Mataayo 10:5 - Eriiraghano Eriihë

⁵ Yesu akabhatoma bhayo ikomi na bhabhere, akabharaghereri akabhugha, “Motaheta mo‑chaase che bhaato bha matöngö, wiiki motasöha mo‑moghya wowoose o Bhasamaariya.

Mataayo 10:5 Referans Kwoze

Yohana 4:9

Mbe, omukari uyo akamugharokeri Yesu akabhugha, “Iye n‑Omuyahuuti, na neeni n‑Omusamaariya. Nibhu oghotora ghunsabha amanche eni omukari Omusamaariya?” ꞉Naabhughiri hangʼu gho kubha Abhayahuuti bhatahasanga haghirohamu na Abhasamaariya.

1 Abhatesaronike 2:16

gho kubha mbaghoturëki kobharaghaneri abhaato bha matöngö Angʼana Anchömu. Mbakwënda kubha abhaato bhatatooribhu. Hangʼu hangʼu mbakwëndërëra ghuköra amasari eriibhagha ryose. Amare ibheere obhororo bho Ryobha ˆbhokabhahikera!

Ruuka 17:16

Hano ahikiri, akiirëkëra kebhuuma mo‑maghoro gha Yesu, ino aramobhoorera ˆoghachömi. Omooto uyo, n‑Omusamaariya are.

Amaköri gha Bhatomu 10:45

Abhayahuuti abhakumi bhano bhiichiri haghirohamu na Bheetero, bhakahagha chwee korighi kubha Eryobha ˆrekabhaha ekihaano ghe Körö Ahörëëru, koru abhaato bha matöngö aghande.

Ruuka 9:2

Akabhatoma, bhaghëndë kuraghaneri abhaato angʼana e bhutëmi bho Ryobha, na kobhahöri abhabhabharu na koruusi emisambu.

Amaköri gha Bhatomu 1:8

Amare, mokuhaabhu changuru hano Akörö Ahörëëru ekuucha ghokoonyu, mookubha abhiibhateri bhaane mo‑moghya o Yerusareemu na ahaghiro ahande hoose ha Yuteya, na Samaariya, mbagha mo‑se yoose.”

Yohana 20:21

Yesu akabhabhoorera wiiki akabhugha, “Omurëmbë ubhe na niinyu. Kinya bhuno Eryobha rentomiri eni, hangʼu hangʼu na neeni ˆnekabhatoma inyu mo‑se ino.”

Yohana 7:35

Niho abhaato bha rikinda riire bhakabhoorani bhakabhugha, “Kana, omooto uno naaghuye hayi hano itu totaaghotora komubhöna? Kana, nakwënda ghuye mo‑Bhayahuuti bhano bhasanchiri mo‑Bhayunaani na kobheeghi iyo?

Yohana 4:5

Mbe, bhakahika mo‑moghya umu o Bhasamaariya okobherekeru Sikaari. Omoghya uyo noore haghuhe no omoghondo o Yakobho uno ꞉aheere aghabho Yusubhu mwërëëti waache.

Ruuka 10:33

“Akamara akaacha Omusamaariya umu, uno are mo‑rughëndö rooche. Hano amorooche omooto uyo, akamoghwera bheghongi.

Mataayo 4:15

“Ase e Sabhurooni ne e Nabhutaari, ncheenyi mo‑nchëra e kwërëkëra mo‑nyancha, amwambuko e rooche ro Yorotaani. Ghariraaya hayo niho ꞉bhaamanyiri abhaato bha matöngö.

Amaköri gha Bhatomu 8:1

Sawuri woose ꞉niisheriiri gho ghwitu gho Siteebhano. Orosiko ruyo hakarwera anyaako ihaari chwee mo‑bhaato bha mo‑kanisa iyo Yerusareemu. Abhaghëndi bhaaru bha Yesu bhaghasancha, bhakangʼösëra mo‑mikööwa ghe Yuteya na Samaariya. Amare abhatomu bha Yesu, bhaghasaagha Yerusareemu.

Yohana 8:48

Abhayahuuti bhakamobhoori Yesu bhakabhugha, “Kana, totaakobhugha obhuhëënë hano tokobhugha kubha iye n‑Omusamaariya, wiiki noonyi no omusambu?”

Yohana 4:20

Bhasookoro bhiito mbaare bharasëngëra mo‑gheghoro ke Gherasimu, amare inyu Abhayahuuti mobhugha nekwëndëru tughëndë korisëngëra Eryobha Yerusareemu.”

Ruuka 10:1

Achekumara ghayo, Omutëmi Yesu akaahura abhaghëndi abhande, miröngö mohungate na bhabhere. Akabhatoma bhabhere bhabhere, bhakangate mo‑meghya na ahaghiro hoose, hano are ëndiri ghuye omwene.

Mataayo 22:3

Omutëmi uyo akabhatoma abhasësë bhaache kobhabherekera bhano are araghiini kubha bhaache mwirugha, amare ibho bhakaanga kuucha.

Maariko 6:7

Akabhabherekera abhaanabheegha bhaache ikomi na bhabhere. Akabhaha obhotoro bho koruusi abhaato emisambu, akabhatoma bhabhere bhabhere.

Ruuka 9:1

Orosiko rumu Yesu akabhabherekera abhatomu bhaache ikomi na bhabhere. Akabhaha obhotoro bho kuhëëbha emisambu ghyose koru mo‑bhaato, no obhotoro bho kuhöri amabhabharu ghoose.

Yohana 17:18

Kinya bhuno ontomiri eni mo‑se, hangʼu hangʼu na neeni nebhatomiri mo‑se.