Mataayo 1:23 - Eriiraghano Eriihë

²³ “Mööhi! Omuukë uno ataamara amënya omosubhe naghughëgha anda, nawe nakwibhora omoona o ghesiite! Nabho mbakomoroka eriina reeche Emanweri.” Egheteemoro keeche, “Eryobha ndeenyi haghirohamu na niitu.”

Mataayo 1:23 Referans Kwoze

Yohana 1:14

Angʼana iyo ekabha omooto, aghiikara ghateghate yiito. Itu bhoose tokabhorighi obhokumi bhooche obhokoro, obhokumi bhooche obhokoro iwe uno anyi Omoona omwene chiri o Taata, niichwire aghareeya no obhuhëënë.

1 Timotewo 3:16

Amangʼana gha bhuhëënë ghano Eryobha rehunywire n‑gha koroghoori, nagho nigho ghano: Kirisito niyëërëkiini mo‑mobhere, na Akörö Ahörëëru ekamuhëënëhi kubha, mughöröröku, akarighibhu na bhamarayika, akaraghanibhu mo‑matöngö ghoose, aghakumibhu na abhaato bha mo‑se, aghaghëghu ghuye ighoro mo‑bhokumi bhooche obhokoro.

Mataayo 28:20

Wiiki mobheeghi ghoghaghööta ghoose ghano nebherekeriiri inyu. Mööhi! Neekubha haghirohamu na niinyu eriibhagha ryose mbagha mo‑ntenero e se.”

2 Timotewo 4:22

Omutëmi Yesu abhe haghirohamu na niiye. Aghareeya yaache ibhe haghirohamu na niinyu bhoose.

Abharuumi 9:5

Abhiisiraeri bhayo ꞉mbiibhwiru na bhasookoro bhaabho, Abhurahamu, na Isaka na Yakobho. Gho kohetera omobhere, koru Kirisito n‑Omwisiraeri. Kirisito, uno anyi Eryobha, Omokoro o bhyose, aghongibhu emiishe ghyose! Hawubhaabha.

2 Abhakorinto 5:19

Niko kobhugha, gho kohetera gho Kirisito, Eryobha ꞉ndiitëmëëriini abhaato na ryo, na retabhabhariire abhaato obhobhe bhoobho. Wiiki Eryobha ndetoheere emeremo ghe kobhabhoorera abhaato amangʼana gha bhoghwani bhuyo.

Amaköri gha Bhatomu 18:9

Orosiko rumu obhotiko Omutëmi akamobhoorera Bhawuro mo‑marighi akabhugha, “Otatiina, wëndërërë hangʼu hangʼu kuraghani. Otaku omukörö,

2 Timotewo 4:17

Amare Omutëmi Yesu naare haghirohamu na neeni. ꞉Naaheere changuru che kuraghani Angʼana Anchömu kwo bhohikeeranu, kubha abhaato bhoose bha matöngö bhayooghu. ꞉Naantooriri mo‑tabhaaribhaari e roko, gho kubha neere kinya uno anyi mo‑monu o ka.

Mataayo 1:24

Hano Yusubhu abhookiri koru mo‑chandöörö, aghaköra kinya marayika o Mutëmi are amobhooriire. Yusubhu akamokwira Mariyamu,

Abharuumi 8:31

Mbe, tobhughe ke ibheere ighoro e mangʼana ghayo? Aribha Eryobha reenyi eribhaara riito, n‑niwe uno aghotora ghotokinda?

Ruuka 20:44

“Aribha Tawuti omwene nakomobherekera Kirisito arabhugha Omutëmi waache, ibheere, Kirisito nibhu aghotora abhe omoona waache wiiki?”