Mataayo 11:11 - Eriiraghano Eriihë

¹¹ “Mahëënë ˆnekabhabhoorera kubha mo‑bhaato bhoose bhano bhiibhwiru na abhakari, taanyi‑ho uno anyi mokoro ghokera Yohana. Amare, omooto uno akorighibhu m‑mosuuhu mo‑bhutëmi bho Mwishaaro, iwe m‑mokoro komokera.

Mataayo 11:11 Referans Kwoze

Ruuka 7:28

Yesu akabhabhoorera wiiki akabhugha, “Mbe, ˆnekabhabhoorera kubha, ghate e bhaato bhoose bhano ꞉bhiibhwiru na abhakari, taanyi‑ho uno anyi mokoro ghokera Yohana. Amare, omooto uno akorighibhu m‑mosuuhu mo‑bhutëmi bho Ryobha, iwe m‑mokoro komokera.”

Abhaebheeso 3:8

Eni m‑mosuuhu neenyi ghokera abhatööbhiyu bhoose bha Ryobha, amare Eryobha ndinsakiiri aghareeya kubha nebharaghaneri abhaato bha matöngö obhwame bho rubhango ro Kirisito runo rotaanyi ne ekirëngërë.

Yohana 1:15

Yohana ꞉naaghambiri kwo bhaato amangʼana gha mooto uyo, aghatiiri eriiraka arabhugha, “Uno niwe neere nerabhabhoorera nerabhugha, ‘Nakuucha omooto anyuma yaane, omokoro ghonkera eni, gho kubha naare‑ho eriibhagha eni nekeere kwibhoru.’ ”

Mataayo 5:19

Wowoose uno aghusari koru omoghiro umu mosuuhu ghokera ghyose na kobheeghi abhande bhakörë hangʼu, uyo naakubha mosuuhu kimu mo‑bhutëmi bho Mwishaaro. Amare wowoose uno aghoghitambana na kobheeghi abhande kubha nabho bhakörë hangʼu, uyo naakubha omokoro mo‑bhutëmi bho Mwishaaro.

Mataayo 3:11

“Eni nekobhabhatiisa kwo manche kwërëki kubha motuukuuniri amasari ghaanyu. Amare uno akuucha anyuma yaane, iwe nakobhabhatiisa gho Körö Ahörëëru na kwo mororo. Omooto uyo naanyi na changuru ghonkera, koru nteekurëngʼaanera ghughëgha ebhekwera bheeche.

Ruuka 9:48

akabhabhoorera akabhugha, “Omooto wowoose uno akomughënëhi omooto o haase kinya omoona uno kwo riina reene, naakubha angënëhiri eni woose. Wiiki omooto uno aghungënëhi, namughënëhiri uno antomiri. Ibheere, omooto uno anyi omosuuhu ghate yaanyu bhoose, uyo niwe omokoro ghokera bhoose.”

1 Bheetero 1:10

Abharööti bha kare ꞉mbiiköngʼiri ghwisuncha obhotoori bhuyo, nabho ꞉mbaaröötiri ighoro e ghareeya e Ryobha ino ebhahikiire inyu.

Abheebhuraaniya 11:40

Eryobha ꞉ndiiköriri hangʼu gho kubha ndeere retusëëmiire amangʼana amachömu chwee, kubha itu haghirohamu nabho, tohikeeranibhu gho kubhöna ghaare ꞉riiraghiri ghotuha.

1 Abhakorinto 15:9

Eni m‑mosuuhu ghokera abhatomu bhoose, nteekurëngʼaanera koru kobherekeru omotomu, gho kubha ꞉neebhanyaakiri abhakumi bha Ryobha.

1 Abhakorinto 6:4

Mbe, hano mokoreghesa ighoro e mangʼana gha riimanya re kira rosiko, ngwake mokohira amasëmö ghaanyu mo‑bhaato bhano koru bhataaghosooku ne eriikanisa?

Yohana 10:41

Abhaato bhaaru bhakamusëëta, bharabhugha, “Yohana taaköriri ekyërëkërëri koru kimu, amare amangʼana ghoose ghano Yohana ꞉asiikiire ighoro e Yesu ngaare gha hëënë.”

Yohana 3:30

Nekwëndëru iwe abhe omokoro, amare eni nibhe omosuuhu.”

Yohana 5:35

Yohana Omubhatisaachi naare kinya oromore runo rohaaka na komoreka mo‑kengʼuuri, na niinyu muchömiiru no obhwero bhuyo kwo riibhagha isuuhu.

Yohana 1:27

Uyo niwe uno akuucha anyuma yaane. Eni nteekurëngʼaanera koru ghusaasura chambasani che bhekwera bheeche.”

Yohana 7:39

Yesu naare arasiikërëra ighoro e Körö Ahörëëru, ino abhaato bhoose bhano bhakomokumi Yesu, mbakoyesongʼaana. Eriibhagha riyo, Eryobha ndeere rekeere ghotoma Akörö yaache ghokoobho, gho kubha Eryobha ndeere rekeere kwërëki haheero obhokumi obhokoro bho Yesu.

Abhaebheeso 2:3

Hayo kare koru itu bhoose ntoore kinya ibho, ntumanyiri gho ghutambana amiigha gha simoka yiito e masari, na ghuköra amangʼana ghano ꞉ghaare gharachömëri omobhere na amiihëëbhö ghiito. ꞉Ntwibhwiru na atëëmö e masari kinya abhaato abhande, gho ghayo, Eryobha ndeere retukarariire na nturëngʼaaniire kuhaabhu anchagho.

2 Timotewo 1:10

Amare ibheere, ndyërëkiri aghareeya yaache ghokwito, gho kuucha gho Kirisito Yesu Omotoori wiito. Iwe nakindiri changuru che roko, na nëërëkiri obhuhöru bho miishe ghyose gho nchëra e Ngʼana Anchömu.

Ruuka 1:15

gho kubha omoona uyo naakubha omokoro ambërë e Mutëmi. Omoona uyo ataacha kunyo amaro ghoghoose ghaare. Korwera mo‑nda e nyina, naakubha ichoriibhu Akörö Ahörëëru.

Mataayo 3:1

Hano ghehetiri emeeka myaru, narweriire omooto umu akobherekeru Yohana Omubhatisaachi mo‑kibhara ke Yuteya. Yohana uyo naare araraghani arabhugha,

Mataayo 11:10

Uno niwe amangʼana ghaache ghaandëkuru mo‑Mandëkö Amatööbhiyu kubha, ‘Mööhi, ˆnekamotoma omutamishi waane aghukangate ambërë yaacho, kubha aghukörërë anchëra.’

Mataayo 11:12

Korwera mo‑chaasiko chino Yohana Omubhatisaachi are araraghani mbagha reero, obhutëmi bho Mwishaaro mbabhusöhëriire gho changuru. Nabho bhano bhaanyi na changuru, mbaghusaki kobhusara gho changuru.