Mataayo 1:1 - Eriiraghano Eriihë

¹ Ghano nigho amariina gha rwibhoro ro Yesu Kirisito uno arweriire mo‑rwibhoro ro mutëmi Tawuti o mo‑rwibhoro ro Abhurahamu.

Mataayo 1:1 Referans Kwoze

Abhagharatiya 3:16

Mbe, Eryobha ꞉ndiiraghiri kwo Abhurahamu sookoro wiito, haghirohamu no orwibhoro rooche. Amandëkö Amatööbhiyu ghataakobhugha kubha, “Na gho chanyiibhoro cheeche,” egheteemoro keeche n‑kubha, taanyi bhaaru, amare ngakobhugha, “No orwibhoro rooche,” egheteemoro keeche n‑kubha, n‑umu, niwe Kirisito.

Abharuumi 1:3

Angʼana Anchömu iyo n‑angʼana ighoro e Moona waache. Omoona uyo, ꞉niibhwiru kinya omooto mo‑rwibhoro ro mutëmi Tawuti,

Obhohunyurëru 22:16

“Eni Yesu, n‑o riitina re mutëmi Tawuti no orwibhoro rooche, wiiki nekurëngaari kinya anchöta e tabhoori. Eni neeni netomiri marayika waane ache abhabhoorere inyu abhaghëndi bhaane amangʼana ghano, gho ghiri e makanisa.”

Yohana 7:42

Kana, Amandëkö Amatööbhiyu ghataakobhugha kubha Kirisito nakorwera mo‑rwibhoro ro mutëmi Tawuti? Wiiki kubha nakwibhoru Bheserehemu, mo‑kyaro kino Tawuti ꞉ibhoriiru?”

Amaköri gha Bhatomu 2:30

Amare gho kubha Tawuti m‑murööti are, ꞉naamënyiri kubha Eryobha ꞉ndeemuraghiri gho kuraheri kubha, ndekomuköra omooto umu o mo‑rwibhoro rooche ghukangata obhutëmi bhooche.

Mataayo 1:18

Ghano nigho amangʼana gha kwibhoru kwo Yesu Kirisito. Mariyamu nyina Yesu, naare arwachiiru obhuku na Yusubhu. Amare hano bhaare bhakeere komisi haghirohamu, Mariyamu akarighibhu n‑inda anyi kwo bhotoro bho Körö Ahörëëru.

Abharuumi 9:5

Abhiisiraeri bhayo ꞉mbiibhwiru na bhasookoro bhaabho, Abhurahamu, na Isaka na Yakobho. Gho kohetera omobhere, koru Kirisito n‑Omwisiraeri. Kirisito, uno anyi Eryobha, Omokoro o bhyose, aghongibhu emiishe ghyose! Hawubhaabha.

Abharuumi 4:13

Eryobha ꞉ndiiraghiri Abhurahamu na abhaato bha rwibhoro rooche kubha, ndengabhaheere ase yoose ibhe aghabho yaabho. Eryobha retaaraghiri hangʼu gho kubha Abhurahamu naare ahikeriini ghano emeghiro ghekwënda, amare n‑gho kubha naare ararekumi Eryobha. Niho Eryobha rekamubharera Abhurahamu kubha naanyi no obhuhëënë ambërë yaache.

Mataayo 15:22

Niho omukari umu Omukananaayo o iyo, akaacha o‑Yesu, akabherekera kwo riiraka akabhugha, “Oo Omutëmi, Omoona o Tawuti, ondigheri changori! Omuukë waane nakunyaakibhu chwee no omusambu.”

Mataayo 9:27

Hano Yesu amariri ghutanura hayo, abhahuku bhabhere bhakamutambana, bhaghatiiri amaraka ghaabho bharabhugha, “Oo Omoona o Tawuti, otorigheri changori!”

Mataayo 3:16

Hano Yesu abhatiisuru na kohoroka mo‑rooche, mööhi, hayo hayo erishaaro reghiighoka, akarighi Akörö e Ryobha eriika kinya egheghuuti na ghwikara ighoro yaache!

Mataayo 1:2

Abhurahamu namwibhwire Isaka, Isaka akiibhora Yakobho, Yakobho akiibhora Yuuta na bhaömööbhö.

Ruuka 1:33

Naghwikara no obhutëmi bho bhaato bhoose bha Isiraeri, emiishe ghyose. Obhutëmi bhooche, bhotaaghosira naabha.”

1 Timotewo 2:5

Ndeenyi‑ho Eryobha rimu hangʼu, no omorwachi ghate e bhaato ne Eryobha woose n‑umu. Uyo niwe omooto Kirisito Yesu.

2 Timotewo 2:8

Omohiite Yesu Kirisito o mo‑rwibhoro ro mutëmi Tawuti, uno Eryobha ꞉reemoryokiri koru mo‑bhaku. Iyo niyo Angʼana Anchömu ino nekuraghani.