Mataayo 10:7 - Eriiraghano Eriihë

⁷ Wiiki, hano mooghuye iyo, mubhe moraraghani morabhugha, ‘Obhutëmi bho Mwishaaro ˆbhoghatingʼi.’

Mataayo 10:7 Referans Kwoze

Amaköri gha Bhatomu 28:31

Akeeghi abhaato kwo bhosubhesubhe ighoro e bhutëmi bho Ryobha, ni ighoro e Mutëmi Yesu Kirisito, koru bhataamoshaangʼiri.

Mataayo 3:2

“Motuukuune amasari ghaanyu, gho kubha obhutëmi bho Mwishaaro ˆbhoghatingʼi.”

Ruuka 9:60

Amare Yesu akamugharokeri akabhugha, “Iye nutambane! Abhaato bhano bhataakorekumi Eryobha n‑kinya abhaku. Tigha bharyekane abheene kwo bheene. Amare iye, nooghi uraghaneri abhaato angʼana ighoro e bhutëmi bho Ryobha.”

Mataayo 4:17

Korwera eriibhagha riyo, Yesu nasëëmiri kuraghani arabhugha, “Motuukuune amasari ghaanyu, gho kubha obhutëmi bho Mwishaaro ˆbhoghatingʼi.”

Ruuka 16:16

“Emeghiro na Amandëkö gha bharööti, mbeere bhighööturu na abhaato mbagha eriibhagha re Yohana. Korwera eriibhagha riyo, Angʼana Anchömu e bhutëmi bho Ryobha ekabha arasanchibhu, na abhaato bhaaru mbaghwiköngʼi ghusöha.

Ruuka 9:2

Akabhatoma, bhaghëndë kuraghaneri abhaato angʼana e bhutëmi bho Ryobha, na kobhahöri abhabhabharu na koruusi emisambu.

Maariko 6:12

Abhaanabheegha bhaare bhaghatanura, bhaghasëëma kobharaghaneri abhaato kubha bhatuukuune na ghotigha amasari ghaabho.

Amaköri gha Bhatomu 10:25

Hano Bheetero ahikiri, Korineeriyo akamoturungʼanera, akabhuna ebheru ambërë yaache gho sooko.

Amaköri gha Bhatomu 4:2

Abhakoro bhayo mbaare bhakariire chwee, gho kubha Bheetero na Yohana mbaare bhareeghi abhaato bharabhabhoorera kubha, Yesu naryokiri koru mo‑bhaku. Angʼana iyo nekwërëki kubha, abhaku mbakoryoka.

Yohana 3:2

Orosiko rumu obhotiko, aghaye o‑Yesu akamobhoorera akabhugha, “Oo Omweghi, ntweche kubha iye n‑Omweghi uno otomuru ne Eryobha, gho kubha taanyi‑ho omooto uno aghotora ghuköra ebhyërëkërëri bhino oghuköra, aribha Eryobha retaanyi haghirohamu nawe.”

Ruuka 9:6

Niho abhatomu bhayo, bhaaghaye bharahetera mo‑bhyaro. Mbaare bharabharaghaneri abhaato Angʼana Anchömu, na kuhöri abhabhabharu haghirohamu na kuhëëbha emisambu ahaghiro hoose hano bhaghiire.

Mataayo 23:13

“Horeera mokorighi, inyu abheeghi bha meghiro na niinyu Amabharisaayo, inyu chaghughuuti, gho kubha mokobharëki abhaato ghusöha mo‑bhutëmi bho Mwishaaro gho nchëra e meeghi ghaanyu. Amare inyu bheene motaaghusöha‑mu, wiiki motaakobhiisherereri abhaato abhande bhano bhakwënda ghusöha, bhasöhë. [

Mataayo 21:43

“Gho ghayo, ˆnekabhabhoorera kubha, inyu motaaghusöha mo‑bhutëmi bho Ryobha, amare abhaato abhande nibho bhaghwisherereru ghusöha‑mu. Abhaato bhayo m‑bhano bhaghotora ghuköra bhoheene mo‑moghondo waache, kubha ghabhönëkë amakorobhese ghano ghakorichömëri Eryobha.

Mataayo 21:31

Kana, mo‑bhabhere bhayo, n‑niwe uno aköriri kinya bhuno ishe waache ꞉ëndiri?” Bhaghagharokeri bhakabhugha, “Wuure o mumbërë.” Niho Yesu akabhabhoorera akabhugha, “Mahëënë ˆnekabhabhoorera, abhatöbhi bha righööti na abhasöngörëëri mbaghukangata ghusöha mo‑bhutëmi bho Ryobha.

Mataayo 11:1

Hano Yesu amariri kobharaghereri abhaanabheegha bhaache ikomi na bhabhere, akaru hayo. Aghaye mo‑meghya ghe Ghariraaya kuraghani na kobheeghi abhaato angʼana e Ryobha.

Mataayo 10:8

Muhöri abhabhabharu, moryoki abhaku, mwëri bhano bhaanyi na ambiti na kuhëëbha emisambu. Mbe, gho kubha Eryobha ndebhaheere bhoowa, na niinyu moruusi bhoowa.