Mataayo 1:19 - Eriiraghano Eriihë

¹⁹ Amare gho kubha Yusubhu, omosubhe waache naare omooto omuhëënë ambërë e Ryobha, tëëndiri amosooki Mariyamu. Niho ihëëbhiri komotigha gho kebhisere.

Mataayo 1:19 Referans Kwoze

Ruuka 2:25

Hayo Yerusareemu, naare‑ho omooto umu, eriina reeche Simiyooni. Simiyooni uyo naare muhëënë ambërë e Ryobha araresooka, ino araghanya korighi ghotooribhu kwo Abhiisiraeri. Akörö Ahörëëru neere haghirohamu nawe.

Maariko 6:20

Herote ꞉naamotiiniri chwee Yohana gho kubha ꞉naamënyiri kubha iwe n‑omooto muhöriicho no omutööbhiyu, gho ghayo akamochonga. Herote nasiighiri komutëghëërëra chwee Yohana, nangabha hano amariri komutëghëërëra ꞉niitumatiri chwee.

Maariko 10:4

Bhakamugharokeri bhakabhugha, “Musa ꞉naabhiishereriiri kubha omosubhe amwandëkërë omukari waache anyaarubha e ghutaana nawe.”

Amaköri gha Bhatomu 10:22

Bhakamobhoorera, “Ntotomuru no omokoro umu o bhaashirikare, akobherekeru Korineeriyo. Korineeriyo uyo m‑mooto omuhöriicho uno akoryoghwera Eryobha, na ghoghongibhu na Abhayahuuti bhoose. Ibheere marayika omutööbhiyu namobhooriire aghughënëhi awaache, kubha atëghëërërë amangʼana ghano okomobhoorera.”

Amaköri gha Bhatomu 27:39

Hano bhookiire bhoheene, abhahöki bhayo bhakarighi ahaghiro hano amanche ghasöhiri mo‑se ayoomu ino ere no omwishekeenya, amare bhataamanyiri n‑ase ke. Bhaghiishererani kubha, aribha ekubha bhayetighe ameeri iyo isöhë ahaghiro hayo.

2 Abhakorinto 1:15

Eni neere no obhuhëënë bho mangʼana ghayo, na nikyo neere nërëënda kuucha bhowaanyu hayo ekimbërë, kubha mubhönë orubhango ro ghutaareru na neeni mara kabhere.