Maariko 9:7 - Eriiraghano Eriihë

⁷ Niho erishaaro reghiika, rekabhakundekeri. Bhakooghu eriiraka re Ryobha rerarwera mo‑rishaaro riyo, rerabhugha, “Uno n‑Omoona waane omosiighani, momutëghëërërë!”

Maariko 9:7 Referans Kwoze

2 Bheetero 1:17

Itu ntoore‑ho eriibhagha ahaabhuru asooko no obhokumi obhokoro koru o‑Taata Waryobha. Eriibhagha riyo, eriiraka rekaru kwo Waryobha uno anyi Obhokumi Obhokoro, rerabhugha, “Uno n‑Omoona waane omosiighani, uno neghuchömëru nawe.”

Mataayo 3:17

Eriiraka rekarwera Mwishaaro rerabhugha, “Uno n‑Omoona waane omosiighani, neghuchömëru nawe.”

Maariko 1:11

Niho eriiraka koru Mwishaaro rekabhugha, “Iye n‑Omoona waane omosiighani, uno neghuchömëru na niiye.”

Obhohunyurëru 1:7

Mumööhi! Nakuucha mo‑mashaaro! Abhaato bhoose mbakomorighi, koru abhaato bhaare ꞉bhaamongʼuutiri eriitimo. Amatöngö ghoose mo‑se ngakwihiinyërëra gho ghiri yaache. Hëënë, neekubha hangʼu. Hawubhaabha.

Abheebhuraaniya 2:1

Gho ghayo, tubhe miisho chwee gho ghano tooghwire, kubha totaacha ghoghatigha na ghughöötana na amangʼana aghande.

Yohana 20:31

Amare ebhyërëkërëri bhino bheenyi mo‑ghitabhu kino bhyandëkuru motore ghokumi kubha Yesu niwe Kirisito, Omoona o Ryobha, na gho komokumi mubhönë obhuhöru bho miishe ghyose kwo riina reeche.

Yohana 6:69

Itu ntoghokumi, wiiki ntweche kubha iye n‑Omutööbhiyu koru kwo Ryobha.”

Yohana 1:34

Niho Yohana akëëndërëra kobhugha, “Eni negharooche, wiiki neghoghaghamba, kubha uyo niwe Omoona o Ryobha.”

1 Yohana 5:20

Wiiki ntweche kubha Omoona o Ryobha namariri kuucha, natoheere obhongʼiini, kubha torimënyë Eryobha re hëënë. Ntoonyi no obhumu ne Eryobha re hëënë, gho nchëra e kubha no obhumu no Omoona waache Yesu Kirisito. Rino niryo Eryobha re hëënë, no obhuhöru bho emiishe ghyose.

Abharuumi 1:4

amare gho kohetera Akörö ino enyi Intööbhiyu, Eryobha ꞉ndeemwahwire kubha Omoona o Ryobha uno anyi no obhotoro bhoose, hano remoryokiri koru mo‑bhaku. Yesu Kirisito uyo niwe Omutëmi wiito.

Amaköri gha Bhatomu 8:36

Hano bhaare mo‑rughëndö, bhakahika ahaghiro hano ꞉haare na amanche. Omokoro uyo akamobhoorera Bhiiribho akabhugha, “Mööhi! Hano, ngaanyi‑ho amanche. N‑ghento ke ghekundeki netabhatiisu?” [

Amaköri gha Bhatomu 7:37

“Musa uyo niwe are abhabhooriire Abhiisiraeri bhayo, ‘Ghate yaanyu, Eryobha nakobhaahurera omurööti kinya eni.’

Amaköri gha Bhatomu 1:9

Hano Yesu amariri kobhabhoorera abhatomu bhaache ghayo, bhoose bhaakabha bharamumööhërëri, hayo hayo aghaghëghu ghuye Mwishaaro. Erishaaro rekamobhisa, bhataamorooche wiiki.

Yohana 19:7

Abhayahuuti bhakamugharokeri bhakabhugha, “Itu ntoonyi no omoghiro, na kurëngʼaana no omoghiro uyo, nakwëndëru ghwitu, gho kubha naghwighamba kubha n‑Omoona o Ryobha.”

Yohana 9:35

Hano Yesu oghwire kubha mbamuhëëbhiri omooto uyo, aghaye komutabhara. Eriibhagha ꞉amobhwine, akamobhoori akabhugha, “Kana, nokomokumi Omoona o Mooto?”

Yohana 5:37

Nawe Taata uno antomiri, nahanyibhateereri ghokoonyu. Inyu motaamara kooghu koru eriiraka reeche, wiiki motaamara momorighi kebhuno anyi.

Yohana 5:18

Gho ghayo, abhakangati bha Bhayahuuti bhaghasëëma ghutabhara anchëra e komwita Yesu. ꞉Mbaaköriri hangʼu gho kubha taasariri emeghiro ghe Riikane eryene, amare ꞉naabherekiire Eryobha kubha, n‑Ishe. Gho nchëra iyo naare ariitoora kubha, naanyi kebhuno Eryobha reenyi.

Yohana 1:49

Niho Natanaheri akamugharokeri akabhugha, “Oo Omweghi, iye n‑Omoona o Ryobha! Iye n‑Omutëmi o Isiraeri!”

Mataayo 27:54

Akamara omokoro o bhaashirikare haghirohamu na bhano ꞉bhaare bharamochonga Yesu hano bharooche ekerighito na aghande ghoose ghano gharweriire, bhaghatiina chwee, bhakabhugha, “Mahëënë, omooto uno naare Omoona o Ryobha!”

Mataayo 27:43

Iwe naghwitëngʼëra Eryobha, wiiki naare arasiikëra arabhugha, ‘Eni n‑Omoona o Ryobha.’ Mbe, Eryobha ndemotoori ibheere aribha remosiighiri hëënë.”

Maariko 9:6

Taamënyiri re ghosiikëra, gho kubha iwe na abhaghëndi bhaache ꞉mbaaghööturu na ahaho chwee.

Maariko 9:8

Hayo hayo abhaanabheegha bhaare bhakamööhi ino na ino, bhataamorooche omooto owonde, amare Yesu omwene chiri.

Ruuka 3:22

Akörö Ahörëëru ekamwikëra kinya egheghuuti na ghwikara ighoro yaache. Niho eriiraka koru Mwishaaro rekabhugha, “Iye n‑Omoona waane omosiighani, uno neghuchömëru na niiye!”

Yohana 12:28

Oo Taata Waryobha, wërëki obhotoro bhoocho kebhuno bhoonyi.” Niho hakarwera eriiraka koru Mwishaaro rerabhugha, “Oo Omoona waane, eni ꞉nyëërëkiri obhotoro bhoone na neghuköra hangʼu wiiki.”