Mataayo 11:21 - Eriiraghano Eriihë

²¹ “Horeera mokorighi inyu abhaato bha moghya o Korasiini! Horeera mokorighi inyu abhaato bha moghya o Bhetisaayita! Gho kubha ebheroghooro bhino ꞉niiköriri ghokoonyu, aribha nengabhiköriri mo-Tiiro na Sitooni, abhaato bha meghya ghiyo mbangatuukuuniire amasari ghaabho chaasiko chaaru. Mbangëërëkiri ghotuukuuna koobho gho kobheeka amaghööti gha maghönëra, na kwihaka eriibhu.

Mataayo 11:21 Referans Kwoze

Amaköri gha Bhatomu 12:20

Herote naare abhakarariire chwee abhaato bha meghya ghe Tiiro na Sitooni. Ibheere abhaato bha meghya ghiyo ebhere, bhaghaghöötana haghirohamu bhaghatoma abhaato kwo Herote, kubha bhamusabhe omurëmbë, gho kubha emeghya ghiyo ngeere gherabhöna ebhiinyakurë koru mo‑se yaache. Abhaato bhayo bhaghiishererani na Bhuraasito, uno are omwimeerereri o nyumba e mutëmi Herote.

Yohana 12:21

Abhaato bhayo bhakamusëëta Bhiiribho, omwikari o Bhetisaayita mo‑mukööwa o Ghariraaya, bhakamusabha bhakabhugha, “Omosooku, ntokwënda tomorighi Yesu.”

Ruuka 9:10

Abhatomu bhayo bha Yesu, hano bhagharokiri o‑Yesu, bhakamobhoorera ghoose ghano ꞉bhaaköriri. Akabhiimoki aghaye nabho mo‑moghya uno okobherekeru Bhetisaayita.

Maariko 6:45

Niho Yesu akahatëka abhaanabheegha bhaache bhasöhë mo‑bhwato, bhamukangate ghutëënya anyancha ghuye mo‑moghya o Bhetisaayita, eriibhagha riyo iwe naare araraghana ne erikinda riire re bhaato.

Mataayo 15:21

Yesu aghatanura hayo, aghaye eribhaara re meghya ghe Tiiro na Sitooni.

Yuuta 1:11

Horeera mbakorighi, gho kubha mbatambiine anchëra ambe e Kaayini, gho ghwisöhi mo‑bhuröngö kubha bhabhönë obhwame, kinya bhuno Bharaamu ꞉aköriri. Horeera mbakorighi, gho kubha mbaghosireekerera kurëngʼaana no obhwigharurani bhoobho, kinya bhuno Koora asirekeriire kurëngʼaana no obhwigharurani bhooche.

Yohana 1:44

Bhiiribho naare omooto o moghya o Bhetisaayita, hano Andereya na Bheetero bhoose ꞉bhaare bhamanyiri.

Ruuka 6:17

Yesu aghiika mo‑gheghoro, haghirohamu na abhaanabheegha bhaache. Hano ahikiri ahaghiro hano haanyi ne ekibhara, akiimeerera‑ho. Ahaghiro hayo, ꞉mbaatiimaaniri abhaghëndi bhaache bhaaru chwee. ꞉Haare‑ho wiiki erikinda ikoro re bhaato abhande ꞉bhaare bharuure mo‑mukööwa woose o Yuteya, koru mo‑moghya o Yerusareemu, na koru mo‑meghya ghe Tiiro na Sitooni ghino gheere haghuhe na anyancha.

Maariko 8:22

Yesu na abhaanabheegha bhaache bhakahika mo‑kyaro ke Bhetisaayita. Abhaato nyarebhe bhakamurëëta omohuku umu. Bhakamusabha Yesu amoturi na komuhöri.

Maariko 7:31

Niho Yesu aghatanura na abhaanabheegha bhaache mo‑se e Tiiro, akaheta ghateghate e Sitooni, aghaye mbagha mo‑se e Tekabhoori, haghuhe na anyancha e Ghariraaya.

Maariko 3:8

na Itumaya, na koru mo‑moghya o Yerusareemu, na amwambuko e rooche ro Yorotaani na mo‑chambaara che emeghya ghe Tiiro na Sitooni. Abhaato bhaaru chwee bhakaacha ghokooche gho kubha mbaare bhooghwire ighoro e bheroghooro bhino are araköra.

Mataayo 18:7

“Horeera mokorighi inyu abhaato bha se ino, gho ghiri e ghuköra amangʼana ghano ghaghughëri abhaato bharaköra amasari! Amasaki ghayo ngakwëndëru ghabhe‑ho, amare horeera nakorighi omooto uno aghogharëëta masaki ghayo!

Mataayo 11:22

Amare, ˆnekabhabhoorera kubha orosiko ro ghoteneru ekiina inyu moghoteneru ekiina kwo bhororo ghokera ghoteneru ekiina abhaato bha meghya ghe Tiiro na Sitooni.

Amaköri gha Bhatomu 27:3

Orosiko ro kabhere, tokahika mo‑moghya o Sitooni. Yuriyo akamukörëra Bhawuro bhoheene gho komwisherereri arighani na abhasaani bhaache, kubha bhamotoori mo‑mënda ghaache.

Ruuka 4:26

Koru hangʼu, Eriya taatomuru kwo mooto wowoose o Isiraeri. Amare aghatomu kwo mosino umu o mo‑moghya o Sareebhuta, mo‑se e Sitooni.

Maariko 7:24

Yesu na abhaanabheegha bhaache bhaghatanura mo‑mukööwa o Ghariraaya, bhaaghaye mo‑se e Tiiro na Sitooni. Iyo aghasöha mo‑nyumba imu, tëëndiri omooto wowoose amënyë kubha hayo anyi. Amare taatoriri kwibhisa.

Mataayo 26:24

Eni Omoona o Mooto neghwitu kinya bhuno yandëkuru mo‑Mandëkö Amatööbhiyu. Amare horeera nakorighi omooto uno akuhaana eni mo‑mabhökö gha bhabhisa. Nengabheere ngʼoni omooto uyo atiibhoru!”

Obhohunyurëru 6:12

Nekamara nekarighi Omoona o Ngʼöndu aranaanura omohuuri o nyaghame o ghasaasabhe. Hano ananwire, ghekarwera ekerighito ghekoro chwee ghe se. Eryobha reghiigharura arange, reekabha riirabhuru tuyi ke makara, no omwëri okabha mubhararatu piri ke masaahë.

Obhohunyurëru 11:3

Eni nekobhatoma abhiibhateri bhaane bhabhere, nekobhaha obhotoro bho koruusi obhurööti chaasiko egheku kimu na amaghana ebhere na miröngö esaasabhe (1,260), mbaakubha bhabheekiri changibho che maghönëra kwërëki amacheeche.” Chaasiko chiyo n‑kinya eriibhagha re myëri miröngö ene ne ebhere.