabhabharu, moryoki abhaku, mwëri bhano bhaanyi na ambiti na kuhëëbha emisambu. Mbe, gho kubha Eryobha ndebhaheere bhoowa, na niinyu moruusi bhoowa.

Mataayo 9:30

Hayo hayo, amiisho ghaabho ghakarighi. Yesu akabhashaangʼi gho changuru akabhugha, “Motabhoorera omooto wowoose angʼana ino!”

Mataayo 5:3

“Ngʼoni bhano bhaanyi abhahabhe mo‑chaakörö, gho kubha obhutëmi bho Mwishaaro m‑bhobhoobho.

Amaköri gha Bhatomu 2:22

Bheetero akëëndërëra kobhugha, “Inyu abhaato bha Isiraeri, muntëghëërërë bhoheene! Eryobha eryene ndëbhëërëkiri obhokoro bho Yesu o Nasareeti ghokoonyu, gho nchëra e bhiraghe, ne ebheroghooro, ne ebhyërëkërëri bhe manga maaru bhino Eryobha ꞉reemoheere ghuköra ghate yaanyu. Ghayo, inyu mogheeche bhoheene.

Mataayo 11:4

Yesu akabhagharokeri akabhugha, “Mughëndë momobhoorere Yohana ghoose ghano morooche na ghoghooghu.

Mataayo 12:13

Akamara Yesu akamobhoorera omooto uyo are akuure okubhökö akabhugha, “Ghöröröki okubhökö koocho.” Aghaghughöröröki, hayo hayo ghokahöra na kubha kinya kuure okonde.

Yohana 9:7

Niho akamobhoorera akabhugha, “Nooghi wishaabhe obhosho mwishima re Sirowamu.” Sirowamu egheteemoro keeche, “N‑uno atomuru.” Mbe, omohuku uyo aghaye, aghishaabha obhosho, akahöra, aghagharuka awaache ararighi.